حوريات في زمن الحب (قصه إماراتيه )

[فيونكه]

هذي القصه من تأليفي

على فكره أول مره أكتب قصه وعرصه في المنتدى أيا رايكم في القصه

إن شاء الله القصه بتكون على أجزاء هذا الجزء الأول وكل أسبوع بنزل جزء
أخليكم ويا القصه ..........

حوريات في زمن الحب

الجزء الأول :-

في جو رومانسي تحت الفراش الناعم إلي يدفي أربع حوريات رقيقات المشاعر
وهم يوصوفون فارس أحلامهم .

تبدأ بالكلام بنت العم ناعمه :_ ياليت أحصل الريال إلي في بالي بس لللأسف رياييل

هالأيام مب نفس إلي أتمناه مب نفس إلي راسمتنا في بالي .

وتشاركها في الموضوع عاليه وتبدأ بالسؤال :_ قصدج من أي ناحيه الشكل ولا الصفات ؟

وترد متحمسه :_ أقصد الصفات الشكل تقدرين تحصلين أي واحد حلو بس مخه فاضي صح ولا لأ؟

وهي تلف ويها صوب الحوريه الثالثه شهد وترد شهد :_ صح يعني مثلا واحد حلو وكشيخ بس ما مكمل دراسته

بصراحه أحس هالريال في عيني مب كشيخ ولا حلو .

وتدخل الحوريه الرابعه خلود وتقول بكل ملل :_ أففففف طفرتونه إلا يقول ألحين الخطاطيب واقفين صف عند

باب بيتكم من كثر ما تتكلمون عن فارس أحلامكم آخر شي بتعنسون .

وترد ناعمه وهي تضحك :_ حبيبتي والله ( (soo cute وتضحك .

وبمصخره شهد توجه الكلام لخلود وتقول :_ أصلن إنتي بتعنسين والكل يضحك .

وفي لحظه صمت تقول خلود أكرهكم وهاي الكلمه إلي على إلسانها على طوووول صح تقولها بس مب في قلب

خلود شي.
.
.
.
.
.
.
.
.
وصف الشخصيات إلي في الفقره :_
ناعمــــــــه:

صفاتها : دلووووعه ورقيقه المشاعر مزاجيه عصبيه أحيانا

شكلها : ويه برىء الملامح شفايف باررات وعيون وساع جميلات وعسليات وشعر أسود ليلي

عمرها :_ 22 سنه

" border=0>
.
.
.
.
.
عاليــــــــــــه:_

صفاتها :_ على نياتها وبريئه وااااااااايد خياليه ، و رومانسيه

شكلها :_ ويه طفولي ناعم لها ملامح باردة بالرغم من مشاعرها الحارة عيون عسليات وساع شفايف صغيره

عمرها:_18سنه
" border=0>

.
.
.
.
.
شهـــــــــد :_

صفاتها :_ متفاهمه رقيقه نعووومه واااااااااااايد و حساسه

شكلها :_ عيون ناعسات و وساع خشم طويل شفايف مليانة شعر بني غامج

عمرها :_ 23سنه
" border=0>


..
.
.
.
.
خلـــــــــــود:_

صفاتها :_ حساسه عصبيه وااايد دمها خفيف وقريبه للقلب

شكلها:_ ملامح غجرية _ عيونها حادة لها نظرة متكبرة _ شفايفها صغيرة ومليانة شوي


عمرها:_ 16 سنه
" border=0>


.
.
.
.
.وبعد مرور الساعات السريعه من الغشمره والسوالف والضحك رن موبايل شهد وسكت الكل

ردت شهد على رقم البيت وكانت هاي المكالمه:_ ألو ها أمي؟ شوتبين ؟ الأم:_ ما تستحون عل ويهكم الساعه

أربع الفير وإنتوا بيت عمكم يلا إرجعوا بسرعه شهد:_ أمي ناعمه تبانى نتم عندها تقول هي ملانه وترد الأم

وهي تطنز :_ هيه وااايد.... إلا أقول حق مرت عمكم تطردكم

ترد شهد بإصرار :_ أمي ....... أصلن مرت عمي تحبنا وتقول إرقدو بيتنا

ترد الأم بيأس :_ كيفكم والله عفنه الله ما يسمعون كلام أمهم

شهد وهي تضحك :_ يعني إنتم ؟

الأم:_ ليش تسألين إنتي إلي في راسج بتسوينا بدون ما تاخذين شوري

وتضحك شهد .....

وتقول:_ إنتي أحسن أم في الدنيا

الأم بتغلي :_ هيه حق مصلحه بس

شهد وهي تضحك :_ تدلع بعد

الأم :_ يعني ما بتون وقت الغدى

تلف شهد صوب ناعمه وتقول :_ أمي تقول بتون وقت الغدى ؟

ترد ناعمه بتردد:_ هيه يمكن

وتقول شهد لللأم يمكن

وتنتهي المكالمه .

واليوم الثاني........

الساعه 5 العصر فتحت خلود عينها على صوت عاليه وهي تكلم ناعمه وتقول:_ إدعيلي عشان أشوفه اليوم

تقصد بكلامها الأمل إلي تنظره من زماان روحه وماخذ كل تفكيرها (حميد) حب عاليه الأول والأخير

أكييد تسألون شو ياي يسوي بيت عم عاليه... هو يصير حفيد عم عاليه يعني ولد عم عاليه تقريبا

نشت خلود من الرقاد وقالت :_ بتشوفينه لا تموتين

ردت عاليه بشغف :_ كيف عرفتي ؟

سمعت البارحه مرت عمي تتكلم في تيلفون ويا حميد وتقول تعال بيتنا

قالت عاليه وعيونها تلمع من الفرح :_ الله... يعني بشوفه اليوم

وتفتح شهد عيونها وتنش من الرقاد وهي كسوله :_ هذا كله بسبب تفاؤلج لو إنتي مب متفاأله ما كنتي بتشوفينه

وتقول خلود موجهه الكلام لشهد :- بسم الله إنتي من وين طلعتي توج راقده

وتقول ناعمه لخلود عشان تغايضها :_ وإنتي بعد ما تحبين حد من بيتنا قولي من ألحين

ترد خلود بدون مبالاة :_ متفيجه أحب وأعور راسي وبعدين شو فيها لو حبيت ليش إنتوا غير عني والله
وترد ناعمه بالغشمره :- هاها ؟ بديتي تلمحين أشوفج ؟ .... وتضحك

عاليه تقول لخلود:_ إنتي دايما جي تخشين مشاعرج عنا

خلود :_ ما أحب أقول غصب

شهد :_ بس خلاص لا عورتو راسنا

ناعمه :_ أنا يوعانه ..... إنتوا يوعانين ؟

الباقين :_هيه واااااااايد

ناعمه :_ إنزين بقول حق الخدامه تحط الأكل

خلود وهي تبتسم :_ حد ياكل ألحين

ناعمه بكل فخر :_ هيه نحنا وإلي مب عايبنه بدق راسه في إيدار أصلن نحنا غير نحنا مميزين

شهد:_ أكييد أصلن نحنا مميزين

ويعد شوي الكل راح يسوي إلي يبا لين ما يحطون الأكل ... كل وحده كانت مشغوله في شي

إلا عاليه ..... كانت سرحانه في حميد وكيف بكون اللقاء بينهم بين العيون والنظرات بس هاي كانت حدودهم

في الكلام.

تعتقدون كيف بكون القاء بين حميد وعاليه بتعرفون الأسبوع الياي إن شاء الله
لا تنسون آراكم حق أول جزء

[دانتي]

فعلا قصة رائعة مشكوووووووووووووووووووووووووووووووووووووووورة اختي

[فيونكه]

شكراً ع المرور

[lovely angil]

والله قصة رهييييييييييييييييييييييييييييييييييييييييييي يييبه وهي لسه مدخلتش في الجد ازاي لو بداتيها بجد بجد انا مستنيه لاجزاء الجديده سلام

[رومانسية]

باين ان القصة كووووووووول

انتظر التكملة

[بنت العز]

يعطيك العافيه
وننتظر البقيه

لا تطولين
بليز

[بنت العز]

السلام عليكم ورحمه الله وبركاته
اعزائي رواد المنتدى
نأسف لاغلاق هذه الروايه
بسبب عدم متابعه الكاتبه لها ولأجزائها
فمن يملك التكمله
ويستطيع اكمال الروايه
ليس عليه سوى ارسال رساله خاصه
لي المشرفه بنت العز
كاتب بها اسم الروايه
وسيتم فتح الموضوع من جديد باسرع وقت ممكن
نسعى لارتقاء القسم
وتنظيمه
مشرفه القصص والروايات
بنت العز