اول قصه من كتابتي ((غلطه عمري))

[روعه الاحساس]

مرحبا

هذي اول قصه من كتابتي اتمنى تعجبكم وارجوا انكم ما تبخلوا بالنصائح



وراح انزلها ان شاء الله على اجزاء اتمنى تستمتعوا بقرائتها


___________________________


((غلطه عمري))


- الشخصيات الموجوده بالقصه-

عائله سالم محمد (عائله دلال):

مروه: 22 سنه عندها لامبالاه بدرجه مو طبيعيه ، صحت من الهفوه بعد فوات الاوان .

دلال:انسانه روعه بمعنى الكلمة عمرها 21 سنه تدرس بالجامعه بطبعها هادئه ومتزنه .

وامهم توفت لما كانوا صغار فقام أبوهم بكل الادوار.



عائله نواف:
نواف : 23 سنه طالب بالجامعة ، قضى عمره في خدعة بس تفاداها.

ام نواف: تحب نواف كثير وكله تحب تروح عزايم وقهاوي وهالسوالف.

ابو نواف: رجل اعمال ناجح يسافر كثير وطول الوقت مشغول.






عائله مريم:

مريم: صديقه دلال وتوأم روحها ,مع بعض بالجامعة وفي نفس التخصص – يعني ما تفارقها ، طول الدوام وجههم ببعض ( مين لك غيري) - عمرها 21 سنه انسانه وفيه وخدومه تحب دلال مووووت.

سعيد: اخو مريم ربيعة دلال عمره 25 سنه شايف ومغرور.


هذي نبذه مختصره واترك الباقي لمخيلتكم .

-----------------------------------


يا ألم وين أخبيك...
لا تفشت جروح السنين..
وانطفى دفا الحنين
ااااه))... هذا هو صوت الانين.)).
وين لمسة الدفا اللي غابت..
وين الصدر اللي يحتويني
وينثر البسمات على هالجبين

-1-





صوت صياح الديك وبعدها بحين صوت المؤذن وهو يكبر لله سبحانه وتعالى وفي سكون الفجر وهدوئه قامت دلال من النوم ودشت الحمام ((ربي يعزكم)) توضأت لصلاه الفجر وبعدها مرت على غرفه أختها مروه عشان تقوم ويصلوا ويا بعض ولما تقربت من باب غرفه مروة سمعت صوت ضحكات و أنغام عالية استغربت الوضع دقت الباب ظهرت لها مروه وهي تقول : انتي بلاج مينونه يايه احين الغرفه ..اقول لو تروحين سجنج ابرك
دلال: اختي الاذان خلص شو رايج نصلي ويا بعض وبعدها نقرا قران
مروه: صدق ما عندج سالفه اقول ذلفي لاني مب فاضيه ((وطقت الباب في وجه اختها))
دلال وهي زعلانه ومتحسفه على اختها : الله يهديج بس .
وخذت سجادتها من الدرج وكانت لدلال قصه مع هذي السجاده وكانت كثير تحبها لان امها اول ما بدت دلال تتعلم تصلي اهدتها امها هالسجاده وكان وقتها عمر دلال 6 سنوات وظلت دلال محتفظة بالسجادة وتصلي فيها دوم .
لما خلصت دلال من صلاتها الي كلها خشوع جلست تدعي لأختها وعيونها بتنفجر من الدموع حست دلال انها كثير تعبانه اخذت مصحف وجلست تقرا إلى الصبح وبعدها تجهزت ومرت عليها ربيعتها وصديقه عمرها مريم كانوا دوم ويا بعض من الابتدائه للحين سنه 3 جامعه تجهزت دلال وألا تسمع تلفونها يرن و طالعت الشاشة (( صديقه عمري) ) صرخت مريوم وهي كانت وايد تعبانه من إلي صار لها مع مروه وكانت متاكده إن مريم رح تنصحها وتساعدها .


تحياتي : روعه الاحساس:0417:

[روعه الاحساس]

ياصاحبي بأشكيلك عن هم نما بالجوف واستقر
بغيابك صارت كل الوجوه تتشابه
صرت أصيح واهذي والخبر نفس الخبر
صارت دموعي تنادي والأسى فاتح بابه



-2-




رفعت دلال سماعه التلفون :السلام عليكم هلا بالغالية
مريم :وعليكم السلام صباح الخير يا حلوة أنا صار لي ساعة مرتزة عند بيتكم شو ايي ازفج ههههههههههه
دلال وكانت كثير هادية عكس مريم ردت بهدوء : ان شاء الله ثواني واكون عندج مع السلامه
مريم :انزين غناتي لا تطولي لا اييج الغرفه احين
دلال : ان شاء الله وسكرت التلفون
مروه وكانت في سابع نومه أكيد لأنها طول الليل وهي تسولف مع نواف
هذا نواف وياها بالكلاس وكانت ليل نهار كله تسولف وياه .
نزلت دلال لقت أبوها يفطر سلمت عليه وركضت للسياره لا تسوي لها مريم سالفه .
مريم :اوف اوف اوف شو هذا يا دلول كل هذا تتيهزي ؟؟
دلال: السموحه الشيخه
مريم : انزين يلا صعدي بتبدأ المحاضرة
دلال: يلا
مريم لاحظت انه دلال تعبانه وغير كذا كانت عيونها حمر بس ما حبت تتكلم وتضايقها سكتت لين ما تكلمت دلال : مريووم ما ادري شو اسوي احس روحي كثير تعبانه من وفاة الوالدة الله يرحمها مروه هذا حالها كله تكلم شباب وحركاتها ما تعيبني غير انها ما صارت تصلي نفس قبل وتكلمني بطريقه مو حلوه بس ما ادري !! كانت تحترمني وتكلمني بطريقه احسن
مريم: انزين ليش ما تحاولي تكلميها ؟؟
دلال: دووم احاول اتقرب منها بس تصدني وحاولت اكلم ابوي بس اخاف من اللي راح يصير انتي تعرفي انه ابوي ما رح يتحمل اللي تسويه وانا اخاف عليها وعلى ابوي
مريم : ادعي لها عسى ربي يهديها شو ما بتنزلي وصلنا
دلال: اسفه حبيبتي كدرت مزاجج
مريم : خلي عنج الكلام الفاضي انتي اختي هاااا لا يكون تعرفي وحدة غيري
دلال : مريوم ضحكتيني وما ودي اضحك
مريم : يا حلو هالضحكه انتي وين مخبيتها ضحكي ترا الدنيا ما تسوى وعسى ينعدل حال مروه
دلال : الله يسمع منج

____________________________________


هذي هي لعبة الزمان
واشتعل في الصبا احلى مكان
زهرة عمرها تحترق
ويبقى دخااان مصيره الاندثار...
وصدى صوت يذبل
ويسرق نور الايام
***************



-3-
ويدخلو الكلاس وكان الدكتور بعده ما واصل تنفسوا الصعداء وجلسوا بسرعة .
وبعدها بساعات قامت مروه من النوم بكل هدوء اتصلت بنواف تصبح عليه وسكرت التلفون وراحت للحمام (الله يعزكم) وطبعا كم ساعة أهتمام بالبشرة تحط ماسكات وما ادري شو بعدها حطت ماسك مغذي وفتحت موسيقى هادئه كلاسيك وحطت على عيونها خيار .
في الجامعة دلال ومريم رايحين المكتبه علشان عندهم بحوث يبون يخلصونها وكان واحد معجب بدلال وايد لانها كانت حلوه وايد وايد احلى أكثر بكثيير من مريم ومع انها ما كانت تحط مكياج ولا شي وكان هالشخص يلاحقها من مكان لي مكان حتى مريم كانت بتكلمه وتصرخ فيه بس دلال قالت لها ماله داعي مشاكل وهواش خليه بيمل ويروح بروحه .
مروه بعد ما خلصت اهتمام ببشرتها وراحت عند ابوها تبي فلوس أكييد بتسير الصالون لأن ربيعتها تنتظرها بيسيروا الكوفي شوب ... دخلت مروه على ابوها بالمكتب ومن كثر انشغاله ما انتبه لوجودها قالت : احم احم صباح الخير يا بو مروه .
أبوها : صباح النور بنيتي شو اشوفج اليوم ما سرتي الكلية عسى ما شر شئ يعورج (رغم صرامة ابو دلال ومروه الا كان لهم الاب والام بعد وفاة المرحومه والدتهم )
مروه : لا الحمدالله ما فيني الا العافيه لا تحاتي يبه (ويرن تلفون مروه تطالع الشاشه وترتبك وبعدها تحطه صامت )
ابوها :
خير يا بنيتي ليش ما تردي على تلفونج ؟؟
مروه : هاااه لا لا يبه ما في شي بس ههههه ذي ربيعتي ما لي خلق لها (الا ويرن التلفون مره ثانيه )وتحطه مروه صامت مره ثانيه
ابوها : شكلها ربيعتج تبيج ضروري ولا ما كانت تدق عليج اكثر من مره
((ويرن تلفونها)) مروه:ان شاء الله ابويه ان استاذن احين بسير اشوف ربيعتي شتبي.





_____-

[شنتر بن عداد]

مشكووووووووووور اختي والقصة حلوة واستمري ونحنا معاكي

[روعه الاحساس]

يسلمو اخوي


وان شاء اللله اكون عن حسن ظنكم

واشكرك عالمرور

[روعه الاحساس]

وبدا يلعب على الحبلين
لعبة أحبك وتحبيني
أمووت فيك ووينك

آآآآه يا زمن
ضاع نبض العمر



-4-

تطلع مروه عن ابوها وشوي وتموت من الخوف وكانت تحس ريلها ما تشيلها من الربكه .
ابتعدت شوي عن مكتب ابوها وردت على التلفون وكان يتصل نواف هي كان مسجل عندها باسم ((حياتي)) خذت نفس عميق وردت
مروه:مرحبا حياتي
نواف : بعد فيج ترحبي والله متفيقه ليش ما تردي عليه لما ادق هااااا
نواف:سوري حبيبي ويقاطعها نواف: لا يكون تكلمي غيري تعرفي اني اغار عليج من نسمه الهوا وبعدين تراج خرعتيني مب عوايدج ما تردي على اتصالي هااااا شو السالفه؟؟؟
مروه: فديتك كنت عند بابا
نواف : كنتي عند البابا ولا حد ثاني بليز لا تكذبي ترى ما اتحمل انا
مروه:احين انا كذابه والله يا عمري لما ما رديت ما كنت اقصد شي والله
نواف:تعرفي شو اكتشفت اليوم؟؟
مروه: شو عسى خير؟؟
نواف: اكتشفت انج تلعبي علي
مروه بعد السكوت فتره:احين هذا رايك فيني والله العظيم اني اموت فيك
نواف: صدق!!!
مروه : هيه والله صدق شو تباني اسويلك عسب ترضى آمر حبي؟
نواف: مشكورة ما تقصري بس اذا تحبيني صدق مثل ما تقولي عيل اليوم اباج تكشخي وتلبسي احلى ما عندج انتي واختج دلال وتقاطعه مروه: دلال !!؟؟ ليــش؟؟
نواف : هيه دلال ولا شكلج ما تحبيني
مروه : لا فديتك بس تعرف انه دلال معقده واذا قلت لها بتبدى محاضرة ما رح تخلص
نواف: هي حلوه ؟؟!!
مروه وهي معصبه :وليش تسأل ؟؟
نواف: تغاري هاا ؟؟ بس كنت اختبرج تغاري ولا لأ
مروه : فديت روحك انا هههههههه وشو عسى بس نجحت في الاختبار ؟
نواف : لا ما ينخاف عليج قدها , ترى اترياج ها
مروه: حاضر يا قلبي انا بكون عندك بس ما اوعدك اني اقدر اقنع دلال اتيي وياي
نواف : اعطيني رقمها وانا بقنعها
مروه : ردينا
نواف : فديت اللي يغارون انا
مروه : انزين ترا استحي
نواف: حلاتج لا استحيتي
مروه : بس عاد
نواف : هاهاهاهاا انزين اترياكم اليوم
مروه : ان شاء الله شي بخاطرك
نواف : سلامت راسج حياتي
مروه : الله يسلمك
مروه : نواف حبي انا احين اخليك اوكيك
نواف : اوكي
مروه : اقول دلال وصلت بحاول اقنعها
نواف :ههههه اوكي يلا سي يو
مروه : بااي

[مصرقعة ضايعة]

مشكووووووووووور اختي والقصة حلوة واستمري ونحنا معاكي

[روعه الاحساس]

يسلمو الغلا


نورتي