حبـ ن جمعنا ..و ظروفـ (ن) فرقتنا

[أحـ أنثى ـلام]

السلام عليكم و رحمة الله و بركاتة

اعزائي القراء

أقدم لكم

روايتي

الاولى

و اتمنى انها تعجبكم و تنال على اعجابكم

و اتمنى انكم تنقدوني اذا في كتابتي شيء

وروايتي الأولى


(حبـ (ن) جمعنا .. و و ظروفـ (ن) فرقتنا)



طبعاً اسم الرواية من احداث الرواية

[أحـ أنثى ـلام]

حبـ (ن) جمعنا .. و ظروفـ (ن) فرقتنا


أبطال الرواية

عائلة أبو راكان (محمد):
- منى ---< الأم (أم راكان)
- راكان الولد الكبير عمره (21) اولى هندسة
- راما البنت الكبيرة عمرها (23) آخر سمستر في الجامعة في قسم إدارة و اقتصاد
- ريناد البنت الصغيرة عمرها (17) اولى طب
- رامي الولد الصغير عمره (15) اولى ثانوي


عائلة أبو نايف (محمد):
- فوزية ---> الأم (أم نايف)
- نايف الولد الكبير عمره (21)ثانية هندسة بالكلية مع راكان
- نوف البنت الكبيرة عمرها (18) اولى طب صحبة ريناد
- نواف الولد الوسطاني عمره (16) ثاني ثانوي
- نادر الولد الصغير عمره (13) ثاني متوسط
- نرمين البنت الصغيرة عمرها ( 11) سادس إبتدائي


عائلة ابو خالد ( سعود ):
- عنود ---< الأم ( أم خالد)
- البنت الكبيرة هبة عمرها (19) اولى طب صحبة ريناد و نوف
- البنت الصغيرة هديل عمرها (14) ثالث متوسط
- الولد الصغير عمره (13) ثاني متوسط

[أحـ أنثى ـلام]

الجزء الأول
نبدأ القصة
بسم الله

(في كلية الطب بجامعة الملك عبدالعزيز في جدة)

ريناد و هبة كانو رايحين على البوابة عشان السواقين مستنين برة عشان يرجعو البيت و نوف راحت البيت من ساعة و ماحضرت اخر محاضرة لأنها تعبانة مرررررة إلا و يرن جوال ريناد و ترد
ريناد: هاي مي مي .. لسه ما خرجت.. قريب على البوابة .. ليش؟ .. طيب طيب .. دحين جاية
هبة: رنو ايش في؟
ريناد: لازم نروح مبني 6 لأن علامات الفيزياء نزلت
هبة بخوف : الله يستر
ريناد: انا رايحة حتجي معاية
هبة: اكيد .. يلا بسرعة
ريناد: يلا

و راحو بصمت و خوف إلا ان وصلو لمبنى 6 و لمن طلو في الورقة حقت العلامات ريناد ابتسمت و بسرعة اتغيرت ملامحها و كشرت

هبة بصراخ الفرح: الحمدلله ممتاز و انتي ياريناد؟
ريناد: ---------
هبة: ريناد ايش فيكي ليش زعلانة .. انتي حليتي احسن مني مو معقولة تكوني خبصتي!!
ريناد: لا فال الله و لا فالك علامتي حلوة الحمدلله جبت 39
هبة: اعلى علامة في الدفعة .. طيب ليش زعلانة ؟
ريناد: شفتي علامة نوف
هبة : لا نسيت من الخوف و الفرحة .. دحين اشوفها
ريناد: لا ما يحتاج انا شفتها
هبة : طيب كم ؟
ريناد : 26 من 40 يعني جيد على الحفة
هبة: وااااااااااااااااااو .. هية قالت اصلا ما تحب الفيزياء و لا حلت في الاختبار
ريناد: طيب ايش حنسوي معاها ؟
هبة: ما ادري؟
ريناد: طيب يلا نتناقش و نحنا في طريقنا لللبوابة عشان رمو( راما _أختها الكبيرة) تبغى السيارة
هبة: اوكي
ريناد: لازم الترم الثاني نخليها تشد في الفيزياء
هبة: صح لازم .. بس
ريناد: بس ايش ؟
هبة : بس نوف عنيدة تعرفيها دماغها ناشفة
ريناد: مو هذا الي مخوفني و مخليني اقولك لازم نفكر ايش حنسوي معاها
هبة: يلا اهو سواقي .. باي
ريناد: الا استني انتي كم جبتي؟
هبة و هي رايحة على السيارة بسرعة : 35 من 40
ريناد: يعني ممتاز مبروك
هبة: الله يبارك فيكي
و كل وحدة ركبت السيارة و راحت على بيتها و ريناد و طول الطريق تفكر في نوف صحبتها إللي ما اتعرفت عليها الا في الجامعة هي وهبة بس حست انهم زي اخواتها و كأنها تعرفهم من زمان و تتضايق لو اضايقوا و تفرح لو فرحوا .. تفكر بطريقة ترفع فيه مستوى نوف في مادة الفيزياء إلين ماوصلت البيت و حست راسها مصدع من كثر التفكير و نزلت على البيت و حطت راسها على السرير و نامت ما حست بنفسها إلا في فجر اليوم الثاني و ابوها بيصحيها لصلاة الفجر

=================

رجاء صديقة راما الروح بالروح اتعرفت عليها في اول سمستر لهم في الجامعة وفضلو مع بعض وهم اللحين في آخر سمستر تقريباً صايرين اقرب اثنين لبعض
,,, المهم ,,,
رجاء اتصلت عليها فدوى بنت جيرانهم وقالتلها تجي عندها لأنها طفشانة و امها راحت المحاضرة اللي في الجمعية الخيرية لتحفيظ القرآن فرجاء وافقت وراحت لعندها و طبعاً كانو جالسين في غرفة فدوى إلا فدوى قالت لرجاء
فدوى: اسمعي انا بأروح اجيب حلا التوفي و البيبسي عشان ناكله وتكمل الجلسة
رجاء: اوكي و انا بأضبط الاستريوا واحط اغاني روعة نسمعها و نرقص عليها

كانت رجاء واقفة عند الاستريوا و الاستريو مكانه على الجدار اللي جنب الباب و كانت قاعدة تغير الشريط إلا وفجأة ينفتح الباب بقوة و يكون فيصل و لا تلقائيا عيونهم تقابلت.. تجاذب غريب يجذب عيونهم لبعض لمدة 5 ثواني "فيصل شيء غير عن كل الشباب وسيم ابيض طويل عريض حليوة بالرغم من ان عيونه فيها ضيق شوية و ملامحه قريبة على الجاوة إلا بجد ملامحة تخبل" وفضلت نظراتهم متعلقة ببعض زي الانسان اللي كان يدور على شيء و اخيراً لقاه و ما يبغى يفرط فيه ثاني إلا هو استوعب وقال اسف آسف وهو خارج إلا قابل فدوى وهي جاية


فيصل: انتي ما تقولي ان عندك ضيوف
فدوى: لا ضيوف و لا حاجة هذي رجاء بنت جيراننا
فيصل: احلفي رجاء اللي كنا نلعب وياها يوم كنا صغار
فدوى: ايوة .. ليش تسأل عنها؟
فصيل: ههههه لأن توى دخلت غرفتك و ما ادري ان هي موجودة و ما كان قصدي قوليلها فيصل يعتذر منك
فدوى: ههه عادي تحصل في احسن العائلات بس ايش كنت تبغى مني؟
فيصل: ابد وحشتيني و ما جيتي اليوم نكدتي علي عيشتي وصحيتيني فا افتقدت التنكيدة
فدوى: هههههههههههههههه الله ياخذ شيطانك

( ودخلت فدوى الغرفة ولقيت رجاء جالسة على السرير وحاضنة المخدة و ضامة رجولها)

فدوى: رجاء ايش فيكي ؟
رجاء: ولا شيء.. بس ... اخوكي .. فتح ... و شاف.. و
فدوى: اها .. ايوة ايوة هو قالي اعتذرمنك ما كان يدري ان انتي عندي .. وترى عادي تحصل في احسن العائلات و ما صار شيء
رجاء: على قولتك بس تصدقي اخوكي اتغيير احلو عن صغره
فدوى: يا عيني يا عيني .. دحين فصولي احلو
رجاء: اقولك سكري الموضوع احسن

و غيروا الموضوع و رجعت البيت رجاء و طول الليل ما نامت تفكر في فيصل شيء غريب يجذبها له ليش نظراته عيونه شكله مو راضيين يفارقوها ابد

و فيصل بعد ماشاف رجاء كان خارج عند اصحابه يلعبوا بلوت إلا غير رأيه و رجع على غرفته و اعتذر من الشباب و جلس على سريره وضامم مخدته على صدره و يفكر في رجاء .. ياويلي على النعومة والرقة .. هذي البنت تخبل بجد ما اظن في جماله احد بياض ولا اروع و لا وجسمها لا النحيف ولا الدبدوب جسمها ملفوف يجنن و لا و كان شكلها مرة نعوم بالكت الاسود اللي بحبل على التنورة المدي (تنورة لتحت الركبة) البيضة ..انا ليش افكر فيها ايش فيها بنت زي كل البنات .. لا ما ظنتي لا مثيل .. بس عيب انا شفتها بالغلط اقعد كده افكر فيها .. طيب ماني قادر اشيلها من مخي .. انا باتزوجها .. صح اتزوجها و نط من سريره وجرى جري على غرفة فدوى اخته

فيصل وهو يدق الباب حق غرفة فدوى: اقدر ادخل ولافي احد
فدوى: ههههه تأدبت لا راحت بعد ما دخلت على البنت وفجعتها جلست نص ساعة وماقدرت تجلس قالت بتروح البيت .. فجعتها
فيصل بحزن: بجد فجعتها
فدوى: هههه مصرع صدقت لا ما انفجعت و لا شيء بس في البداية كانت مرتبكة وقلتلها هذا فيصل و يعتذر منك قالتلي بحماس هذا فيصل اتغير واحلو
فيصل بفرح: بجد قالت عني احلويت
فدوى: ايوة و الله ما اكذب عليك و لا امزح
فيصل: مين قدي البنات يقولوا عني حليوة
فدوى: ما احد قال إلا رجاء خليتها كل البنات
فيصل: انا عندي رجاء ببنات العالم كله
فدوى باستغراب: فصول ايش حكايتك كلامك غريب و من متى رجاء عندك ببنات العالم كله
فيصل : آه من ساعة ما شفتها غيرت رايي وما خرجت وجلست في الغرفة ما فكرت في احد غيرها بجد مرة عجبتني
فدوى: فصول ترى عيب تعرفهم جيراننا من زمان و عشرة عمر و....
قاطعها فيصل: لا تفهميني غلط .. انا ابغى اخطبها
فدوى: لدي الدرجة
فيصل : ايوة
فدوى: طيب كلم امي هي من اول نفسها تخطبلك و انت اللي رافض من ايام ما انت في الكلية في اخر سنة
فيصل: لا انا لو قلتلها ابغى اخطب رجاء .. حتقولي اشمعنا ومن فين تعرفها .. و عارفة امي
فدوى: على قولتك
فصيل: بس في ايدك تسعدي اخوكي
فدوى: كيف؟
فيصل: اول شيء هي مخطوبة
فدوى: على حد علمي لا بس اظن هذا الخميس جاينهم ناس يشوفوها امس ام الولد مكلمة امها
فيصل بحزن: حظي نحس .. انا عارف
فدوى: طيب قولي الخطة
فيصل: لا خلاص .. ما رح اقولك هي إلا اذا هذا اللي جاييها ما طلع من نصيبها ديك الساعة رح اقولك
فدوى : على كيفك و يلا برة عشان ابغى انام بكرة دوامي من 8 بالجامعة
فيصل: اوكي تصبحي على خير و باس اخته على خدها وطلع
فدوى: و انت من اهل الخير

=================

[أحـ أنثى ـلام]

في بيت ابو خالد

هبة تدور على غرف البيت و تفتحها و تصحيهم و بعدين وقفت في الصالة اللي في النص (هبة ساكنين في شقة بالرغم من انها شقة إلا انها فخمة بديكوراتها البسيطة لأن الأناقة في البساطة و الأولوان المنسجمة كل شيء متناسق لون الجدار من الرخام مع الكنب بيت فوق الروعة و ملموم على قدهم و الصالة في النص من الجهة اليمين غرفتين نوم و غرفة رئيسية و حمام غرفة لهبة وهديل و الغرفة الثانية لخالد و الغرفة الرئيسية لأم خالد و ابو خالد و على الجهة اليسار الصالون و غرفة السفرة)

هبة بصوت عالي و مؤثر : ياهو قوموا للصلاة .. الصلاة خير من النوم .. وصى بها الرسول قبل ان يفارق الحياة
خالد: قمنا اسكتي اسكتي .. كل يوم تقولي هذا الكلام و تحسسينا اننا دحين حأنموت
هديل: انا حأدخل الحمام قبلك
خالد: لا انا اول صحيت يعني حأدخل قبلك
و بدأو في مشاكساتهم المعتادة في كل صباح


==================

في بيت ابو نايف

ابو نايف: نوف مارح تقومي تروحي الجامعة
نوف: هي الساعةكم يا بابا ؟
ابو نايف: الساعة 7ونص
نوف: يووووووووووووووه يادوب الحق البس وارح
ابونايف: ليش هي الساعة كم محاضرتك الأولى ؟
نوف: بابا كم مرة اقولك انا every single day ابدأ الساعة 8 محاضراتي نحنا طب يا بابا
ابونايف: انا احسبك زي اخوكي كل يوم بوقت غير
نوف: يلا أنا يادوب الحق اتروش و البس بسرعة
ابونايف: طيب انا استناكي عشان اوصلك لأن نايف مارح يصحالك خصوصا محاضراته اليوم تبدأ 10
نوف: بابا لا تتعب نفسك ساندي يوصلني
ابونايف: انتي قديمة شرد مالقيناه اليوم حتى امك و اخوانك مرت عليهم خالتك فوز و راحوا معاهم
(فوز اخت فوزية تدرس في المدرسة الابتدائية اللي جنب الثانوية اللي تدرس فيها فوزية اللي هي ام نايف و بزورتهم كلهم في المنارات مع بعض فمافي مشاكل في التوصيل)
نوف: ومتى شرد؟
ابو نايف: اليوم صحينا مالقيناه .. و عن الهرج الزايد بسرعة عشان اوصلك و اروح الشغل
نوف: حاضر

==================


_ في الجامعة _

بالصدفة كانت نوف داخلة ووراها ريناد

ريناد: نووووووووووووووووووف
نوف: hi
ريناد: hi .. how r u ?
نوف: fine.. and u ?
ريناد: not good .. not bad
نوف: why?
ريناد: تصدقي امس من ساعة مارجعت من الجامعة نمت إلين اليوم الفجر ماحسيت الا و بابا يصحيني للفجر كيف I don't know
نوف: عشان كده امس ادق عليكي ما رديتي
ريناد: بجد سوري .. بس ايش كنتي تبغي؟
نوف: لا عادي بس عشان امس الاء كانت تكلمني وقالت ان علامات الفيزياء نزلت اخر الدوام فقلت اشوفك اذا شفتي علامتي لأني مرة خايفة ان اكون ماني ناجحة في دي المادة
ريناد بحزن : شفت علامتك
نوف: لا اكون راسبة .. كم؟.. كم؟
ريناد: لا ناجحة جبتي 26 من 40 يعني جيد
نوف: الحمدلله
ريناد: بس يا نوف العلامة ماهي حلوة
نوف: ايش اقلك يا رنو ترى انا عندي عقدة في الفيزياء من ايام المدرسة بالرغم من اني ذاكرتها بس هذا اللي قدرت استوعبه و الحمدلله نجحت
ريناد: بس الترم الثاني شدي حيلك اكثر
نوف: و الله يا رنو بأذاكر بس انا ما افهم الفيزياء صح يمكن عشان كده ما اعرف احل
ريناد: طيب ايش رأيك هذا الترم انا و انتي نذاكر فيزياء مع بعض؟
نوف: بجد .. مرررررررررررة شكرا ماني عارفة ايش اقلك حتكوني حليتي ازمة
ريناد: ولو يا بنت نحنا صحبات ولو مو انا اللي ذاكرت معاك ووقفت جنبك مين حيوقف .. هاه قوليلي؟
نوف: الحمدلله ان ربي رزقني بصحبات زيك انتي وهبة

إلا ريناد و نوف لقطوا الدكتورة هي داخلة على المدرج

نوف: رنو يادوب نلحق ندخل وراها حتى مو قبلها
ريناج بضحك: ههه على قولتك يلا

و راحوا يحضروا محاضرة Bio;ogy و طبعاً بعد كده لا تستغربوا لمن تلاقوا ريناد ونوف وهبة يتكلمو انجليزي هذا شيء طبيعي اولا بحكم تخصصهم طب و دراستهم كلها بالانجليزي غير كده ريناد لغتها ممتازة لأنها كانت تدرس في مدرسة خاصة و سفرها دوم لبلاد اروبا و هبة و نوف برضوا لغتهم كويسة لأنهم كانو يحاولوا يرفعو من مستواهم في الانجليزي بالرغم من انهم درسوا في مدارس حكومية و الانجليزي فيها شوي تعبان

============

راما: رجاء ايش فيكي اليوم شكلك مو عاجبني؟
رجاء: و لا شيء بس امس قابلت فارس احلامي
راما: بجد !!!
رجاء: ايوة ..
راما: كيف .. ومتى .. وفين ؟ بسرعة بالتفصيل الممل
رجاء: ههههههههه ..شوي شوي هذا كله حماس .. ترى القصة طويلة ودحين ما باقي إلا دقيقتين و تبدا محاضرة الإحصاء
راما : طنشي .. القصة أهم .. وخلقة الدكتورة ما تفهم
رجاء: صحيح ما تفهم بس اقلها ما ارجع احوس مرررة اقلها عندي فكرة عامة عن الموضوع
راما: عن الدفرنة .. انا اشرحلك هو
رجاء:اوكي .. هو فيصل ولد جيراننا اخو فدوى
راما: مين فدوى؟
رجاء: فدوى إللي شوفتيها داك اليوم عندي في البيت اللي في الطب سنة 4
راما: ايو افتكرتها ..فيصل اخوها؟
رجاء: ايوة اخوها وأمس كنت عندها و انا كنت جالسة في غرفتها و قاعدين حاطين اغاني و نرقص و هي راحت المطبخ تجيب حلا التوفي و البيبسي عشان ناكل و نحنا بنتحكى فكنت واقفة على الاستريو ... (وحكتها الحكاية كلها)

رجاء: راما .. تتوقعي هذا الحب
راما: و الله احتمال يكون حب .. بس ما جربته عشان اقولك
رجاء: مالت عليكي
راما: انا ايش ذنبي؟
رجاء: ايش يدريني و الله ماني على بعضي بعد ما شفت نظراته الذباحة
راما: إن شاء الله يكون من نصيبك
رجاء: آمين .. بس ما اظن
راما : ليش؟
رجاء: أولا هو ما يفكر في الزواج من كلام امه و اخته .. و ثانياً انا يوم الخميس جايين ناس يخطبوني
راما: الله كريم.. و للي فيه الخير ربي رح يقدمه .. وفي النهاية الزواج قسمة و نصيب
رجاء: بجد ...يلا نروح ناكلنا شيء في الكفتيريا على بال ما تجي المحاضرة الثانية

================

[أحـ أنثى ـلام]

نرجع لكلية الطب

كان مدرج اولى طب فيه زعيق وزغاريد و بسطة لأن اليوم المعمل حق Chemistry اتلغى

ريناد: حماااااااااااااااااااااااااااااااااااااااااااااااا اااااااس
نوف: بجد وناسة اليوم الرجعة الساعة 2
هبة : رنو انتبهي لا فمك ينشق من كثر الفرحة
ريناد: لو تعرفي ايش عندي اليوم تعذريني؟
نوف: ليش ايش عندك؟
ريناد: اليوم محمود راجع من امريكا وخلاص اخذ الشهادة و حيستقر هنا
نوف: حمااااااااااااااااااااااااس
هبة: مين محمود
ريناد: ولد خالتي مريم .. مرة وحشني.. زمان عنه .. لنا ذكريات فلة بجد
هبة: اهااااااااااااااا
نوف: لا تكوني تحبيه
ريناد: اقولك كنا نلعب مع بعض .. و انا اعتبره اخوي الكبير و هو يعتبرني اخته الصغيرة
هبة: يمكن داه زمان و دحين المشاعر تتغير
ريناد: لا استحالة
نوف: ما في شيء مستحيل
ريناد: إلا انا و محمود مستحيل نكون اكثر من اخوان
هبة: وايش اللي يخليكي متأكدة
ريناد: ترى هو لمن سافر امريكا اعطاني ايميله و دايماً اكلمه على الماسنجر و كلام اخوان مررررررررررررة عادي .. يعني لو في شيء كان اتولد من زمان .. فهمتو يا ظنانين
هبة+نوف: ههههههههههههههههههههههههههههههه
هبة وهي تغمز لنوف: إن بعض الظن اثم بجد
ريناد: االله يقطع شيطانكم نسيتوني
نوف: ايش؟
ريناد: ادق على السواق اقله يجيني؟
نوف: حتى انا اشوف نايف و لا بابا
هبة: ليش فين ساندي
نوف : شرد الله ياخذه
ريناد وهي ماسكة الجوال تستنى روبن سواقها يرد عليها : ههههه اللهم لا شماتة .. ايوة روبن فينك .. طيب تقدر تجيني دحين ...... ليش؟ ...... طيب طيب
هبة و بتتكلم في الجوال مع السواق: درجي (اسم السواق) تعالي الجامعة دحين .. سلام
نوف و بتتكلم في الجوال مع اخوها : نايف عندك محاضرة ....... طيب تعال رجعني البيت لأني خلصت .......... ساندي شرد ....... اوكي عند البوابة استناك تعال بسرعة
ريناد: اوف على الحظ النحس جات الحزينة تفرح ما لقتلهاش مطرح .. روبن بيجيب اخواني من المدارس و اليوم ماما خارجة من الجامعة بدري(ام ريناد دكتورة في جامعة حكمة)
نوف: طيب اوصلك
ريناد: مو تقولي ساندي شرد .. مين حيجيكي؟
نوف: لا نايف فاضي ماعنده محاضرة و حيجيني دحين
ريناد: بجد .. حلوووووو .. خليني اكلم راكان
و مسكت الجوال عشان تكلم راكان يجيها .. وفي وقت وهي بتتصل على راكان عشان تلكمه يجي يرجعها البيت هبة كانت بتسأل نوف
هبة: ايشبها ريناد لمن قلتي ان اخوكي حيجيكي نقزت وقالت تكلم اخوها؟
نوف: لأنهم في الكلية مع بعض ونفس التخصص و في نفس السكاشن
هبة: يعني اصحاب
نوف: للأسف لا
هبة باستغراب: ليش؟
نوف: هبة ايش ليش ماهم اصحاب ما يعرفوا بعض بس مع بعض في الكلية .. بس نحنا ناويين نعرفهم على بعض و يصيروا اصحاب
هبة: ان شاء الله يتعرفوا حتكون فلة
نوف: بجد .. يلا باي نايف برة
هبة و ريناد: باي
إلا وشوية يجي سواق هبة و اخو ريناد مع بعض و يطلعوا مع بعض
========================

وصلت ريناد البيت وقررت تنام لها ساعتين عشان تروح بيت خالتها بدري يسلمو على محمود

راما توها واصلة من الجامعة و تدخل غرفة ريناد
راما: ريناد !!!
ريناد بصوت كله نوم : هاه
راما: ايش مرجعك اليوم بدري
ريناد: اتلغى المعمل .. و بعدين سيبيني انام عشان اكون مصحصحة بعدين لمن نروح بيت خالة مريم
راما: ليش متحمسة مرررررررررة
ريناد: حمودي وحشني 5 سنين ماشفناه لازم يكون وحشنا كلنا
راما: عادي .. حتى يمكن ما اروح
ريناد: تروحي ما تروحي انا ايش يدخلني .. خليني انام و انقلعي برة الغرفة
راما: يالطيف شكلك تحبيه و احنا ما ندري
ريناد: حب في عينك .. اعتبره زي راكان اخوية . و بررررررررررررررررررره

راما خرجت و قفلت الباب بقوة

=========================

ام خالد بتتكلم في التلفون مع اختها عيشة الا و يدق جرس البيت

أم خالد: نورا .. نورا .. نورااااااااااااااااااا .. و اللله شكلها صنجة ما تسمع هذي الشغالة .. و كمان هذا اللي على الباب يده علقت على الجرس .. خليني اشوف اللي في الباب
عيشة: طيب مع السلامة بعدين اكلمك اختى انا باروح اشوف القدور على النار.. باي
ام خالد: باي

و تفتح الباب إلا وهبة عند الباب
هبة و هي تضم امها و تلفلها حولين نفسها: احبك .. احبك .. احبك .. يا احلى ام في الدنيا
ام خالد: بسم الله ايش فيكي يا بنتي اتجننتي .. و بعدين أيش مرجعك بدري؟
هبة: مو هذا اللي مفرحني اتلغى المعمل و اليوم راجعة بدري البيت يلا رايحة افتح النت
هديل: داه بعدك توي فتحت النت
هبة : يلا انقلعي ..
هديل: انت اللي تنقعلي و تقلبي وجهك جلست قبلك .. الظلم مو حلو عشانك الكبيرة
هبة: هدوله حبيبتي و الله مارح اطول على النت و بعدين راح اقوم اذاكر و انتي اجلسي طول اليوم
هديل : يلا حزنت عليكي اجلسي
هبة: احبك يا احلى اخت في الدنيا
هديل و هي تمد لسانها : اكرهك يا اوحش اخت في الدنيا
هبة: ما يهمني اهم شيء اني جالسة على النت
هديل: لا و الله قومي خلاص غيرت رايي ابغى اجلس على النت
هبة: اقلبي وجهك
أم خالد: هديل تعالي ردي الجوال اكيد صحباتك الفاضيين
هديل: حاضر ماما .. ربي فكاكي و الله كنت حأقعدلك في حلقك
هبة: احياناً احب صحباتك و اتصالاتهم لمن تكون مفيدة زي كده
هديل: ---------- وراحت ترد على الجوال
هبة: مو معقولة.... إلا هو ايميله ... و الله ايميله .. فهد

فهد ولد عمة هبة و هي خلص بكالريوس كمبويتر و طلع بريطانيا يكمل الماجستير بس ما قدر على فراق اهله و بلده السعودية بلد الراحة و الأمان فمارح يكمل الدكتوراة يعني كم شهر و يرجع لأرض الوطن و يحب هبة و هي ما تدري و قرر اخيراً يبوح بمشاعره لها قبل لا يرجع عشان يخطبها و يتزوجها إذا لقى قبول منها
,,, المهم ,,,
الإيميل كان عبارة عن بطاقة وهي

Hi .. how r u heba?
That’s me Fahad ..
I'm so sory .. if this card confused u .. but what can I do..
I LOVE U
Really, I can't forget u


ترجمة الرسالة: هاي .. كيفك هبة؟ .. هذا انا فهد .. أنا آسف إذا بطاقتي ازعجتك .. بس ايش اسوي .. انا أحبك . . بجد و ما اقدر انساك


هبة وهي تقرأ الرسالة تحس كأنه أحد يصب موية باردة عليها .. ومن كثر ماهي مستغربة قفلت النت لا شعوريا و الكمبيوتر و راحت على غرفتها تنام و تفتح الباب إلا تلاقي هديل متمددة على السرير و ماسكة الجوال تكلم هند صحبتها

هديل: يعني مسويتلي ضجة وقومي وقومي ابغى النت وما جلست إلا دقيقة بالحساب وقمتي
هبة:...................
هديل بصراخ : هببببببببببببببببببببببببببببببببببببببببببببببببة
هبة بكل برود :هاه
هديل: عز الله اختي موصاحية .. انا اكلمك
هبةو ببرود اكثر: بعدين .. بعدين .. بعدين
هديل فاتحة عينها من حالة اختها غريبة و إلا وهبة ترمي نفسها على السرير و تحضن مخدتها و تنام
هديل: يا خبلة ما غيرتي ملابسك
هبة و هي ترمي المخدة على هديل: يوووووووووووووووووووووووووه اخرجي برررررررررررة اخت نكد
هديل بخوف شوية ماتحس وشوية تعصب اختها غريبة : هبة ايش فيكي ؟
هبة:و لا شي اخرجي بررررررررررررررررررررررة ..يا ماااااااااااااااااااماااااااااااااااااااااااا
أم خالد: هااااااااااااااااااااااااااااااااااااااااااااه
هبة: خرجي هديل من الغرفة ابغى انام
ام خالد: هديل اطلعي اختك تعبانة و مهدود حيلة من الجامعة تبغى تنام عشان تقوم تذاكر وراها مذاكرة كثير
هديل: اعوذ بالله كل شيء هديل .. و المصيبة اني ما بأسوي شيء

هبة رجعت حضنت مخدتها ثاني و هي على السرير وتفكر في الايميل اللي وصلها و في تفكيرها تقول فهد .. يحبني .. معقولة .. وليش طيب؟ .. و من متى ؟ .. وفي وسط هذي التساؤلات اللي مالها اجابات عندها نامت من كثر التعب

=============================



تكملة الرواية على حسب الردود و التحميس :0417:

[أحـ أنثى ـلام]

مافي احد رد


ما عجبتكم قصتي

و الله اني كاتبتها و تعبانة فيها

و انتم اول منتدى انزل فيه قصتي

!!!!!!!!!!!!!!!!!!!!!!!!!!

ليش؟

حبطوني

[أحـ أنثى ـلام]

ياهو

وين الردود؟