لا تعاتبني على ماجرى

[بنوته عبيطه]

لا تعاتبني على ماجرى ... للكاتبـة بنوته عبيطه

نبذة عن القصـة ....
احمد : شاب طموح امنيته يكمل دراسته بمجموع قوي لدراسه بالخارج .. وسامته ماتنوصف واهوا امير احلام
كل فتاة تشوفه .. بعراضه اكتافه .. بياضه ويهه .. وبريق لون عيونه العسليه .. بدرجه انه وصل الا غرور والكل
من حوله يلاحظ غروره من عيونه ..
فاطمه : مواصفتها قريبه وايد من احمد دليل على هذا .. مرادها تدرس وتشتغل وتكونه رافع اسم ابوها وامها
جدام الناس .. جمال ورقه وعين واسعه بنيه تلمع في الليل اللي يبن بريقها بخلابه ساحره وتحلم بالحب اللي يملي سعادتها بس الا لما تكمل المشاور الدراسي .. عاشت على تربيه الاخلاق الرفيعه والكرامه اللي ماتسمح لاحد
ان يمسها بيوم واحد .....

عايله بن حمد .. المؤلف من اخوان مترابطين مع بعضهم البعض وبذات لما توفت زوجه حمد (( امهم )) من بعد اثر
الضغوط اللي ماقدرت اجتازها لوفات زوجها حمد ، موته ما كان طبعي على الكل وبصعوبه قدر وجتازونه بذات
زوجته وفاطمه اللي كانت دلوعه يدهاا والحفيده المفضله عنده .. وطبعاً كان في عداوات بين احفاد بن حمد ، بسبب
حب يدهم حمد لحفيدته فاطمه .....

في هذي القصة راح تتعرفون على .. الاحترام الكبير .. العلاقات الزوجيه .. المصلحه ... والحب اللي قدر يتغلب
على المصلحه اللي كانت منسابه وتمشي في عروق عايله بن حمد .. واللي كان بعضهم زنين وبعضهم شينين ،
لكن الانسان ما يقدر يتغلب على الاشياء اللي تصده في يوم من الايام الا بالحب والرابطه القويه اللي تجمعه بين
الاشخاص المفعه بالحب الجميل الذي يفوح منه رائحه السعاده والهناس والاستقرار ......
مني لكم .. بنوته عبيطه .. وهي اول كتاباتي في الحياة واول منتدى انشر فيه .. اكتب مشاعري الجياشه .. واكتب
امنياتي لك شخص قد يمر في ظرف مثل هذا ...............


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
..!! الجــزء الاول !!..
* الفصل الاول *


في ظلمه الليل .. وعلى قمـرٍ قد فاق حدوده .. ومن حولهِ نجوم السماء .. وبقايا من قطرات الندى على النافذه ..
كانت فاطمه واقفه تتأمل القمر واهوا يكتمل يوم بعد يوم وشلون الحياة تستمر بدون ما يحدث فيها اي تغيرات ،
تقول في بالها " هذا القمر يكبر ومع كبره تتحطم حياتي اكثر .... تكفى يايدي ارجعلي تراني غريبه على الدنيا من بعدك " ... هذا الكلام اللي كانت تردد فاطمه على بالها طول الوقت انها غريبه عن الحياة ومالها لا قريب ولا صديق
فجأه .....!!! دخل عليها اخوها الكبير .....
خالد : علامج حبيبتي شفيج ؟؟ آنه خرعتج بدخولي ولا ليش شكلج جذي ...
(( فاطمه كانت عيونه في عين اخوها من اول مادخل .. خالد فهمها من نظراتها ))
فاطمه : ................. (( قريب وتيصيح ))
خالد : فطوم سمعيني هذا قضاء وقدر وانتي ماتقدرين تتحكمين بقدر ربج ، وكل واحد ويومه مايصير تعترضين
وتسوين في روحج جذي تراه مب زين لج .. انتي قاعده تتعبين امج وابوج ويانه والاكثر انج اتعبين نفسج ..
فاطمه : .................. (( تزيد في صياحها بس بدون ما تظهر صوت ))
خالد (( ونفذ صبره لان مايقدر يشوف اخته متحطمه واهوا مايسوي شي فيها )) : فاطمه تراه يدج بيزعل عليج
وانتي بهالحاله .. انتي تعرفين شقد يحبج ومايبي اي شي يضرج
فاطمه (( ماقدرت تتحمل وتحضن اخوها واهيا قريب بتنفجر بصياحها )) : هذا يدي .. هذا بن حمد اللي كل واحد
يسويله الف حساب .. هذا الغالي .. هذا دمي اللي يمشي بعروقي الحين .. شلون تبي حالتي .! اضحك افرفش
ولا اقعد لكم قعده مثل اول واكثر من هذا يدتي اللي ماقدرت تتحمل واخذها ربي .. يااااااااااربيي ابيهم خذني
معاهم ابيي امووووووت وحراره يوفي تبرد من شوفتهم بالجنه دخيلك ريحني وساعدني ((خالد ضمها لحضنه بقوة))

خالد ما قدر يشوف اخته جذي تتعذب واهم ساكتين عنها هذي مب اختها اخته ماتت ويات مكانها وحده يديده
مسكون فيها العذاب والاحزان والالم والضياعه من بعد يدهاا ... طلب خالد من اخته بعد خمس دقايق لما هدى الجو
انها تغسل ويها وتنزل تحت تقعد وياهم شوي ... طلع عنها خالد وسوت مثل ماقالها ...

بعد كم دقيقه نزلت وحده من على الدري والكل مستغرب في ويوهم وفوق راسهم عالامات ستفهام .. اهم فرحانين
ولا زعلانين ولا شنو .. بنزول فاطمه تغر كل شي .. الكل وقف من الدهشة اللي ما توقعوا ولا توقع خالد ان عزيمتها
وارادتها تقوة من جديد وتواصل في الحياة وتستمر .. وقفت لهم ..
فطوم : شفيكم واقفين علامكم لا يكون صرت غريبه ولا ضيفه توقفون جذي وفاتحين حلجكم
محمد (( بوخالد )) : لا يابنتي مافينه شي تعالي قربي مني فديييييتج وحشتيني فطومتي
فطوم (( واهيا حاسه فيهم )) : ادري يبا شفيك .. تراني زعلت وتضايقت وحزنت وايد .. بس مهما كان لازم الحياة
تمشي طبيعية (( تذكرت القمر وكلام خالد )) .. تنهدت : خلاااص لازم نفتح صفحه يديده
فوزيه (( ام خالد )) : صح كلامج يا بنتي والله مايحرمني منكم ياعيالي
كل عيالهم : ولا يحرمنا منج يايمه
(( وفطوم اهيا تتكلم وتقول وبالها شارد بس قالت في نفسها " لازم احاول اسيطر على نفسي " وبتسمت لهم
ابتسامه تحملها معاني الحزن المكبوته داخل قلبــهاا


(_( عايله محمد بن حمد .. فوزيه زوجة محمد تزوجها عن حب وقصتهم وايد طويله .. عندهم عيال .. خالد ، بدر ،
وفطوم .. محمد يشتغل في شركته الخاصه وشغلته تجاريه محترمه ومافيها فلوس حرام .. والحمد الله احوالهم
الماديه كبيرة ووايد زينه )_)


في بيت يوسف بن حمد وفي صاله الجلوس الفرعيه تحديدا

شمسه : بو احمد ودي اكلمك بكلمه راس
يوسف : قولي يا ام احمد شعندج تراني متأخر عن الشغل بدقيقه
(( بو احمد منتظم بأوقات شغله .. ويعتبر شغله مهم عشان يوفر لبيته الراحه وتلبيه طلباتهم ))
شمسه (( وهي محتارة ماتدري شلون تبتدي بالكلام )) : ... و ..والله مادري شـ.. شقولك
يوسف (( وصج تأخر على الشغل )) : ماتعرفين تقولين بعد احسن .. مدام ماتعرفين تقولين ليش تتكلمين وياي
شمسه (( وماتدري شتسوي )) : مادري شلون اخبرك .. اخاف تعصب
يوسف : سمعي يامرة تراني تأخرت وعليي شغل وايد وما ابيي اتعطل ، فكري بالموضوع وبعدين خبريني
لي رجعت من الشغل يالله فمان الله .....
شمسه (( عصبت لانها ماعرفت تبتدي وياه بالكلام )) : ....بس..........
يوسف : بعد تتبسبسين اعوذ بالله يلا مع السلامه
(( طلع ابو احمد من البيت وعلى طول الشغل ))

وفي ذاك الوقت كانت ام احمد تفكر شلون تتكلم ويه ريلها وشلون بتقوله ....!!! والف شي يدور في راسها
(( صج مرة ما ايي وراها غير الطمع والجشع بالمال والاموال ))

وفي لحظه ما اهي قاعده تفكر نزلت لها بنتهاا ... سارة ...
سارة : يمه يمه .. وين السواق ابييه يوصلني في الليل بيت عمي محمد
ام احمد (( واهيا غرقانه بعالم الفلوس والمال )) : ............................
سارة : هييييييييي يمه شفيج ردي عليي
ام احمد (( والحال نفسه )) : .........................
سارة : يمه ردي عليي تكفيييين تراني سارة بنتج ... (( ابتدت تصيح وتحس ان امها ماتت ))
(( وام احمد صح ماتت ، لكن ماتت من روح الشيطان اللي دخل داخل نفسهاا وقضى عليها ))
سارة قامت تلوح بيدها .. ولاحظت ان عيون امها تتحرك وقامت تضحك من قلب .. وفكرت وفكرت .. وطلعت في
بالها فكرة ، راحت ووقفت يم ويهه امها وصارخت ........
سارة : يمــــــــــــــــــــــــه .. !!!!
ام احمد (( واهيا متخرعه من الصوت )) : عساج البط انشاء الله اذوني صمختيها حشى شفيج انتي مب بشر
سارة (( واهيا مستانسه لان نجحت الفكرة )) : ههههههههههههه لا يايمه بس آنه اناديج من زمان وانتي
شكلج في زمن ليلى والذيب هع هع
ام حمد : تهعهع في ويهج انشاء الله .. شتبين مني الحين ..!!
سارة (( واهيا تذكر شنو تبي من امها )) : ههه آسفه يايمه انفعلت مع الموضوع .. اييي تذكرت كنت ابيي
لدريويل يوصلني في الليل بيت عمي محمد ابيي اشوف فطوم وحشتني من زمان ماشفتها من وفات يدي الله يرحمه
ام احمد : انشاء الله روحي بس لاتتأخرين .. واذا تأخرتي لاحش ريولج حش
سارة (( وبطوت خفيف واهيا تروح لعند لدريول )) : عداااال عاد لو تدرين اني يمكن ابات عندهم بتشنقيني مب
تحشين ريلي ...
ام احمد : شنو قلت يابنت ..!!
سارة : ................ (( ولا علبالها ولا فكرت انها ترد ))


(_( عايله يوسف بن حمد .. بو احمد يشتغل مع اخوه محمد بنفس الشركه وبما انها تجاريه لازمها احد يداوم صبح
والليل .. زوجته مثل ماعرفتوا اسمها شمسه ..واهيا معروفه انها طماعه وتحب الاشياء الزايده وتحب كل شي نازل
بالاسواق يكون في بيتها عكس زوجة محمد (فوزيه) بس مع هذا اهم متفقين بس داخل النفس تختلف .. وعندها ولد وبنت
احمد وسارة )_)


ومع مرور الوقت والثواني قرب وقت رجوع بو احمد من شغله .. في هالوقت طبعا ماتعرفون شنو حااله شمسه
اللي تبي تفتح الموضوع معاه وتفتح لها ابواب غير الابواب اللي عندها .....
بواحمد : سونيا يودي الشنطه وديها المكتب
سونيا : انشاء الله بابا
بواحمد : سوونيا .. وين ماما ام احمد
سونيا : ماما في الغرفه الرئيسيه ... (( ومشت سونيا متجهه للمكتب ))
يه يوسف تعبان وماقدر يركب على الدري .. وصعد الاسنصير ليما وصل الغرفه .. دخل الغرفه وفسخ ثيابه
ولبس ثوب البيت (( الكندوره )) .. لاحظ يوسف توتر شمسه وبالها اللي شارد .. بس ماحب يضايقها واهو عارف
ان اهي بتقوله اذا مب اليوم بكرة ... وقفت شمسه وفي مشيتها كانت متجهه الى بواحمد عشان تبتدي بالسالفه
شمسه (( واهيا متردده )) : يوسف .. انته تدري ان اليوم كنت ابيي اقولك سالفه ..
بواحمد : اي اعرف .. بس ظروف الشغل ما اسمحت انج تقولين وانتي اذا بتقولين سالفه تلفين وتدورين لي ماتوصلي
لطلبه اللي تبينه ...
شمسه (( خالص اقتنعت ان مالازم تلف ودور )) : يوسف آنه ابيي ازوج احمد ولدنا بفاطمه بنت اخوك محمد ..!!





شنو بتكون رده فعل ابو احمد ..؟؟ هل بيفرح ولا بقولها توها الناس على احمد ..؟؟ واذا انفتح الموضوع بشكل
رسمي شنو راح تكون ردود الفعل بين عايله بن حمد ..؟؟ وخاصةً احمد & وفاطمه ؟؟؟

[بنوته _ حلوه]

مشكووورة على القصه ..

سلامي..

[بنوته عبيطه]

العفــو ..
مشكورة على المرور
.
.
اذا مالقيت اقبال في القصه ماراح اكملهاا
وتحياتي لكم

[بنت العز]

هلا حبيبتي

يعطيك العافيه على القصه
ولا تحريمنا من ابداعك

ننتظر التكمله

[بنوته عبيطه]

تسلمين على المـرور وانشاء الله التكمله جريب
لين ينزل الوحي عليي هههههه

تحياتييز

[بنت العز]

هلا حبيبتي ننتظر الوحي ينزل عليك
هههههههههههههههههههه
الله يهديك


يتشرف منتدانا بكاتبه مثلك
يعطيك الف عافيه
وونتظر البقيه

[بنوته عبيطه]

[COLOR="DarkOrchid"]* الفصل الثاني *

وفي وقت مناقشه شمسه لريلها يوسف ... كانت سارة متجهه الى فاطمه _ 18سنه _عشاان اهيا عارفه
شقد فطوم تحب يدهاا ووحبت تواسيها وتقولها كلام يرفع معنواتها وطبعا سارة واحشتها فطووم واقرب
وحده لها في العايله ... دخلت سوير بيت عمها لقت ام خالد قاعده لحالها تتفرج على التلفزيون ..
بعد ما راح ريلها وولادها الديوانيه ...
سارة : السلام عليكم
ام خالد واهيا تقصر على وت التلفزيون : وعليج السلام
سارة واهيا تقعد على الكنبه : شخبارج خالتي وشخبار عمي والكل
ام خالد قالت في نفسها " الكل بخير ما عدا بنتي اللي قاعده تذوق الويل " : الكل بخيـر والحمد الله شخباركم انتوا ..
سارة حست ان فاطمه بعدها ماصارت احسن بس ماحبت تحس فوزيه : احنا تماام وامي تسلم عليج
ام خالد : الله يسلمها .. بلغيها سلامي انتي بعد
سارة : انشاء الله يوصل .. الا اقول خالتي
ام خالد : هلا يا بنتي ...
سارة : وين فاطمه ليش مب قاعده معاج ...!!
ام خالد وحزنت من قلب لان فااطمه ماكانت تفراقها لحظه وحده : شقولج يابنتي فاطمه كانت من شوي معانه
وصعدت فوق لي غرفتها .. روحي لها كلميها يمكن تنتبه على اللي قاعد يصير حواليها
سارة حست بمعانات خالتها : اوكيه بعد اذنج .. خالتي
دقت الباب ودخلت سارة بدون سلام ولا كلام خلال 5 دقايق سارة ما عرفت شنو تسوي كانت
تبي تغير الجو وتخليه مثل قبل فطوم الناعمه البريئه اللي في لمحه بصر تصير ملاك الكون كله بضحكتها
وابتسامتها الحلوة اللي تعبر عن كل شي فيها ... و انكسر حاجز الصمت ..
سارة واهيا حزنانه على حالة فاطمه : فطوم شفيج .. آنه من دخلت غرفتج وانتي ساكته ، حتى آنه ماسلمت عليج ولا انتي فكرتين تسلمين علي وتعرفين اخباري (( وقفت وراحت لها عند المنظرة )) .. ترى يا فاطمه الماضي اهوا الماضي
والحاضر لازم نعيش فيه .. كل عايله بن حمد حزنت على يدي بس ماشفت قد حزنج .. يدي يحبج ومايبي
لج الاذى لو انتي تحبينه وتعزينه لا تخلينه يعاني من حالتج ويحزن اهو الثاني
فطوم واهيا متأثر لتذكرها وفات يدها : صح ياسارة آنه تحطمت وحسيت اني منتهيه من الدنيا يوم وفاة
يدي .. حسيت ان روحي ماتت ماباقي الا تسمعون خبر وفاتي ..
سارة قاطعتها في الكلام ...: سمعي انتي صح تعذبتي وتحطمتي والكل يلاحظ هذا واللي مايلاحظ
تراه احووول .. بس انتي لازم تبنين حياتج لازم تستمرين الحياة ماوقفت .. شوف القمر شلون كل ليله يكتمل
انتي بعد سوي مثله اهوا ينتهي ويرد يكتمل ... يعني انتي تقدرين تكملين حياتج مرة ثانيه ... ولا تنسين
وصيه يدج بأنج تكملين دراستج وعلمج .. وانتي ماشاء الله ثقافتج وايد تماام وانتي ذكيه وحلوة لاتهدرين
نفسج بين الحزن تراه بيقضي عليج وبصير اقوى .. ليش انتي ماتقضين عليه بقوتج وارادتج ، ليش
مايكون حلم يدج وحلمج دافع عشان تستمرين في الحياة وتواصلين ..
فاطمه واهوا تبجي من حرقه قلبها : مااقدر ياسارة آنه انتهيت كل شي انتهى .. انتهى حلمي مع يدي
شلون تبيني اعيش من بعد كان اهو اقرب واحد يمكن يفهمني اقبر من ابوي وامي واخواني وانتي بعد
بس آنه ماراح اخليج تهدمين حياتج بهالسهوله .. آنه اعزج واحبج وانتي صديقتي وماراح ارضى على
اللي قاعده تسوينه في نفسج
سارة وبدون خيبه امل : سمعي فطوم الحين آنه وايد تأخرت بكرة لام اتيين بيتنا ونكمل الموضوع
.. وتعرفين امي اذا تأخرت بسويلي قصه ومالي خلقها
فاطمه ....: اوكيه امج معروفه اللي في راسها لازم تسويه وماابيي مشاكل لج بسبتي
سارة ...: آنه والله ماودي اخليج واكمل موضوعنا بس كل شخص عذره معاه
فاطمه..: صح كلامج ..
نزلوا تحت ووصلت فطوم سارة لعند الباب .. وودعوا وقالت سارة لـ فاطمه انها تفكر بالموضوع بعض
واتفقوا على بكرة عشان فاطمه تروح بيت عمها يوسف

*+*+*+*+*+*+*+*+*+*+*+*+*+*+*+*+*+*+*+*+*+*
في بيت يووسف (( بو احمد )) ......
*+*+*+*+*+*+*+*+*+*+*+*+*+*+*+*+*+*+*+*+*+*

يوسف : ايـــه ..صح تفكيرج هالمرة ضبطيها والا انتي عبيطه ماتعرفين شي
شمسه وحز في قلبها كلام ريلها : الحين آنه عبيطه يا يوسف .. الله يسامحك
يوسف واهو حس فيها : خلاص ياشمسه . ماكنت اقصد .. بس تهقين احمد _ 24 سنه _ يوافق على انه
يتزوج فاطمه ..!! لاتنسين انه مايفكر بزواج الحين يفكر بس في دراسته وبس .. وماعنده هالخرابيط
شمسه في هالوقت تأكدت ان بو احمد وافق على زواجهم ... بس بو احمد مايدري شنو يدور في بالها
هذي حيه بأفكارها .. والله يساعدك على شمستك يا يوسف في الايام اللي جايه بذوق الويل
شمسه : ولا يهمك يا بواحمد خل السالفه عليي آنه بكلم احمد ولدي وطبعا ماراح يرفض لي طلب
بو احمد : اوكيه بنشوف يا شمسه .. انزين شكلنا الليله ماراح نتعشى
ام احمد واهيا فرحاااانه : بلى يا بواحمد 5 دقايق بس والعشى زاهب
نزلت شمسه تحت عسب تقول لسونيا تجهز العشى .. وبالصدفه كان احمد قاعد بالصاله يجوف التلفزيون
وقالت في نفسها " ليش ما انتهز الفرصه واقوله " قامت تفكر محتارة تبي تقوله بس مب عارفه لان
تخاف يرفض مبدأ الزواج واهوا يعرفونه ما يبي يتزوج نهائياً بسبب دراسته ....
احمد انتبه لأمه انها موجوده : (( حبها فوق راسها )) هلاا يايمه شخبارج ...
شمسه : بخير يا ولدي .. شخبارك ..!!
احمد : مدام الغاليه بخير نحن بخير ...
في هالحظه كانت سارة توها راده من بيت عمها محمد .. وكانت وايد فرحانه لانها جافت فطوم وفي
نفس الوقت كانت وايد حزينه لحالتها العصبه ...
سارة واهيا خايفه " الحين هاي شنو بتقولي . الله يستر بس " : سلااام عليكم ..
الكل : وعليج السلام
شمسه وبين الشرار في عينها : انتي ماتقولي ليش تأخرتي ..؟؟ آنه مب قايله لج لا تأخرين وموصيتج ..
سارة واهيا متردده بالكلام : أي .. أي يا يمه خذتنا السوالف وتعرفين الطريج مني لبيت عمي محمد مب شوي
احمد ويبي يدارك الموقف لان يعرف امه اذا عصبته : يمه شبلاج عليها هدي اعصابج الحين اكا اهيا يات
وخلاص بعد لازم تعصبين .. (( واهوا ماسك خدها )) مب زين لج توج شباب يعني تبين تصيرين عيووز
شمسه وعصبت خلاص واصله لي فووق : يالله انتي وياه سكتوا وانته احشم امك ولا تسوي لي هالحركات فاهم
خربتوا مزاجي لعلكم الخراب ... انتوا ولادي لا حشى منتوا
سارة واحمد ما تكلموا بس حز في خاطرهم شوي .. واهم عادي متعودين على امهم وشلون تعاملهم واهيا معصبه
لازم تقول كلام يسم القلب ويجرحه ..... بس الضنى عمره ما ينبااع يا شمسه ...
كانت توها راح تمشي بس تذكرت سالفه احمد : اسمع باجر الساعه 10 الصبح انته موجود بالصاله ابيك بسالفه
ضروريه تفهم ....
احمد : انشاء الله يايمه 10 آنه في الصاله ...
شمسه تقربت من بنتها : وانتي مرة ثانيه اذا قلت لج لا تتأخرين يعني لا تتأخرين مفهوووم
سـارة : انشاء الله ......
وراحت شمسه تخبر سونيا بالعشى .. عشان يجهز .........

على قطرات الندى المنسابة على تلك النوافذ والسيارات ... كان الصباح مختلفاً عن أي صباح ... شمسٌ مشرقه
توحي بأمل وألم وأحزان وانفتاحات جديده للحياة ... ولكن ما السبب .. من الاشخاص المعنين بذلك أهم فاطمه&احمد!!!

توجهه يوسف لشغل . واهو ناوي يخبر اخوانه بقرار تزويج فاطمه لاحمد ... لانك قال اول شي بروح لأخوه الكبير
وابو البنت عشان يطلبها منه .....
السكرتيره : مرحبا فيك استاز يوسف .. بدك شي ..
يوسف : أي .. ابيي محمد موجود ولا بعده مايه الشغل ..!!
السكرتيره : طبعا موجود ما تشوف الشكره منوره الا فيه استاز يوسف
يوسف : اوكيه .. قوليله اني ابيه بموضوع ضروري اذا ماعنده مب مشغول ..
السكرتيره : اوكي استاز انته تفزل اعد هنيك وووانا راح اخبرُ هلأأأ
دخلت عليه المكتب ... ولقت محمد يوقع في اوراق لشراكتهم مع شركه ثانيه ....
يوسف : في شي ..!!
السكرتيره : أي استاز محمد .. هون خيك يوسف .. يأول بدك ضروري هلاأأأ
يوسف : اوكي دخليه ويبي لنا قوه .....
............. السكرتير طلعت وخبرت يوسف بكلام محمد ودخل ............
محمد : يا هلا والله بأخوي ...
يوسف : هلا بك اكثر .. شخبارك ....
محمد : بخير الله يسلمك .. وانت شعلومك
يوسف : تمام الحمد الله ...
.... وتدخل السكرتيره واهيا يايبه القهوه معاها ....
يوسف : اكيد يا خوي مستغرب ليش ياينك المكتب قبل ماايون الموظفين .. ياخوي آنه ياينك بموضوع
عائلي مب موضوع لشغل ...
محمد قال في نفسه " لايكون ياي يبي الوصيه وثروته ويتوزع الحلال ..." : تفضل يا يوسف آنه اسمعك
يوسف ...: آنه ياينك قبل كل شي بصفةِ اخوك ومعزه فاطم%