رواية هم الدنيا<<من تأليفي

[*غزلان الجود*]

سلاااام,,طبعا هالرواية من تأليفي وانا منزلتها بمنتدى الم الامارات بس باسم Rabab_angel سجلت هنا بهالاسم بس لسااا ما تفعلت العضوووية..فاتمنىىىى انكم تتقبلوا هالرواية المتوااضعة مني:0417:



كان فواز جالس في صالة بيته الوااااسعه ويشرب الشاهي بهدوء وهو يقرأ الجريدة...كانت الساعه تقريبا 7.30 صباحا...العيال في المدارس والبيت مروق...وفجأة يدق الجرس...ويرفع فواز عينه النعسانه عن الجريدة عشان يشوف الشي اللي متعود عليه كل يوم...في الوقت اللي نزلت فدوى وهي متكشخة عالاخير...واتجهت نحو الدولاب الفخم اللي جنب الباب واخذت منه شي يشبه الجلابيه ...اكتشف فواز فيما بعد انها عبايه!!...فواز حافظ خطواتها حفظ...بس فدوى...ما تعيره أي انتباه ولا كنه موجود...فواز في نفسه:"ايه الحين بتطلعين...بعدين رح ترجعين وتقولين نسيت اخذ من فواز فلوس...عارفك انا وااالله عارفك!"
وفعلا...بعد كم دقيقة رجعت فدوى وهي تتأفف:"فواز نسيت تعطيني الفلوس"
فواز:"ايه نسيت؟...وانا مقصر عليك اعطي مصروفك الشهري وزيادة.."
فدوى بدلع:"حبيبي وش ذا ؟؟...موال كل يوم اعطيتك مصروفك...موب مقصر عليك...ياخي والله زهقت"
فواز يماطل في فدوى:"شوفي حبيبة ونور عيني...اولا...انتي اللي خليتيه موال كل يوم لاني يوميا احطلك في البنك ما يزيد عن ال1000 ريال...وثانيا حبيبتي انا موب اخوك انا زوجك...وثالثا واخيرا مافي طلعه خلاص."
فدوى بزعل:"وشوووو؟؟...وليش انشا الله ما بروح؟؟...بروح مع صديقتي وانت جاااالس ومستريح وش يضرك؟؟"
فواز:ااااه يضرني؟؟...الكثير الكثير...ارجع من الدوااام وانا تعبان ولا القى مين يواسيني...اروح ابي احد يجلس بجنبي يحاكيني شي...بس جالس مع الجدران كني حرمة...ابي احد يتمشى معي شي ...فدوى ليش انتي موب حنونه معي؟؟؟"
فدوى تفك عينها:"اناااا؟؟...انا ما قصرت عليك في شي.."
فواز:"افاااا يا ام العيال...انتي قد جلستي تشوفين اغراض البيت وش ناقص وش زااايد؟؟...قد طبختي؟؟...والا كله على هالحشم والخدم...على اللي يجيبلك اياهم مرة ثانيه..."
فدوى بمكر:"والله لا تندم يا فوااااز...خلاص ولا يهمك انا بطلع معاك اليوم وش رايك؟؟"
فواز يتهلل وجهه:"صدق؟"
فدوى:"ايه بنروح السوبر ماركت نجيب الاغراض...توني داخلة المطبخ ما فيه شي فاااضي وبجيبله اغراض"
فواز:"طيب مو مشكلة ابد"
وفي السيارة....
شغل فواز اغنية راشد الماجد ((سلام عليهم))واللي تقول:
سلامٌ عليهم بعد ما جفونا...وقلبي فديهم وهم انكرونا
وطالع في فدوى واللي كانت متصلبه وقعد يكمل ويغني معاه:
احبهم ولكن...نسونا نسونا...وقلبي سيبقى اسيرا لهم...
فكم من محبٍ يعاني فراقا...وبعد الفراقِ يزيدُ اشتياقا...
انا عاشق قلبا تمنى العناقا...وقلبي سيبقى اسيرا اليهم...
والتفت على فدوى وهو يسالها ببلاهه:"انتي تتمنين العناق حبيبتي؟؟...تبين big hug??"
فدوى حمررر وجهها وقلبت الشريط عالوجه الثاني...كان الشريط مشكل...وكانت الاغنية حقت ميامي ((وصلتك بكيفي))...وحطته عالجزء اللي يقول:
ماهي نهاية دنيتي لو تغيبي...روحي على ما تشتكي ما ارجعت لي
..........
فدوى كانت قاعده على اعصابها ومعصبه من فواز...كانت متأكدة انه قاصد يحرجها....عشان كذا حلفت في نفسها انها تنتقم منه بطريقتها الخاصه...
وفاجأها فواز بفتحته القوية لبابها وطلعت فدوى من السيارة وهي معصبه بس ما بينت لفواز عشان تسير خطتها تماااام ...لكن تاتي الرياح بما لا تشتهي السفن...حست فدوى انها في مكان غريب..."معقول سوبر ماركت جديد ولا ادري عنه؟؟...لكن لا...هذا ما شكله سوبر ماركت...الله يتسر وين احنا!!"<<فدوى تكلم نفسها>>
وحست بفواز من وراها وهو رافع نظارته ويطالعها باعجاب...عاد فدوى عصبت عالاخير وما قدرت تستحمل...عرفت انه هذا مقلب من فواز...
فدوى بعصبيه:"وينا فيه؟؟"
فواز وهو يتسند عالسيارة:"نحن حييييث الهواء العليل...ح...حيث المناظر الخلابه...حيث الزهور و..."
تقاطعه فدوى:"أي زهور أي مناظر خلابه وليسلمك!!...قاعد تقدم اذاعة مدرسة انت!"
فواز وهو يتسند عالسيارة:"وييييييي...يا معودة وش بلاك معصبه؟؟..."
فدوى:"((تقلد صوته))وش بلاك معصبه...وش بلاني هااااه؟؟ ...تستهبل معاي؟؟؟"
فواز يعتدل في وقفته وبصوت جدي:"اسمعي انا ما استهبل معاااك ولا شي...ياااالله وش بلاااااك عميه؟؟؟"
فدوى باستغراب:"عميه؟؟؟...عميه في وجهك انا نظري كامل 6/6..."
فواز:"طيب ما دامه كامل يااااا دين الله وشوله ما تطالعين حولك؟؟"
طالعت فدوى حولها باستغراب ...اول مرة تشوف هالشي الغريب...
كانو في الواقع في البطحااا!!...ورغم مسافة الطريق الطويلة الا انها ما انتبهت.....
صرخت فدوى بصوت عالي :"واااااااااي!!!...يا حسرة عمري!!...انا قلت أبي سوبر ماركت ما قلت ابي مجمع..."
فواز باستهبال:"ايه سوبر ماركت؟؟...طيب على حسب علمي انه السوبر يعني ...هممم...السوق المتوسط الحجم؟؟.."وقعد يطالع حوله ورجع كمل:"هممم...ترا مو كبيرة مرررة !!"
فدوى عصبت وبغت ترفسه بس وييييييين قداااام العالم...ياللرومانسية ...على الاقل العمال الهنود يعتبرونها كذا !!...((هههههههههه))...
بس فدوى تأنت ومن طبعها الماكر...خططت بدهاء...للانتقام من فواز...يا ترى وش رح تسوي.؟؟؟...محد يدري..
فدوى:"اوووووه!!...فواز حبيبي شوف هناك شفت التلفزيون الكبير...شكله خطير يلا خل نروح نشوفه ...خصوصا وان تلفزيوننا خربان..."
فواز:"يا حرمة جنيتي انتي؟؟....وش اللي خربان فيه كبيييير والا احد عنده مثله...وبعدين تعالي...التلفزيون مو خربان بس القناة ضايعة وتجي بالبحث عالتلفزيون..."
فدوى:"ايه بس بعد افكر اشتري لسحورتي حبيبة قلبي تلفزيون لاني واعدتها ان جابت درجة زينه اعطيها هدية قيمة...و البنت جابت درجة زينه وانا قد وعدي..."
فواز يتمتم:"87% درجة كويسة!!...الله يرحم ايام زمان"
فدوى:"شقلت ما سمعتك؟؟"
فواز:"لا سلامتك بس يلا خلينا نتحرك بسرعه..."
ومشى فواز وفدوى نحو المحل ...وفي الطريق دق جوال فواز...
تررررررررن..تررررررررررن...
ناظرت فدوى فواز بنص عين في الوقت اللي انسحب فيه فواز على جنب :"دقايق وراجعلك ..."
ويرد عالتليفون:"هلاااااااااااااااااااا..."
الطرف الثاني بعصبية مصطنعه:"اياااااااااا القاطع ولا كلمة!!..."ويحاول فواز يتكلم:"بس...ان.." يقاطعه الصوت:"هسسسسسسس ولا كلمة...ولك وجه بعد...وينك فيه الحين؟؟"
فواز:"انت اللي اسسسسسكت ولا كلمة!!...شف من يتكلم بس...عيال اخر زمان...اسمع انا ما اكلم عزاااب زوجتي تخاااف علي يخروبوني..."
الطرف الثاني:".............."صمت وسمعه فواز وهو يتنهد بحزن كانه يستعد للبكاء...عرف فواز انه غلط وزل لسانه قدام((فيصل)) فرجع صحح غلطته بمرح:"ههههههه هماها زوجتي ما تدري اني انا اللي بخرب العزاااب"
فيصل:"ههههههه الله يقطع بليسك...وينك فيه ما قلتلي؟؟؟"
فواز:"في البطحا...يبوك سويت عملية اختطااااف لفدوى"
فيصل:"يا ويلاااااتي !!...الله يرحمك..."
فواز :"امييييييين...اقولك يلا مع السلامه فدوى عصبت علي"
فيصل:"يلا مع السلامه يخوي"
.......................................

[*غزلان الجود*]

وقفل فواز السماعه وهو يتجه لفدوى اللي كانت مبتسمة على غير اللي كان فواز متوقعه...
فدوى والبسمه شاقة حلقها:"رحت كلمت صاحب المحل..."
فواز بعصبية:" لوحدك؟؟"
فدوى:"مجنون انت وهالبشر كلهم وشو؟؟...المهم رحت وسألته عن التلفزيونات طلعت رخيصة...تخيل بكم؟؟"
فواز:"بكم؟؟"
فدوى:"ب8 الاف بس...."
فواز وهو يصفر تصفيرة طويله:"ووووووول... 8 مرة وحدة!!...والله انها مو قد كذا!!"
فدوى:"يلا حبيبي لا تنسى انها موب لنا!"
فواز:"بس ولو الواحد يجيب للناس شي عدل وسعره كويس...بعدين سحر مننا وش فيك خرفت يعني نجيبلها واحد صغير وسعره زين..."
فدوى:"اووووووه رجعنا لسعره زين ...اف...اللحين انا ابشتري لصديقاتي بعد!!"
فواز:"لاحوووول وش اللي بلشني انا !!"
فدوى تناظره بمكر:"انا ادري عنك؟!!"
ومشيت فدوى بخطوات سريعه وهي تسبق فواز...
واول ما وصلو المحل كلمت الهندي كلمتين ورجعت لفواز وهي تبتسم...:"يلا خلني اوريك التلفزيون..."
فواز يفتح فمه:"هذي القطعه ب8 الاف !!! والله كنها كرتونه!!...لا وما لقيتي 8 الاف غير في البطحة!!...طسيييي زيييين بروح اسال الرجال..."
وراح فواز للهندي وهو معصب في الوقت اللي كانت فدوى تاشرللهندي باشارة فهمها الهندي على طووول...
فواز مكشر:"يا رفيق.."
الهندي:"اسم مال انا مونا باباه..."
فواز:"طيب يا حبيبي مونا انت...ممكن تقولي بكم التلفزيون اللي هناك؟؟"
مونا يطالع في فدوى:"هزا تمنية الف..."
فواز:"نعم!!...وششششووو ما سمعت انا !!...مجنون انت والا صاااحي؟؟"
مونا :"لا باباه شوف هادا جديد..."وشاف فدوى تأشرله مرة ثانيه...قام التفت على فواز وهو مكشر بدوره:"كلاص باباه مافي موشكلة ازا انتا ما ابقى هادا في مهل ((محل))تاني هنا...لا تسوي قرقر كتيير!!"
فواز:"ايه وهذا اللي بنسويه ما بقى الا انت تتكلم ...يلا فدوى احنا رايحين الحين..."
ومشي فواز وفدوى واااقفة في محلها...قام التفتلها وهو مستغرب:"يلا بسرررعه!!"
فدوى:"منيب..."
فواز:"وشو؟؟"
فدوى:"اللي سمعته...انا لي مدة وانا ادور على هالتفزيون تجي تقولي يلا رايحين!!...خلاص ارجع لوحدك احسن بتصل في صديقتي تجيني..."
فواز:"بس يا حبيبتي انتي سمعتيه قال السعر...غااالي..."
فدوى:"هوووووف...خلاص رح بخيل وما ابي منك شي بدبر نفسي.."
فواز بنظرة كسيرة:"خلاص هونا ..."واشتعلت عينه نار:"والله ما عاد اطلع معاك!"
فدوى:"والله محد غصبك ياخوي!!"
فواز:"طيب طيب...المهم تبين كم واحد؟؟"
فدوى وهي ترفع عينها لفوق وتفكر بصوت عالي عشان تقهر فواز:"همممم...واحد لسحر...و...واحد لصديقتي نوف...و...ايه فوزية...و...منيرة...و...باسمة...و فاتن يا بعد قلبي ...و..."
وقعدت فدوى تعدد وهي تطالع فوق متصنعه التفكير لمن وصلت الى 11 وحده بالتمام والكمال يعني 88,000...في الوقت اللي فك فواز عينه على اخرها وهو يحاول انه يستعيد توازنه:"مجنونه انتي!...والله ولا سوني !!"
فدوى:"اوف...اللحين اقولك نوعه فريد تقولي سوني!!...هذا مافي زيه"
فواز بصرامه:"فيه محل اعرفه ...وبشتريلك محل كامل من هالتلفزيونات الفريدة على قولتك...بس ما تقدرين تلعبين علي...دوري غيرها..."
فدوى:"وش تقصد؟؟!!"
فواز وهو يمشي ومعطيها ظهره :"وش قصدي ؟؟...هه...خليني اقولك اني قبل كم يوم رحت لمحل الالكترونيات..."
فدوى تحاول تخفي الخوف من صوتها...وبنبرة صامدة:"طيب...وش اسويلك؟؟"
فواز:"همممم...اكيد تعرفي انه البطحا رخيصة...زيادة على كذا نوع هالتلفزيون ما يسوى 500 ريال...وتقولين لي 8000!!...هه...وخليني اذكرك بعد اني لمن رحت محل الالكترونيات شفت هالتلفزيون..."
ومسكت فدوى قلبها...هذا اللي كانت خايفه منه...
فواز يكمل:"والتلفزيون كان بــ 1000 ريال..."
تنهدت فدوى بارتياح...في الوقت اللي كمل فواز:"بس لا تنسين انه المحل وسط البلد...بينما في البطحا...هذي حاله ثانيه...في البطحا السعر ارخص بكثير...يعني لا تحاولين تقنعيني بهالسعر المجنون...واللي عارف انك اتفقتي مع الهندي الاخبل عليه!!..."
والتفت عليها:"والا؟؟...كلامي مو صحيح؟؟"
فتحت فدوى فمها تبغى تتكلم...بس الكلمات انحبست في حلقها...كيف؟؟؟...كيف قدر يهزمني...وليش كل مرة يهزمني؟؟...شكلي في مواجهة خصم قوي...لازم اعرف نقاط ضعفك يا فواز لازم...وعلى الرغم من السنين الطويلة اللي عشتها معاك الا اني جاهلة نقطة ضعفك...بس...انا وراك والزمن طويل...وبنشوف في النهايه مين اللي ينتصر...

((اعتقد كلكم لاحظتو اسلوب فدوى العدائي في تفكيرها نحو فواز...في الحقيقة هذا راجع الى ان خططها الماكرة... واللي اذا ما نجحت...تحقد وتكره الشخص اللي تسبب في افسادها...او هو نوع من العنصرية...انه مافي احد يوازي مكرها...كذا كان تفكير فدوى...))

[*غزلان الجود*]

فواز بعصبية :"يلا خلينا نرجع البيت...اذا كان هذا الاسلوب اللي تبغين تاخذين به الفلوس...فاعذريني...هذا جنون...لو كنتي طلبتي الفلوس بادب ما رديتك...بس انتي تظطريني اخذ فكرة موب زينه عنك...يلا خلنا نمشي"
ومشي فواز وهو قاعد يهرول...في الوقت اللي وقفت فدوى شاردة الذهن...
بس فواز التفت لها بعيون تشب نار ...وفدوى خافت من نظرته ومشت بسرعه للسيارة...
صمت مخيف يحيط بجو السيارة...تمنت فدوى لو انه فواز قاعد يتكلم بسخافاته زي ما هي تسميها...بس ما يسكت على هالنحو المخيف...كان واضح من شكله انه معصب من حركتها اللي مالها داعي..قررت فدوى انها تبدأ بالكلام ومع انها مترددة بس خاطرت:"كم باقي ونوصل البيت؟؟؟"
فواز من دون نفس:"موب كثير..."
ما حبت فدوى تتكلم اكثر...قالت في نفسها احسن يهدي نفسه بنفسه...
وفجأة رن جوال فواز قاطعا الصمت المخيف...
تررررررررن ...
تررررررررن...
رفع فواز السماعه بعد ما تغيرت ملامحه 180 درجة لشخص مرح:"هلاااااااا والله بابو فارس..."
فيصل :"الله يحيك وينك اللحين؟؟"
فواز:"انا الحين قريب من البيت...5دقايق ونوصل..."
فيصل:"طيب ممتاز..طالع يسارك."
ويطالع فواز يلقى فيصل ماشي جنبهم بسيارته الاوبل...:"هلااااا والله وانا اقول ليش حينا منور..."
فيصل ينفخ صدره في الوقت اللي انفجر فواز يضحك:"ايه عاااارف يا حبيبي...يلا اتجهز اللحين رايحين مجلس الشعراء..."
فواز يفتح عيونه:"وشوووووووو!!...من صدقك تتكلم؟؟...وتوك تقولي؟؟"
فيصل يضحك:"ههههه مو انت صاحب العبارة اللي تقول :من المشاعر ينبض الشعر والشعراء؟؟...ياخي ما نبيك تكتب الشعر عالورق...ما احلاه وهو طازج من مخك للسانك...بعدين عاد يوصل لمخنا..."سكت فيصل شوي وهو يطالع على فواز من جنبه...حس بنبرة فواز المعصبة والمتوترة..."هممممم...100% متأكد انك معصب...يا دين الله!!..."
فواز وهو يطالع في فدوى بعصبيه:"أي معصب الله يرحم والدينك...!!...ممكن من تنقلع من حيّنا بسرعه ما استحمل اشوفك تتجسس على احاسيسي بنظرك لعيوني...!"
فيصل:"طلباتك اواااامر مستر فواز...عن اذنك بروح افكر في قصيدة...هي كلمة وحدة...لا تتأخر"
فواز:"بل بل بل...اعتقدها كلمتين!!..."
فيصل:"اسكت بس اسكت!!...هذا عدد تقريبي بلا ثرثرة زيادة!!"
فواز:"طيب...يلا see you later my soul.. bey!"
((اراك فيما بعد يا روحي...باي))
والتفت فواز على فدوى ورجعت ملامحه للعصبيه بعد ما كانت مرحة لمن كان يكلم فيصل...
كانت فدوى تفكر وتفكر...بس محد يدري في ايش...
لمن شافها فواز ساكته ومشغوله في التفكير...قال في نفسه اكيد مقبلين على مصيبه...الله يستر بس...


وقف فواز السيارة في كراج بيتهم اللي تجري فيه الخيول من وسعه...
ونزلت فدوى من السيارة وهي ساكته...
في البداية استغرب فواز...وبعدين قال اكيد هي ندمانه على اللي صار...
نزل فواز من دون ما يكلمها...وراح صوب السواق:"يا راجي...روح الحين لمدرسة البنات..."
راجي:"بس باباه!!...بعدين ماما فدوى سوي موشكل كتير...هدا سيارة هق هي...ليه ما خلي سيف روح عند بنات؟؟"
فواز:"لا سيارة سيف خربانه ومافي غير المرسيديس حقت المدام...انت روحلهم الحين ولا تشيل هم اوكي؟"
راجي:"اوكي باباه..."
ومشي فواز وهو يهز راسه وبصوت واطي يقول:"حسبنا الله ونعم الوكيل...حتى الخدم!!...اللهم صبرني"

وطلع على طول برا البيت في الوقت اللي كان فيصل توه جاي...
فتح فيصل الطاقة اللي جنبه :"يلا ياخوي تأخرنا ترا!!"
فواز:"اوكي اوكي لا تلومني على التأخير...سوري "
فيصل:"اوكي يلا اركب بلا فلسفة زيادة..."

وركب فواز وهو قاعد يغني اغنية لطيفة التونيسية ((انشا الله)):"
انشا الله انشا الله ترجع لياااا...


فيصل وهو يلتفت عليه:"حالتك حاله يابوي!"
فواز:"طالع قداااام!"
فيصل بلكنه امارتيه:"طييييب يبا وش بلاك انا عندي عيون ترااا!!...عنبوووه وش تحسبني؟"
فواز:"احسبك تسوق والا انا غلطاااان؟؟"
فيصل:"لا افاااا عليك ما علينا اتغشمر يبااا وياك كو شي؟؟"
فواز:"لا يبا بس طالع جدامك وانت ساكت"
فيصل:"زين زين...ما دام سكتني عدل جذيه...ابسكت عشانك يا حبيبي"
فواز يطالع في فيصل من فوق لتحت وبمزح:"يخسي الا انت اتكون حبيبي...يلا جب ولا كلمة...صج قلة ادب..."
فيصل:"وييييي يا قلبي فوازوووه شف بعد هالاشارة بنوصل عن الربشة عاااد!!"
فواز:"افا...هذا وانت فيصل...ابو فارس الطفل المنتظر...وتسوي جذيه؟؟...لا يبا ما يسير...وشوله خااايف؟...كلها كم قصيدة وخلاص"
فيصل:"اسكت ولا كلمه!...لا تجيب طاري ولدي المنتظر عساه ما جا!"
فواز منصدم:"فيصل!!...وش فيك يا رجال؟؟...مو ليلى زوجتك؟؟...وش بلاك معصب لمن جبت طاري حملها؟؟"
فيصل باحراج:"..............."
فواز:"فيصل...لا تحط ميسا في بالك ابد...ولا تنسى انه عندها ولد واسرة ...ما يسير تفكر انك في يوم بتتزوجها!!.."
فيصل:"................."
فك فواز فمه يبغى يقول كلمه ثانيه بس فواز دعس عالفرامل بقوة لدرجة انه راس فواز بغى يصقع في القزازة اللي قدامه..
فيصل يغير الموضوع:"وصلنا...اشك انك خايف"
فواز يضحك:"ههههه والله مدري مين اللي خااايف؟!...بعدين ما فيه شي يخوف هاااه..."
ويضربه بكوعه وبصوت مزوحي:"تصرِف هااا؟"
وقبل ما يقول شي نزل فيصل من السيارة وهو يسحبه...:"يلا ما يسير نتأخر عن الجماعه"
فواز:"اوه صح. وانا ناسي الدنيا!"
ومشى فواز وفيصل باتجاه الصاله اللي مكتظة بالشعراء...واسمها مجلس الشعراء...كلهم اصدقائهم وشوي ناس دعوهم عشان يحضرو..ما كانو يسوون حفله عاااامه...دايما مع اصدقائهم بس في صالة ملك لواحد من اصدقائهم...ومع هذا كان الثنائي فيصل وفواز مشهورين...ودايم تجي الصحافة هالمجلس...

[cool_teenager2007]

اللله حلوووة القصة تكفين كملي........................

[*غزلان الجود*]

يسلمووو اخووي//اختي عالمرور

والله هالمنتدى حاله ما نعرف العضو هو بنت ولا ولد هههههههه

[*غزلان الجود*]

ودخل فيصل على طول خلف الكواليس لانه دوره اول...
وقف فيصل والقى نظرة لكل اللي موجودين...بعدين بدأ وهو يطالع فواز:"
يقول واحد:
حزين وليمتى تكتم وتطوي ما مضى لك أمس.......تكلم قول علمي وفضفض بالذي صابك.....عيونك توحي بضعفك كلامك والحواس الخمس.....شفاتك ترتعش رمشك سكوتك أتلف اعصابك.....ورفجة جسمك ازدادت أنا حسيتها باللمس.....كأنك صابتك حمى وشبت نار في ثيابك

قصيدة فيصل:
يا صديق العمر وش فيك؟؟***ترى ما من شي على الصديق يختفي
انا اكيد فيك جروح ما تنشفى***يبا اسمع تعال واشكيلي
يا رفيق العمر تعال لاحضاني***عيونك فيه شيٍ ما يرضي
شكلك تنزف جروحك بس بشكل خفي***يا توأم الروح ما من شي على الصديق يختفي
يا توأم الروح***تعال وقولي
ما اعتبر الشعر شعر ما يهم***المهم جرحك اداوي(هـ)
ما يهمني الوزن اختل المهم***اشوفك بصحة وعقلك معي

اشكي لي يا رفيقي***احبك واتمنى الخير لك..هذا مقصدي

مع انه شعر فواز ما كان الى ذاك العجب الا ان الجمهور مهما يكن لازم يصفقوا

وجا دور فواز اللي كان باين من شكله انه مهموم:"
يا صديق...القلب مهموم
انا احب انسان...واشلون وهو رفيقي في الكون؟؟
هو حبي الازلي بس...شكله كارهني دوووم
يا رفيق...ليش الدنيا تجري ورا الفلوووس؟؟
ليش ما يحبوني لذاتي؟؟...بس خلاص انا شفت صورة حبيبي زوووم ((zoom))

* * *
وكتبت في قلبي كره حبيبي مضمون...وارسلتله من الاشعار تالف وموزون...
ومنها ابجيب واحد ولا تلوم ...بس اقوله قبل :يا روح الروح كفاية جروووح!

حبك في قلبي ماله لزوم***اكرهك بقدر ما انا كتوم
في يوم كان لي قلب كبير***حولته بيدك لقلب كسير
تجاهلك لي حبيبي والله كثير***وهو عامل الكره الاول والاخير
"احبك"قالها بكل سهوله***تحسبني صدقت كلمتك العسولة؟؟
خلاص ارحل مالك لزوم***انا اكرهك عدد النجوم

يا رفيقي بعده لا تسأل...ليش انا انزف هم وابكي
ترا هالدنيا مو سهله...كفاية اللي حصل بي
وانا والله انا حساس...وبعد كل ذا لا تلمني


وهنا صفق الجمهور بحرارة...ووقف فواز يقطر عرق...كيف؟؟...كيف فيصل عرف اني مهموم؟؟ بس هالبيت اللي قاله فيصل يبين كيف:

يا رفيق العمر تعال لاحضاني***عيونك فيه شيٍ ما يرضي
شكلك تنزف جروحك بس بشكل خفي***يا توأم الروح ما من شي على الصديق يختفي

تنهد فواز وابتسم للجمهور...صدق محد يدري باللي في قلبه غير فيصل...يحسبون شعره بس كذا لعب زي باقي العالم...يحسبون القصيدة والحزن الظاهر على وجهه تمثيل...بس انا ما امثل...صرخ فواز في اعماقه وهو يمشي مغمض العينين...انا ما امثل...انا صدق مهموم...مهموم بالقوووة...
لو يبوني أألف كتاب عن همي ما وفيت!...يالله شكثر انا غبي...لهالدرجة ما فرقت بين الحب والاستغلال يا فدوى ؟؟...بس حبي لك اعماني عن كل شي...كل شي...
بس وش يفيد الندم؟...اه يا دنيا اه...تضحكينا مرة...وتبكينا عشر...ليش؟؟؟ليش يا دنيا لييييش؟؟...اه منك ومن همك...

خلاص فواز نسي اللي حوله...المكرفون كان قدامه...وجلس يغني اغنية ميامي ((وصلتك بكيفي)) بصوته اللي امتلى حزن...وبصوته الروعه :"
ماهي نهاية دنيتي لو تغيبي ...روحي على ما تشتهي ما ارجعت لي




وكمل الاغنيه وهو يمشي وصوته كل ماله يبعد لانه مو جنب المكرفون...


ارتسمت علامات الحيرة على وجوه الجمهور...
يالله شكثر هالانسان فنان...والله لو يمثل يجيب ثروة...
وطلع صاحب الصالة اللي هو صديق فواز عند المكرفون...كان باقي شعراء ما القوا شعرهم بس هو ما اهتم:"اعزائي الحضور...شاهدنا جميعنا الاداء والتمثيل المتقن...حقيقة...الشاعر فواز بن عبدالرحمن...يستحق الشهره...ممثل المستقبل...حيوا معي فواز اللي فاز اليوم معانا بجائزة ..."
وسكت الرجال شوي محتار وقعد يطالع الورقة اللي في يده:"همممم...التمثيل...ممتاز...الالقاء...ممتاز...ا لكلمات بعد ممتازه دامها تخرج من انسان يعرف يمثل...الحركات...ممتازه...ال...الخ"
وقعد يقرىقائمة طويلة في يده وفي النهايه :"يستحق من كل جهة هدية...المجموع...سيارة بي ام دبيليو...تستاهل فواز واكثر..."
ويطالع الرجال حوله يدور عن فواز بس ما لقيه...
طلع فواز برى وقعد يفكر وهو مغمض عيونه...اه يا دنيا ...ليش تحسبيني امثل؟؟...اه من همك...والاهات ما تكفي...دام هذا دربك...ااااااااه ...من هم الدنيا...

قعد فواز عالكراسي اللي في الحديقة وفي يده الجوال...يتصفح الرسايل وباله مو معه...

لاحظ فيصل انه فواز طلع...هو شافه من اول بس قال خليه لوحده شوي ...
طلع وراه وهو مبطيء...مشي وراه شوي شوي...
كان الجوال في يد فيصل يرن بس مو منتبه له...كان في واااادي ثااااني...قرب فيصل من فواز شوي شوي...وشاف المتصل...
اختي الحبيبة...
فيصل قلبه انقبض...ميساء ...هاذي ميساء لااااا...
وفواز ما حس بفيصل وهو يشيل التيلفون من يده...
بس انتبهله في الاخير كان فيصل خلاص رفع السماعه:"هلااااا والله ملااااايين ولا يسدن..."
ميسا عرفت انه فيصل:"انت ما تسحي على وجهك ..؟؟...تراك متزوج وانا بعد لا تنسى...."
فيصل"................"
ميساء:"ايه كذا ابغاك ساكت محلاك..."
فيصل مطنش:"كيف حالك ميسا تولهت عليك؟؟"

ميسا خير اش يبي ذااا؟؟...بس شكله من صوته يبغى يعاند فواز خليني اوريه:"مالك دخل"
فيصل حمر وجهه وفواز لاحظه وقعد يظحك عليه....
فيصل نطق باحراج:"ميسا...احبك..."
ميسا:"حبتك القرادة ...وين اخوي ويييينه؟؟"
فواز سمع استغاثتها وقعد يضحك...واخذ الجوال من يد فيصل اللي بهت محله ما يتحرك....
فواز يكلم فيصل وحاط يده عالسماعه :"ايا القليل الحيا كذا ؟؟...الله يعيني..."
فيصل في نفسه الحمدلله ضحكته وطلعته من حالته :"هييييه بس بعدها حبيبتي وبتبقى....قلها متى ما جابر يموت انا حاظر"
ميسا سمعته وقعدت تصاااارخ على فوازاللي حط عالسبيكر:"هذا اللي ما يستحي ما يعقله الا جاااابر...انا اوريه يدعي على زوجي بالموت...طيييب فوااااازوووه انا كم مرة قايلتلك لا تصاحب هالاشكال والله منت قدها.."

فواز:"افااااا...خلاص ولا يهمك انا اعقله ليش ناسيتني؟؟...خلي جابر بعيد..."
ويلتفت على فيصل:"دوااااك عندي ايا قليل الحيااا.."
ويغطي السماعه بيده:"انجوووووووو بحيااااتك ترا والله تسويها وتقول لجابر"
فيصل فك عيونه:"مالي دخل الجوال حقك الله يقطع ابليسك...وييييه انا فاضي لجابر الحين؟!!...يلا بررررب"
فواز:"تييييت"
ميسا:"وش قاعد تخربط انت تييتوك انت ورفيقك...عاللي يتصل عليكم مرة ثانيه.."
فيصل رجع من سمع صيغة الجمع و السبيكر للحين محطوط:"اهاااااا قولي انك متصله علي وبس...افهم ترا ههههه"
ميسا:"هااه...اخذت وجه بزيادة ترا."
فواز:"لاااااا تغازل اختي وانا موجود؟؟..يلا فارق بس فااارق.."
فيصل:"اوكي بفارق بس ما قلتلك..."
فواز:"تقولي ايش؟؟"
فيصل:"لا خلاص بفارق"
فواز يسحب فيصل من يده ويجلسه وميسا معهم عالسبيكر:"يلا ياخوي معليش ... وش فيك تتكلم الحين؟؟"
فيصل:"اهاااه...طيب"
ميسا:"حرقت اعصابنا اتكلم!!"
فيصل يعاند ميسا:"هه شوف هاذي !..اقول وش تبين هالخبرية تخص فواز..سواليف رجال..."
ميسا:"هههههاي انا واخوي واحد سواليف رجال والا حريم...وانت ادرى بهالشي"
فواز يضرب فيصل بكوعه:"ويييييه يلا اتكلم فيصل حرقت اعصااابي!"
فيصل:"السالفه وما فيها انك فزت"
فواز بعد ما كان متحمس قعد ورجع راسه ورا:"اقوووول ما عندك سالفه"
فيصل:"والجائزة...بي ام.."
فواز بسرعه قعد ويطالع في وجه فيصل:"بي ام دبليو؟؟"
فيصل:"ايييه عليك نووور"
فواز:"كذااااب!"
فيصل:"والله وش فيك؟"

فواز:"مو مصدق...هالسيارة كنت بشتريها بس الميزانيه ما كفت ...تعرف بعد فدوى مصاريفها كثيرة و.."
وسكت من تذكر فدوى رجعله الهم مرة ثانيه...

ضحك فيصل عشان يغير الجو:"هوووووووه علينا...مصاريف فدوى قال...اح اح لو تدري انت قد ايش تصرف على العزابية خخخخخخخخ"
غطى فواز سماعة الجوال وعض على شفايفه:"اصصصصصصصص ما تستحي انت الحين ميسا بتدري وبتقولها...وانت ادرى انه الحريم على طووووول ينشرون الخبر...!"
ميسا تصارخ:"فوااااازوووه ووجع!!...من متى وانت تساسر فيصل وانا موجودة؟؟"
ويقطع كلامهم صاحب الحفلة وهو جاي:"فواز...وينك فيه ابلشتنا!"
ابتسم فواز ورد على ميسا بسرعه:"يلا باي اكلمك بعدين"
وسكر في وجهها قبل ما تتكلم...
ووقف فواز عشان يروح مع الرجال:"معليش ابو ناصر والله جاتني مكالمة ونسيت نفسي"والتفت على فيصل وغمزله...
ابو ناصر:"ههههههه معليش..معذور يابو فهد...دامها حبيبة القلب"
سكت فواز وطالع عالارض...اما فيصل حب يغير الجو شوي:"ههههههه...ياما تحت السواهي دواهي...فواز عنده بدل الحبيبة عشر ههههههههه"
فواز:"اسكت انت يابو لسان...يلا ابو ناصر تبي شي بروح..."
ابو ناصر باستغراب:"وين تروح؟؟...ومين بياخذ الجائزة؟؟"
سكت فواز شوي وتذك السيارة ...تذكر كيف رح تكون حماسة فدوى لمن تشوفها...بعدين رجع قال في باله هي ما تستاهلها...ومن جا طاااري فدوى على باله ضاقت الدنيا بعينه...حس بالكره تجاهها يسري في دمه بعد ما كان يموووت عليها ومسوي فيلم هندي في حبها...الله يثبتك يا فواز...تونا في البداية...ما شفت شي...

ما حس فواز بنفسه ما غير هو مااااشي وتارك وراه فيصل وابو ناصر فاتحين فمهم باستغراب...

ابو نااصر:"فواز!؟...وش بلاك ياخي كذا ترد الهدية؟؟"
فواز وهو منزل راسه:"بس يا بو ناصر بسسس!...انا ما استحقها...ما استحقها..."
ومشي فواز بسرعه بس فيصل بطبيعته المرحه لحقه:"اهااااااا...ممثل 5نجوم والله ولا ناصر القصبي ههههههه...يلا فوازوو...ارجع ..."

فواز وهو يمشي:"ما استحق الهدية ما استحقهااااا"
فيصل بعصبية مصطنعه:"انت مثلت زين اش تبي اكثر؟...سواء كان تمثيلك لا اراديا ولا ارادي بتاخذ الهدية وانت ساكت ...ما عندنا لعب حنا...بعدين كذا تفشل ابو ناصر قعد ينادي عليك قدام الناس وانت ماشي هاااه؟؟"

فواز:"ما ابي ما ابي"
فيصل :"روح بلا حركات بزارين..."
بعدين ابتسم فيصل وجا قدام فواز بعد ما كان يمشي قعد يغني بصوت استهباااالي:"تغيييب وتتغلىىىى...يعني دلع والااااا؟؟"



فواز وشوي ينفجر من الضحك:"هههههههه...الله يغربل عدوانك فصوول كل شي اتحمله الا صوتك وانت تغني هالاغنية"
فيصل بزعل مصطنع:"هااااااااه؟؟...زعلت منك يا عاشق ميامي خلاص انقلع عن وجهي يلااااا..."

[*غزلان الجود*]

ويجي ابو ناصر:"فواز حدد موقعك من الاعراب بليز"

فواز يبتسم :"وش بلاك خايف؟؟...خلاص يابو نصور انا باخذ الهدية وبوقعلك اذا تبي بعد هههههههه"
ابو ناصر:"ههههههه يلا امشي قدااااامي"
فواز:"اعصااااابك يلا مشينا"

وراح فواز هو و فيصل استلمو الجائزة وطلعو برا...
فواز الى الحين ما شاف السيارة لانه ماله نفس فخلى المفتاح عند ابو ناصر وراح مع فيصل...
وفي السيارة:....
فواز ساااااكت. قاعد يفكر...
بعد شوي رفع راسه والتفت على فيصل:"ممكن سؤال"
فيصل يبتسم:"خير اللهم اجعله خير؟؟"
فواز:"ابي اعرف كيف عرفت اني مهموم؟؟"
فيصل:"بس؟؟...هذا سؤالك؟؟"
فواز:"وليش سؤالي سهل لهالدرجة؟"
فيصل:"ايه...وتوقعتك تعرف الجواب بعد..."
فواز:"فيصل اقول تراك حرقت اعصااابي"
كان فيصل ماشي في طريق بس هدى سرعت ودعس فرامل بقوة....
فيصل:"عيونك يا فواز..."
فواز :"اش فيها عيوني خبري انه نظري كامل 6/6"
فيصل يكمل كلامه ومو مهتم باللي قاله فواز:"عيونك فيها شي ما يرضي"
فواز فتح فمه...اشلون يعرف من عيني ؟؟...لهالدرجة انا غبي همومي تبان على وجهي؟؟...معروف الام تعرف بولدها...هذا شي طبيعي والله خلقها كذا...بس الصديق...الصديق يا ناس...
فواز بدون احساس:"انت اسطورة"
فيصل باستغراب:"ايش؟؟"
فواز:"انت اسطورة!!"
فيصل بنبرة جدية:"انا ماني اسطورة يا فواز...الصداقة بذاتها اسطورة...الصداقة اذا كانت صداقة حقيقية وماهي مبنية على اساس المصالح...فهي بذاتها اسطورة...فواز...تسألني كيف عرفت عنك انت وفدوى...انا سنين وانا اشوف انعكاس الهموم في عينك...عشان كذا قدرت اواسيك قبل ما اعرف ايش المشكلة..."
فواز بخجل:"وانا جبتلك الهم من عيوني...اعذرني على غباااائي...عشان كذا تسرح كثير"
فيصل بمرح ولا كأنه هو اللي تكلم تو:"لااااا واثق من نفسه...هههههه...من قال اني افكر فيك هااااه...لا حبيبي انا افكر بشخص اااااخر هو كل تفكيري..."
فواز عرف انها ميسا بس قال الا اخليه يقووول الي ماخذه تفكيره ليلى ((زوجة فيصل)):"خلاص اصصصصصص لا اسطرك الحين...خليك ساكت ولا تجيب طاااااري اختي على لسااااانك ساااامع؟؟"
فيصل يكابر قدام فواز...بس هو يضمر لميسا حب يكفي لبلد بس حب يحرج فواز زي دايما:"هههههههه...قلبووووو واثق من نفسه...لا حبيبي انا كل تفكيري لامي حيااااتي وبس...سمعتني؟؟.."
فواز بانهزام:"وليلى؟؟"
فيصل يرجع راسه لورى ويحط يدينه تحت راسه:"ااااااه...ليلى...اش اقولك عنها...احس اني ظلمت هالانسانه يافواز مدري ليه...احس باني خاااين لاني احب انسانه ثاني اكثر منها...بس هي رغم كل شي ضحت عشان ميسا صديقتها الروح بالروح"
فواز بهدوء:"فيصل...ابيك تعرف شي...ميسا متزوجة ومخلفه...لازم تنساها من حياتك خلاص...اعتبرها ماضي وانتهي...لا تظلم نفسك وزوجتك معك...انساها ..ميسا تتمنى انك تنساها يا فيصل...والله انها ما تذكرك نستك...
خلاص هي الحين قلبها لانسان واحد...جابر وبس..."
فيصل:".................."
فواز:"فيصل انا اسف...ما اقصد اني اجرحك بكلامي...لكن هذا الواقع ولازم تتقبله مهما صار..."
فيصل يضغط على اسنانه بقوة ويقفل عينه:"اصلا هي الخسرانه...هي اللي خسرت قلبي يا فواز...ما رح تلقى قلب مثلي يحبها...ولا جابر..."
فواز:"خلاص ما عليك من سوالف الحرم ووجع الراس...توعدني تنساها؟؟"
فيصل يقفل عينه بقووووة :"احاول...وياريت اقدر"
وقبل ما يفتح فواز فمه عشان يتكلم غير فيصل القير ودعسسسسس بنزين وكان طاااااير...


فواز:"على مهلك موب مستعجل لرجعة البيت"
فيصل بمزح:"انت اصلا ما تدري انا ابغى انزلك بسرعه عشان اروح لحبيبة القلب..."
فواز:"اهااا...هذا اذا وصلنا احياء هههههههه...فيصل عن الجنان عاد خفض السرعه بليز"
فيصل يخفض السرعه:"ولا يهمك طلباتك اواااامر"
وسكتو لدقايق قبل ما يتكلم فيصل ويقطع الصمت:"اوكي سيد فواز...وصلنا..."
فتح فواز الباب ونزل راسه:"مشكور فيصل ما قصرت..."
وطالع على بيته...حس نفسه تنقبض...ياربي الحين وش اسوي؟...بشوف فدوى وانا متمشكل معاها...يوووه والله حاله...
التفت على فيصل وابتسم...يستنى فيصل يروح بس فيصل واقف...
فواز باستغراب:"يلا مع السلامه!"
فيصل بمرح:"يعني انقلع بالعربي...هههه"
فواز:"خلاص الله يعطيك العافية تبغى شي؟؟"
فيصل بمكر:"استناك تدخل...ما بروح الى لمن تدخل داخل"
((فيصل كان عارف انه فواز متمشكل مع فدوى عشان كذا يبغاه يدخل عشان يتواجه معاها ويتصالحون))
فواز:"هاااه...طيب يلا سي يو"
ومشي فواز بثقل وفتح الباب...اطلق الباب صرير مكتوم قبل ما ينفتح...كانت فدوى توها طالعة وتقابلت هي وفواز في الحوش...رفع فواز عيونه فوق ولا كانها فيه ...بينما مشيت فدوى بتكبر وهي تطالع للكراج...بس ما لقت السيارة ...يا ربي وين راح هالغبي الحين؟؟...الحين لازم اكلم فواز...
كان فواز يمشي وفجأة تسد فدوى الطريق عليه:"وين ارسلت سواقي؟؟"
ضحك فواز بسخرية بعدين حط عينه في عينها:"اقين اقين؟؟...سواقك؟؟...ولا كاني انا اللي جايبه بفلوسي!...هههه"
فدوى بقهر:"بس...هو سواقي الشخصي...سواقي الخاص...انت جبته لي ولا تقعد تتمنن علي زين؟"
فواز:"طيب السواق راح يجيب عيالك والا تبينهم معلقين في المدارس؟؟"
فدوى :"وسواقهم وينه؟"
فواز:"سيارته خربانه وانا عاطيه اجازة"
مشيت فدوى بعصبية من قدام فواز...ابتسم فواز وقال بصوت واطي:"حلو شكلك وانتي معصبة وما في يدينك حيلة تسوين شي"
فدوى:"نعم؟"
فوازيرفع عيونه لفوق:"فيه احد يكلمني؟؟"
عصبت فدوى عالاخير ودخلت داخل البيت..
فواز يرفع يدينه ويهز راسه باستهبال:"يا ربي ساعدني في مشكلتي... "
وما امدا فواز يدخل البيت الا يشوف فدوى تمشي بسرعه وهي لابسة العباية عشان تبغى تطلع...
طالع فيها مستغرب:"وين رايحه الاخت؟"
فدوى:"صديقتي تنتظرني برا "
فواز بعصبية:"ولا كانه في رجال في البيت !"
فدوى بدلع:"والله ما همني ...وانت مين عشان تتامر علي؟"
قبل ما يفتح فواز فمه عشان يرد عليها طلعت فدوى وطنشته...ياربي اشكثر قوية هالحرمه!...
تنهد فواز وقعد عالكرسي...ودخل يده في جيبه...وفجأة عقد حواجبه...يا ربي وين راح فييييه؟؟...
وقف فواز بعصبيه وراح لسيارته...كان معصب من فدوى ومتنرفز..