+◦ღخل حزن قلبكـ علي وعيش بـافـراحــه˚ஐ˚◦ღ قصه قطريه اماراتيه +

[روح الوله]

الســـلام عليكم


)˚ஐ˚◦ღعايلة بو حمد)˚ஐ˚◦ღ
بو حمد (راشد) +ام حمد ( منى)
العيال
حمد : هو اكبرهم عمرة 28... طويل ... ابيض البشرة ..خوي ابوه..مزوح.. قلبه طيب .. وكل شي يصدقه بسرعه..يشتغل في شركة البترول..

أحمد: عمرة 24 ما يدرس في الجامعه ..هو بس مخلص ثانويه ويشتغل في شركة.. يحب القنص والمقناص وكل شي يتعلق بالقنص
حياته كلها لطيورة ..غرامه طيورة .. اسامي طيورة : سرمد والقرموشه.. اطباعه طبايع بدوي ..

فارس: عمرة 20ه كوووول يحب الكشخه متفتح واايد كل شي عنده عااادي .... هوايته التفحيط..يدرس في الجامعة
خواته يموتون عليه لانه يعطيهم على الكيف..ربعه واخوانه ما يسلمون من مقالبه.. مزوح وااايد يحب الضحك..وهو زعيم شلته..

جوري: عمرها 18.. حلووه وايد ... ملكة جمال الصراحه .. صوتها وايد رقيق .. نعوومه .. حبوبه .. دلوعه ابوها وامها طبعاً .. هي وفارس اخوها على قلب واحد..ثانويه عامه..

فجر: صغيرررونة العايله .. اتينن .. عمرها 6 سنوات عالرغم من صغر سنها الا انها ملسوونه وتقول سوالف اكبر من سنها وهي دلوعة وتحب الشيكوليته..

˚ஐ˚◦ღ(عايلة بو مشاري)˚ஐ˚◦ღ
بو مشاري (محمد) ام مشاري(مريم)
مشاري: عمرة 20 اخوهم الكبير .. ربيع فارس دايماً وياه تقريباً هو وفارس نفس الطبايع والصفات وهوو كووول ويحب الكشخه ..طويل.. حنطاوي..
امل: حنطاويه البشرة.. عيونها كبار ووساع ..مزيونه .. عمرها 19 هي زعيمة شلة البنات .. لانها اكبرهم..تدرس في سنة اولى جامعة
مها:نعومه .. حلوه واايد..عمرها 17.. بيضاء البشره..الي يميزها عن البنات شعرها الطويل الاسود....

)˚ஐ˚◦ღعايلة بو فيصل)˚ஐ˚◦ღ
بو فيصل(ذياب)+ام فيصل(نورة)

فيصل: عمرة20 وطبعاً هو مع مشاري وفارس..وطبعاً هو كووول وكشخه ..يحب يضحك وايد
عيونه كبار..حنطاو البشرة..شعرة اسود ناعم..ملامحه حلوووه

الريم: عمرها 18.. طبعا هي لاتقل عن البنات جمالاً ما شاء الله عليهم كلهم حلوات.. بس هي اطول وحده فيهم ..وبعد هي محترفة بالكمبيوتر.. بس مب احسن عن خالد..شاطرة في الدراسه.. نعومه ورقيقه.. تحب تضحك وااااااايد.. دمها خفيف..ثانويه عامه..علمي..

..خالد عمرة 14هو دب شوي .. يحب الأكل.. هوشاطر وايد بالدراسة.. شااااااطر ما شاء الله عليه..الي يشوفه يعطيه اكبر من عمرة..ومحترف بالكمبيوتر
ღ.. ويوجد العديد من الشخصيات التي ستظهر اثناء احداث القصه.. ღ

«ღ©¨•. ¸¦» وفي بيت بوحمد الصبح .. طبعاً يوم الجمعه الكل يالس من النوم الا فارس وحمد.. كان يوم الجمعه.. طبعاً اجازة .. الناس ما عندها اشغال.. الكل بالبيت الا احمد يلس من الصبح من الساعه سبع عنده دوام بالشركة.. عنده زام من الصبح لين الساعه ثمان المسا.. طبعا الشركات غير عن الناس يعانون مساكين..يوم اجازة الناس هم يداومون.. طبعا بو حمد هو اكبر اخوانه.. وكل جمعه يتجمعون العايلة كلهم عنده على الغداء..
الساعه الحيـــــــــــــــــــــــــــن 9 صباحاً وبو حمد وام حمد وجوري والصغيروونه فجوورة..قاعدين على الريوق الصبح يــــــــــــــات جوري وسلمت على ابوها وامها..ويلست وياهم «ღ©¨•. ¸¦»




جوري: يبه ....
بوحمد: امري
جوري الصراحه ملل .. نبي نطلع نروح مكان .. نبي نستانس..والله ملل
بوحمد: يعني وين تبون تروحون؟؟
جوري: أي مكان .. طبعاً مب بروحي انا وشلتي.. انا وبنات عمي
بوحمد: انا اليوم يا جوري.. مشغول ويا عمامج.. ما اقدر اطلعكم .. شوفي حد من اخوانج..

«ღ©¨•. ¸¦» وراحت جوري فوق وهي تصعد الدرج... الا تشوف ... فارس توه طالع من الحمام.. طبعاً جوري استغربت .. «ღ©¨•. ¸¦»

جوري: فرووووس !!
فارس: هلا والله.. صبااااااااااااحج عسل
جوري: اوه اوه الشيخ فارس اشعندك يبه يالس من الصبح انته مب عوايدك..

فارس: بعد شاسوي .. ادري مب ستايلي .. بس شبعت نووم..هههههه..

جوري: فاااااااااااارس اخوي الغالي .. العزيز.. دخيلك .. رجيتك .. تطلعنا احنا البنات اليوم ..

فارس: انتي والبنات!!! يعني وين اوديكم؟؟؟..
جوري: أي مكان بس نستانس..
فارس: اووووكي
جوري: زين وين قررت تودينا؟
فارس: انا برتب لكم خووش طلعه .. وبشرط فيصل ومشاري ويانا..

جوري: اوووكي.. بس المهم بنطلع..
فارس: اقولج ..
جوري: امر .. تدلل
فارس: ووول جذيه الوناسه تسووي فيج..خخخخ .. المهم وين حمدوه يلس ولا بعده ..
جوري: ما اظن حمد يقعد من النوم الحين..
فارس: حلوووووو ... اووكي روحي جيبي غرشة ماي باااارد
جوري: يعني بتشرب غرشه كامله!
فارس: لالا ما بشرب انتي روحي يبيها..
جوري: ليش؟
فارس: رووحي يبيها لكنسل الطلعه.. وبلاش اسأله..الحين بتشوفين شباسوي..
جوري: لا تكفى كل شي وإلا الطلعه..
«ღ©¨•. ¸¦»وراحت جوري وجابت الغرشه ..واخذها فارس«ღ©¨•. ¸¦»

«ღ©¨•. ¸¦»دخل فارس غرفة حمد......... وهو يمشي شوي شوي علشان ما يحس فيه ..لأن حمد نبيهة وايد ونومه خفيف.. وشوي شوي قرب منه وفتح الغرشه وصبها في وجه .. حمد.. وفز حمد من نومه متخرع وهو يشاهق.. وفارس .. يضحك.. الا بيموت من الضحك وجوري بيوقف قلبها من الضحك.. وحمد معصب .. واخذ المخدات ويحذفها على فارس وجوري .. وشرد فارس .. من الغرفة ووراه .. حمد وهم يراكضون في البيت.. «ღ©¨•. ¸¦»

حمد: انا ذابحك ذابحك.. اليوم .. فروووس يالحيوان
فارس : وهو يركض ويضحك .. لالا تكفى ..
بو حمد: شباب.. يبه يالله الله يخليكم .. البسوا علشان بنروح المسيد الحين الساعه 11ونص.. بنروح في سيارة وحده..
حمد وفارس: انشاء الله يبه
بوحمد: يالله بسرعه ربي يحفظكم
وراحوا حمد وفارس يلبسون ويكشخون

«ღ©¨•. ¸¦»وام حمد تعدل البيت ..وتبخره.. «ღ©¨•. ¸¦»
ام حمد: فجووره .. فديتج .. روحي قولي لجوري اتيي تساعدني بنعدل البيت ما باقي شي.. بيونا حريم عمامج

فجوورة: اووكي
وراحت فجورة تركض فوق تنادي جوري.. وجوري في غرفتها .. طقت جوري الباب عليها..

جوري: منوووو؟؟؟
فجورة:جوجو امي تبيج تحت
جوري: زين بالبس وبنزل ..
فجورة: لا تتأخرين ويبيلي وياج شوكليته..
جوري: انزين روحي بايي الحين
فجورة: زيين.. اووف
«ღ©¨•. والبست جوري ملابسها وكشخت.. ونزلت جوري تحت.. وهي تنادي امها«ღ©¨•.
جوري: يمه ...... يمه .....وووينج..
«ღ©¨•. ¸¦»وما لقتها تحت.. ولقت خدامتهم ريتا«ღ©¨•. ¸¦»
جوري: ريتا وين امي؟؟
ريتا: داخل غرفه مال هي ..
وراحت جوري غرفة امها..وطقت الباب ..
جوري: يمه .. ادخل
ام حمد: دشي فديتج
جوري: اووه وش هالزين يا ام حمد
ام حمد: بس انتوا تتعدلون وتكشخون يالبنات بعد احناـهههههههـ..
جوري:ـههههههههههههههههههههـ
ام حمد: جوري يمه ما يامر عليج عدو روحي تحت الصاله وعدليها
جوري: من عيوني..... وباست امها على خدها ونزلت
فجورة: جوجوانا ابي اعدل البيت وياج
جوري: انزين تعالي ..
«ღ©¨•. وعدلوا البيت..وقعدوا يتريون المعازيم.. ودشوا عليهم ام فيصل وامل ومها.. وسلموا عالجميع.. «ღ©¨•.
«ღ©¨•.وطبعاً.. البنات .. راحوا بروحهم الصالة الثانيه.. «ღ©¨•.
جوري: اموله مهووووي .. عندي لكم سبرايز..

يتبعـــــــــــ,,,,,,,,,,,,,,

[روح الوله]

امل ومها بصوت واحد: قووولي شنو؟؟
جوري:لالالا ما بقول الا اذا يات ريم..
ودشت عليهم ريم
ريم:هاااااااااااااااااااااااااااااااي .. يا حلوين
البنات: هااااااااايات
امل ومها : يالله قوووولي الحين
جوري: زين .. اليوم لقيت لكم طلعه
البنات: احلفي
ريم : الله وناسه كشخه ..فله الله طلعه بنستانس ..
جوري:زين سمعوا .. اليوم فروس اليوم بيطلعنا وطبعاً ويانا اخوانكم فصول ومشاري..
البنات: ووين يعني
جوري: قال بيطلعنا على كيفه
ريم: بيودينا نشرب شاي كرك ونتمشى على الكورنيش..ـهههههههـ
جوري:ـهههههههـ لالا ما اظن..
ريم: زين الحين احنا كلنا في سيارة وحدة ... السيارة ماتشلنا كلنا؟
جوري: ما ادري عاد فروس هو مرتب الطلعه ومااعرف اشبيسوي..
«ღ©¨•.ودشت عليهم فجورة.. «ღ©¨•.
فجر: يلا تعالوا بنتغدى الحين بسرعه..
ريم: يلا بنات قوموا نروح نتغدى..

«ღ©¨•.وفــــــــــــــــــــي الميلس.. الساعه 1.. الظهر.. تجمعوا بوحمد واخوانه وعيالهم الشباب.. بعد الصلاة.. «ღ©¨•.
بو حمد: غلام .. روح جيب الغدا من البيت..
غلام: انشاء الله بابا الحين انا جيب غدا
بوحمد: يالله بارك الله فيك
«ღ©¨•.والشباب ( فارس وحمد ومشاري وفيصل ) يرمسون مع بعضهم.. «ღ©¨•.

فارس: شباب اليوم وين تبون تروحون؟؟
مشاري: اشرايك نروح سيلين نودي ويانا البانشيات؟؟
فيصل: والله خوش فكرة.. ونروح بعد الغدا..
فارس: فكرة مب بطالة .. بس انا قايل حق جوري اني بطلعها هي والبنات..
فيصل: فروس والله انك تحرق القلب الحين وين نوديهم ..
مشاري: ايه والله.. الحين بنكنسل الطلعه كلها علشان حضرتك تطلعهم؟
حمد: انا عندي لكم فكرة .. ودوهم وياكم
فارس: ودوهم! ليش انت مب ياي ويانا؟
حمد: لالا انا معزوم اليوم على عرس اخو واحد من ربعي..
مشاري: تعال فروس الحين احنا عندنا اجازة
فارس: وانت توك مفتكر
مشاري: اشرايكم نحجز شاليهات في سيلين؟؟
فيصل: والله فكرة حلووة
فارس: زين باعرض الفكرة على ابوي اذا وافق يطلع ويانا هو وامي والبنات في شاليه.. واحنا في شاليه صوب شاليهات الشباب..
بو حمد: شباب اقلطوا .. تغدوا
حمد: شباب حياكم عالغدا
«ღ©¨•.ونزلوا الشباب يتغدون.. «ღ©¨•.
بو فيصل: سموا يا شباب سموا..

«ღ©¨•.وبعد .. الغدا«ღ©¨•.
بومشاري: كثر الله خيرك يا بوحمد.. خوش غدا
بو فيصل: ايه والله .. خوش غدا .. عساها نعمة دايمه
فارس: يبه .. انا والشباب قلنا بنحجز شاليهات .. اليوم
بوحمد: ايه يبه روحوا.. استانسوا ..
فارس: تسلم.. بس انا قلت حق جوري بنطلعهم اليوم .. والحين احنا بنروح الشاليهات.. وشرايك تجي انت وامي والبنات في شاليه.. واحنا ناخذ شاليه صوب الشباب..
بو حمد: خلاص صار..
حمد: زين شباب واحد منكم يتصل يحجز .. لأني ما اظن بتلقون شاليهات.. الحين اجازة .. اتصلوا بسرعه..
فيصل: انا بتصل عندي رقمهم..
«ღ©¨•.واتصل فيصل.. ترن ترن ترن«ღ©¨•.

الموظف:منتجع وشاليهات سيلين اتفضل..
فيصل: والله الشيخ بغيت احجز شاليهات
الموظف: اوكي.. دقايق حبيب البي..بدي اشوف الحجوزات عالكمبيوتر
فيصل: اوكي
الموظف: والله وين بدك شاليهات عائلات ولا شباب..
فيصل: شاليه شباب وشالية عايلات
الموظف : شاليهات الشباب تقريباً 3 شاليهات فاضيه بس وشاليهات العائلات كلها محجوزة.. اه لحظه.. في عنا.. شاليه واحد للعايلات اليوم بدهم يطلعوا منه..عالعصر بتلاقيه فاضي ..
فيصل: خلاص احجز لنا الشاليهات
الموظف: اوكي بدك تيجي اليوم عالساعه 5 العصر اذا بدكوبعدين ما بتلاقي شاليهات..
فيصل: اوكي احجز لنا 3 ايام
«ღ©¨•.وخلص فيصل من مكالمته«ღ©¨•.

فارس: هاااه فصول بشر عسى لقيت شاليهات
فيصل : ايه لقيت شاليهات.. لازم نكون عالساعه 5 موجودين هناك
بوحمد: بشرك الله بالخير
بو فيصل: انا وبو مشاري بنسافرالامارات بنزور خالتي.. خلاص دامكم بتروحون .. بتودون وياكم البنات بنودي حريمنا ويانا.. وبودي خالد وياي بعد..
بوحمد: متى بتسافرون؟
بو مشاري: والله باجر .. يوم السبت
بوحمد: والله انا ودي اروح وياكم .. بس مواعد العيال
فيصل: عمي تقدر تروح لهم يوم الثلاثاء هم بيقعدون اسبوع
بو مشاري: خلاص يا خوي خذ براي فيصل..

₪××₪الله يا دار زايد كيف ما احلاها₪××₪
₪××₪يا ناس حلوه₪××₪
₪××₪وقلبي مغرما فيها₪××₪
₪××₪كن القمر يوم يظهر من محياها₪××₪
₪××₪في غاية الحسن₪××₪
₪××₪يسلم كف بانيها₪××₪


بو حمد: خلاص بعد شنسوي ما نقدر نكسر بخاطر الشباب
فارس: عااااااااااااااااااش ماي فــــــــذر
الجميع:ـههههههههههههههههههههـ
بوحمد: غلام.. غلام
غلام: نعم بابا..
بوحمد: روح جيب عصير من الكفتيريا الي يمنا
غلام: عصير شنو بابا
بوحمد: شباب.. وش تبون تشربون؟
بومشاري : والله معروف يا اخوي انا وبو فيصل وانت كوكتيل..
بوحمد: والشباب؟؟
فارس: انا ابي منجا
مشاري: وانا بعد منجا
بوحمد: فيصل وحمد؟؟
فيصل : انا ابي عصير كوكتيل
حمد:انا بعد كوكتيل
بوحمد: غلام روح جيب 5 كوكتيل و2 منجا
غلام: جين بابا
فارس: عن اذنكم دقايق وراجع
بوحمد: وين رايح .. اقعد عندنا
فارس: باروح .. اقول حق جوري
بوحمد: زين بعد قول لامك ترتب لطلعة الشاليه..
فارس: لحظه يبه ما قلنا لاخوي احمد .. اذا يبي يطلع ويانا
بوحمد: روح .. ويصير خير انا بكلمه
«ღ©¨•.وروح فارس البيت«ღ©¨•.

«ღ©¨•.ام حمد وام فيصل وام مشاري قاعدين في الصالة ودش عليهم فارس«ღ©¨•.
فارس: السلام عليكم جميعاً
الجميع: وعليكم السلام
فارس: اشلونج خالتي ام فيصل عساج بخير
ام فيصل: بخير يبه انت شخبارك
فارس: يسرج الحال..وخالتي ام مشاري شخبارج؟
ام مشاري: الحمدالله بخير
فارس: يمه يقولج ابوي اليوم بنطلع الشاليهات الساعه 5
ام حمد: عاد اليوم..
فارس: والله يمه ما لقينا حجز غير اليوم
ام حمد: انشاء الله .. بعد شنسوي ما نقدر نرد لكم طلب
الجميع: ـهههههههههههههههههـ
فارس: زين يمه وين جوري؟ والبنات؟
ام حمد: البنات فوق في الصالة..مع خالد ..
«ღ©¨•.وصعد فارس فوق وسمع صوت وحده من البنات تقول شعر«ღ©¨•.

₪××₪لاتحسب ورود تنثر لك غلا وتفله₪××₪
₪××₪والبحر عشرين ونجومه وضحك هلاله₪××₪
₪××₪تعتقد انا ميت وانا لا بالله₪××₪
₪××₪انا لا ميت حبيبي لا ولا الله قاله₪××₪
₪××₪ان كان عندك هرج بتقوله لقلبي قله₪××₪
₪××₪وش علينا بهرجة المسكين والي قاله₪××₪
₪××₪ما عرف شيئاً في بالي وان بغيت اوصله₪××₪
₪××₪يذكر اسمي يومها بحله وترحاله₪××₪
₪××₪من يحبك حب ضايع قلت الله شله₪××₪
₪××₪ضاع والي ضاع عندي احتياط بداله₪××₪
₪××₪والله لاحبه انا .. ويصير حرف العله₪××₪
₪××₪يالين ما يضحك عليه ابليس قبل عياله₪××₪
₪××₪من اخباله لخباله نية ناوي له₪××₪
₪××₪ولبغيته زين شاف اخبال غير اخباله₪××₪
₪××₪ارفعه وارجع اذله..وارفعه واذله₪××₪
₪××₪لين اسمع مرتين بأذني يا هي حاله₪××₪
₪××₪ولو بغاني هو لقاني ولا انا ما انزله₪××₪
₪××₪لاله انزل ولا له لاوالف من اشكاله₪××₪
₪××₪ذا طريقي .. من عرفتك والطريق تدله₪××₪
₪××₪والطريق الي تدله لازماً تسعى له₪××₪
₪××₪خذ من الشاعر كلامه والا حبه خله₪××₪
₪××₪انا احبك؟ لا حبيبي لا ولا الله قاله₪××₪
«ღ©¨•وفارس ما دش عليهم الا يوم خلصت الريم من القاء القصيدة«ღ©¨•

يتبعــــــــــــ,,,,,,,,,,,,

[روح الوله]

فارس: اووووه ..ريمووه صح لسانج..والله تعرفين تكتبين شعر
ريم: ايه انا اكتب شعر ..بس هاي قصيدة الشيخ فزاع..
فارس: ايييه عدل انا قلت مستحيل تكتبين جذيه خخخخخخ..
ريم: لا والله ..عن التطنز عاد..ترى بخبر ماماتي ههههه
فارس:روحي خبري ماماتج ـههههههـ زين ما علينا اقولكم بنات..

البنات: هلا
فارس: عندي لكم سبرايز
البنات: الحين بتطلعنا صح
فارس: لا بس السالفة مب طلعه وبس
جوري: فروس يلا قول وخلصنا..
فارس: اليوم بنروووح........
البنات: وين؟؟
فارس:بنرووووح ..
البنات:عاد قول يالله..
فارس: بنروح شاليهات سيلين
ريم: قووول والله
فارس: والله..
جوري: زين متى؟
فارس: الساعه 5
امل: زين يعني مع منو؟
فارس: حجزنا .. لكم شاليه انتوا وابوي وامي وفجورة
فجر: انا بعد الله وناسه.. بسبح في البحر
فارس: واحنا .. حجزنا لنا شاليه صوب الشباب..
جوري: زين ما باقي شي .. الحين الساعه2 الظهر..
مها: زين فارس.. احنا متى بنطلع من اهنيه..
فارس: الساعه 4 العصر
جوري: زين كم سيارة؟؟
فارس:سيارتين.. انتوا وامي وابوي في سيارة.. وانا والشباب في سيارة
خالد: لحظه لحظه.. فرووس وانا ابي اروح بعد
فارس: لالا انت بتروح ويا ابوك الأمارات
خالد: قول والله
فارس: والله عيب عليك ريال طول عرض ما تصدقني
خالد: لالا خلاص مصدقك
فارس: خلود ليش ما جيت الميلس ويانا بدال ما انته قاعد ويا البنات
خالد: طالع هذا..انا اصلا كنت بايي بس ما خلوني يبوني اعلمهم الفوتوشوب
فارس: ايه زين..بس وينك
خالد:هاااااااااه
فارس:سوييت توقيعي ابي احطه من سنتين وانا اقولك وللحين ما خلصته
خالد:فرووس لا تبالغ عاد امس انت قايل لي..وتوقيعك خلصته
فارس: زين بعدين بدش الماسنجر وعطني اياه
خالد: اوووكي ..فالك طيب
فارس: تسلم...خشمك>>يبي يسلم عليه بالخشم
خالد: لالا يبه فارس انته مزكم ..وانا صراحه وراي سفر وما ابي امرض
فارس:ــههههههههههههههــ مالت عليك
البنات:ــههههههههههههــ

ريم: زين فرووس ما شاورنا اهلنا انا واملوه ومهوي..
فارس: لالا انتوا ما عليكم اهلكم موافقين
ريم: انزين الحين نروح البيت نجهز.. وبعدين بتمرون علينا؟؟
فارس: والله كيفكم روحوا جهزوا.. وبنمر عليكم بنوديكم..

. «ღ©¨•راحت جوري تتجهز.. والبنات راحوا بيوتهم يتجهزون. «ღ©¨•
«ღ©¨•وفي الميلس بعد ما شربوا العصير وراحوا صلوا العصر في المسيد ..وكل واحد راح على بيته الا الشباب«ღ©¨•
فارس: شباب يالله الحين كل واحد يروح بيته ويجهز البانشي .. وبيمر عليكم غلام بعد شوي وبيشلهم ..

فيصل:اوكي
مشاري: فصول ... تعال انا جيت مع ابوي بسيارته.. وصلني وياك
فيصل: زين يلا تعال..
«ღ©¨•وراحوا الشباب بيوتهم«ღ©¨•

«ღ©¨•في بيت بو حمد «ღ©¨•
فارس: جوووووري ..وينج انتي ردي جوووري
جوري:هااااااااااااه
فارس: انتي وينج
جوري: خلاص انا جهزت كل شي
فارس: زين يلا تعالي انا اترياج في السيارة تحت بنروح نشتري اكل واغراض حق الشاليهات..من كارفور ..
«ღ©¨•ونزلوا فارس وجوري تحت «ღ©¨•
ام حمد: خير انشاء الله وين رايحين؟
فارس: بنروح نشتري..اغراض للشاليهات
ام حمد: يزاك الله الف خير..ريحتني..انا كنت بروح بشتري
فارس:زين يمه انا وجوري بنروح بنشتري..وبعدين بنمر على مشاري وفيصل وبنوديهم ويانا..وانتوا مروا خذوا امل ومها وريم..لانه السيارة ما تشيل..
ام حمد: انشاء الله
فارس: يالله يمه تامرين على شي
ام حمد: ما يامر عليك عدو
فارس:يلا جوري بنروح
ام حمد: فارس ما وصيك لا تسرع يبه
فارس: لا توصين حريص.. بس بسوق 200 ـهههههههههههههـ
ام حمد: فارس يبه عن السرعه وتحمل باختك..
فارس: من عنوووووووني يا ام حموود
ام حمد: تسلم عيونك..فحفظ الرحمن
«ღ©¨•وراحوا فارس وجوري وركبوا في السيارة وفي الطريق«ღ©¨•

فارس: اشرايج امر على مشاري وفصول الحين وناخذهم ويانا ونروح علشان ما نضيع الوقت؟..
جوري:والله كيفك انا مالي شغل..
«ღ©¨•ودق فارس على مشاري وفيصل.. وقال لهم يطلعون له علشانه بيمر عليهم..لانه بيوتهم جنب بعض..ومر عليهم .. وركبوا السيارة.. «ღ©¨•
فيصل: فرووووس شغل لنا اغنيه ياخي صاير مطوع اليوم
مشاري: لا عاد ما بغيت الا فروس يتطوع ـههههههههههـ
فارس: لا والله مشيري طايح من عينك يالدب
مشاري:ـهههههههههههـ
فارس: زين اشتبون تسمعون ؟؟
جوري: حط لنا طير الحمامي...
مشاري: ايه حط طير الحمامي..

«ღ©¨•وشغل فارس الأغنيه«ღ©¨•

₪××₪طير الحمامي ..هيج غرامي..هايم هيامي..والشوق غلاب..هزعت فني .. يا طير مني ولا كان ظني تطريلي احباب..ادعج خدلج..ومبدبلج ادلج..واغنج وابلج..شمس على غياب..وخشم تورد..سيف مهند..وخد تورد..جوري وعناب.. ₪××₪



فيصل: فديت هالصوت.. امووت في ميحد حمد..

«ღ©¨•ووصلوا عند مواقف الستي«ღ©¨•
فارس: يلا شباب انطلقوا.. يلا طابور واحد واحد
فيصل: شدعووووة .. رحلة مدرسة
فارس: لالا طابور عمال ـههههههههههههههههههـ
الجميع:ـههههههههههههههههههههههههههـ
«ღ©¨•ودشوا الستي...وركبوا في الدرج المتحرك ......ووصلوا عند كارفور«ღ©¨•

فارس: شباب يالله بسرعه .. انتوا روحوا اشتروا العصاير والفواكه..
وانا وجوري بنشتري الشوكليت والشبس.. بسررررعه الله يخليكم..
جوري: فارس ما جبنا المسجل
مشاري: ريم اختي بتجيب
«ღ©¨•وفيصل ومشاري قاعدين يشترون .. مرت صوبهم بنت من اول ما دشوا الكارفور وهي قاطه عينها عندهم..وهم طبعاًً كاشخين بالبنطلونات والتيشرتات..والنظارات«ღ©¨•

فيصل:مشاري شوف هاذي مع هالصبغ الي حاطته.. ما خلت لون ما حطته..
مشاري: ـــهههههههههــ جنها ذبانه مع هالنظارات الي حاطتهم

فيصل: هي من اول ما دشينا وهي قاطه عينها عندنا جنها تبينا نرقمها..ــهههههــ
مشاري: لا عاد تكفى هي شافت وجهها بالمنظرة.. العيوز المتشببه ــهههههههههههههههههههههههههــ
فيصل: لحظة شوي.. شوف شبسوي..
مشاري: فصول والله ما عندنا وقت احنا مستعجلين تعال
فيصل: شوف شبسوي
«ღ©¨•وراح فيصل ورا البنت وقال لها«ღ©¨•
فيصل: 9
«ღ©¨•والبنت مستانسه انه بيعطيها رقمه..تحسبه بيعطيها رقمه الدولي «ღ©¨•
فيصل:999 اذا احترق بيتكم اتصلوا..
البنت: حلوه منكـ ..بس لا تعيدها مرة ثانيه ..يالسخيف
فيصل: لا انا ما برد عليج .. كفاية انج صرتي نكتة الموسم..وثانياً لانج كبر يدتي ـهههههههههههههههههههههههههههههههههههههههههههه ـ
«ღ©¨•ومشاري ميت من الضحك«ღ©¨•
مشاري: فصول الله يكرهك ـهههههههههههههههههههـ
فيصل: والله اتمنى لو كان فروس ويانا ..جان اشبيسوي فيها ..بيخلي الناس كلهم يضحكون عليها.....ـههههههههههههههههههههـ
«ღ©¨•ورن موبايل مشاري«ღ©¨•
مشاري: هذا فارس..هلا فروس ..
فارس: يلا تعالوا عند الكاشير بنحاسب وبنطلع..
مشاري: اوكي
«ღ©¨•وراحوا عند الكاشير«ღ©¨•
«ღ©¨•وهم يحاسبون اغراضهم......وطلع احسابهم 500 ريال«ღ©¨•
فارس: انا ما عندي غير300 شباب عندكم 200 ريال والله سلف باردها لكم ..في السيارة..
جوري: انا عندي
«ღ©¨•ودفعوا الحساب«ღ©¨•
فارس: فصول مشاري تعالوا شلوا الاغراض وياي
فيصل: اوكي.. عطنا الاكياس
جوري: فروس .. ابي اروح المحل مال تسجيلات الاغاني .. ابي اشتري
فارس: لالا ما يحتاي.. انا عندي كاسيتات وايد بعطيج اياهم
جوري: خلاص اوكي..
«ღ©¨•ووصلوا عند المواقف وركبوا السيارة«ღ©¨•
«ღ©¨•وموبايل فارس يرن«ღ©¨•
فارس: الو .. هلا احمد
احمد: هلا فيك شخبارك فروس؟
فارس: تمام
احمد : انتوا اليوم بتطلعون الشاليهات؟
فارس :ايه .. الحين احنا رايحين في الطريج..اذا بتجينا حياك بعطيك رقم الشاليه وتعال..
احمد: لالا انا ما اقدر اجيكم في الشاليه..قدمت على اجازة يومين والمدير ما وافق عليها..
فارس: زين انته متى اجازتك؟
احمد: الاسبوع الجاي .. وبطلع ويا الشباب القنص..

يتبعــــــــــــــ,,,,,,,,,,,,,,,,

[روح الوله]

فارس: وين بتقنصون؟
احمد: يقولون بيروحون الجميليه
فارس: زين تامر على شي اخوي
احمد: ما يامر عليك عدو.. اقول فروس شسالفتك انت هاليومين صاير ذرب..ــهههههههههههههههههههههــ
فارس: لا والله يا اخوي بس معاشك قرب وقته..ـههههههههههههههههـ
احمد: ـههههههههههههههههههههههههـ.الله يقطع سوالفك..زين يا اخوي طريق السلامه وخفف السرعه فرووس..
فارس: زيين مع السلامه
احمد: فحفظ الرحمن
«ღ©¨•وهم في الطريق صوب الوكرة«ღ©¨•
فارس: اووووووف بيخلص البترول
مشاري: مالت عليك اقوول ليش ما صبيت بترول قبل
فيصل: زين لف عليمين فيه شيشة بترول
جوري: اوف واحنا متى بنوصل اوووف
فارس:انطمي انتي لعطيج بكس على ويهج
مشاري: ايه البنات جذيه حنانات ..
فيصل: بل بل البنت شقالت..كليتوها بقشورها ـهههههههههههههـ
جوري:لوعتوا جبدي مساعه وانا انطر للحين ما وصلنا مسيعيد عيل متى بنوصل سيلين..
فارس: ياربي هالبنت اشكثر حنانه..سكتي عني احسن لج ..لانزلج في الشارع
مشاري + فيصل:ـههههههههههههههههههههههههههههههههههههههه ـ
مشاري:أيـــــــــــــــــــــــــــهـ ..عادي عندك انت مسويها قبل فيـ....
جوري:في منو
فارس: ـههههههههههههههــ لالا يحب يتغشمر..
جوري: اييه بعد حسبت انكـ بعد..عندك
فارس: عندي شنو؟
جوري: لا لا مب قصدي
«ღ©¨•ووصلوا شيشة البترول «ღ©¨•
«ღ©¨•فارس كان يصب بتــــــرول..وعقب نزلوا هو وجوري يشترون مجلات من السوبرماركت الي في الشيشه..وطبعا مشاري وفيصل كانوا في السيارة ..ومرت عليهم سيارة فيها 3 بنات«ღ©¨•
فيصل : مشاري مشاري .. شووووف شووف
مشاري:هااااااااااااه اشفيك
فيصل: شووووف الي جنبنا
التفت مشاري: ووووووووووول شوف هاذي شحلاتها ..بنزل بظبطها وبرجع اوكي
فيصل: اشتنزل مب صاحي...... شووووفها هاذي قاعده تضحك لي
مشاري: اقولك خل ننزل لهم ما سمعت الكلام
فيصل: زين منو بينزل الحين انا ولا انت؟؟
مشاري: لالا خلني انزل انا
: «ღ©¨•:نزل لهم مشاري..وراح صوب السيارة«ღ©¨•
«ღ©¨•وفيصل كان يأشر له من بعيد.. ويقوله عطها الرقم وتعال بسرعه«ღ©¨•
مشاري: اوووف بعد هاي وين اكلمها الحين ومليون سيارة في الشيشه
«ღ©¨•وطلع مشاري ورقة..وكتب فيها رقمه ..وراح صوب السيارة وطبعاً كانت دريشة السيارة مفتوحه.. وحذف عليها الرقم ورجع بسرعه..وركب السيارة.. «ღ©¨•
فيصل:ـههههههههههههههههههههههـ مالت عليك ليش ما كلمتها مال اول هاي تحذف عليها الرقم فورقه..ـههههههههههههههههههههههههههـ..
مشاري: احمد ربك اني نزلت من السيارة
فيصل: زين عطتها رقم منو؟
مشاري: رقمك
فيصل: انته جذيه تعجبني ..تعجبني..ـههههههههههههـ
مشاري:ـههههههههههههههههههههههههههههههههههههـ
مشاري: فصوول موبايلك يرن شله
فيصل:اووف هاي رقم غريب..ليكون هالبنت داقه علي ..ـههههههههههههـ
مشاري: ـهههههههههههههههههههههههـ ما صدقت
فيصل:بسكر في وييها
: «ღ©¨•:ووصلوا فارس وجوري السيارة وركبوا«ღ©¨•
فيصل: فروس سنه لين ترد السيارة مالت عليك
فارس:انجب انته..ماتشوف السياير اشلون
«ღ©¨•ويرن جوال فيصل مره ثانيه«ღ©¨•
فيصل بصوت خفيف:افففف مشاري اتصلت مره ثانيه
مشاري:رد عليها وقول لها انها مغلطه في الرقم
فيصل:معا ويهك وهقتني
مشاري :يلا رد
«ღ©¨•ورد على التلفون«ღ©¨•
فيصل:الوو
......:هااااااااااااااااااااااااااي
فيصل (وهو يطالع مشاري):من معاي
.....:ماعرفتني ياحلو
فيصل:ماحصل لي الشرف ياحلوه
...:انا رانيا
فيصل:وش تامرين عليه؟
فارس وهو ملتفت على مشاري:منو هذي؟
مشاري وهو يأشر على جوري من وراها ويقول حق فارس يسكت:وحده مغلطه..
فارس كان يعرف انها وحده من ربع فيصل وقعد يضحك:ـههههههههههههههههههههـ
: «ღ©¨•وقام فارس وطول على الأغنيه.. علشان فيصل ياخذ راحته ..في الكلام«ღ©¨•

₪××₪سويتلي مشاكل سويتلي بلاوي₪××₪
₪××₪تشرب معاي وتاكل₪××₪
₪××₪ولحب غيري ناوي₪××₪
₪××₪قلبك قصه عجيبه₪××₪
₪××₪مال حب وحبيبه₪××₪
₪××₪تحب وتعشق عادي₪××₪
₪××₪انته وقلبك مصيبه₪××₪
₪××₪سويتلي مشاكل وسويتلي بلاوي₪××₪
₪××₪تشرب معاي وتاكل₪××₪
₪××₪ولحب غيري₪××₪
₪××₪ناوي₪××₪

«ღ©¨وبعد ما وصلوا سيلين ودخلوا المنتجع«ღ©¨

جوري: واخيرا ..وصلنا
الشباب: واخيرا بنفتك من حنتج
جوري:ــههههههههههــ
فارس: زين يلا نزلوا الفندق بناخذ المفاتيح وبنروح الشاليهات
«ღ©¨ونزلوا الجميع ..ودخلوا فندق منتجعات سيلين«ღ©¨
فيصل: فرووس روح جيب مفاتيح الشاليه من عند الرسبشن ..واحنا بنروح الكافيه بنشرب عصير وتعال لنا هناك..
فارس: زين
«ღ©¨ وراحوا الكافيه..وكانت مفاجأة حلوة حق جوري انها لقت وحدة من ربعها«ღ©¨
جوري: فصول..انا بروح اسلم على رفيجتي وبرد زين
فيصل: زين بسرعه لاتأخرين احنا مب متاخرين اهنيه
«ღ©¨وراحت جوري تسلم على رفيجتها الجازي«ღ©¨
جوري:هلاااا جزوي ليش ما تقولين لي انكم بتيون اهنيه
الجازي: والله العظيم يا جوري ابوي مسويها لنا مفاجأة
جوري: ـهههـ اليوم يوم المفاجأت ..حتى احنا بعد..كم رقم شاليهكم
الجازي: لا احنا حجزنا في الفندق ما في حجز في الشاليهات
«ღ©¨وفارس كان يأشر على جوري يقول لها تعالي«ღ©¨
جوري: زين جزووي اخوي يناديني احنا بنطلع بنروح الشاليه..اذا تبين اتيين عندنا دقي علي زين
الجازي:زين ..يلا روحي..اخوج يناديج..تشاااوو
جوري:تشااااووو
«ღ©¨وبعد ما طلعوا من الفندق..دق فارس على ابوه ..علشان يودون جوري لهم«ღ©¨
فارس: يبه كم رقم شاليهكم باييب لكم جوري..والاغراض الي شريناها
بوحمد: تعال ..شاليه رقم 15
«ღ©¨وراحوا عند شاليه رقم 15..ونزلوا الاغراض..ونزلت جوري..ودشت الشاليه«ღ©¨
جوري: يبه يبه ووووووين البنات؟؟
بوحمد:ـــههههههــ يالمطيورة قولي اول شي السلام عليكم
جوري: ـــههههههههههههـ السلام عليكم
بوحمد×ام حمد: وعليكم السلام
ام حمد: جوري البنات في الغرفه داخل
جوري:اييه الحمد لله احسبهم راحوا عني يتمشون بعد يا ويلهم مني

«ღ©¨ودشت جوري على البنات في الغرفة«ღ©¨
جوري:هااااااااااااااااااااااااااااااااااااااا ااااا ااااااااي يا حلوين
البنات:هااااااياااااااات
جوري:انتوا من صجكم قاعدين للحين ..قوموا نطلع نتمشى برا بسرعه
البنات:يلا

«ღ©¨ولبسوا البنات عبيهن وطلعوا برا يتمشون«ღ©¨

«ღ©¨الجو كان روعه..كانت الشاليهات جنب بعض ..والبحر كان شوي بعيد عن الشاليهات..وكان الي بين البحر والشاليهات رمل كثيف..والناس يتمشون ..ويسبحون في البحر..ويلعبون في البانشي(الدراجات)..وكان بين شاليهات العائلات والشباب بركة سباحه ..خاصة للعائلات.. وايضاً في بركة خاصة للشباب.. «ღ©¨

«ღ©¨وفي شاليه الشباب«ღ©¨
فارس:فصول ومشااااااااااري بلا بسرعه تجهزوا بنروح عند الطعوس(الكثبان الرمليه-العراقيب)
مشاري: زين ياخي اذيتنا مع صراخك
فارس:فصووووووووووووول وينك
فيصل : ياي كاني قاعد البس التيشرت
«ღ©¨دق فارس على بوحمد علشان يطلع وياهم عند الطعوس«ღ©¨

يتبعــــــــــــ,,,,,,,,,,,

[روح الوله]

فارس:هلااااااااا بوحمود
بوحمد:هلاوالله عاش من سمع هالصوت
فارس:عاشت ايامك..يبه تخاوينا بنطلع عند الطعوس تبي نمر عليك
بوحمد:زين يالله انا الحين بمر عليكم بسيارتي الكروزر احسن حق الرمل
فارس:خلاص الي تشوفه
«ღ©¨وراحوا الشباب عند الطعوس..وكان فارس قبل ما يروحون ..مكلم غلام عشان يودي لهم البانشيات..عند الطعوس«ღ©
«ღ©¨وعند البنات«ღ©¨


«ღ©¨جات سيارة سوده ووقفت مب يمهم بالظبط كان شوي جدامهم يعني بعيد شوي..وكان قاعد يطالعهم من بعيد..والي استغربوا منه ان المكان كان بس للعايلات..وممنوع تدش السيارات بهذا المكان لانه على شاطئ البحر.. «ღ©¨
امل:شوفوا هاي اشيبي واقف اهنيه؟
جوري: واحنا شعلينا منه خلوه يولي لاحد يطالعه لين يذلف..

«ღ©¨ والبنات طنشوه وراحوا يكملوا مشيهم«ღ©¨
وعاد راعي السيارة السوده يوم شافهم مطنشين..قال لازم يلفت النظر..وفتح درايش السياره..وطول عالمسجل ..
₪××₪ وناوي لك على نيه₪××₪
₪××₪بس انته اصبر اشويه₪××₪
₪××₪اذا ما اعلقك فيني₪××₪
₪××₪وهواك يصير في ايديه₪××₪

ريم: بنات سمعوا سمعوا ..وناوي لك على نيه..ــهههههههههــ
جوري:ـههههههههـ..بنات لاحد يلتفت له خلوه يولي طنش تعش تنتعش
البنات:ـههههههههههههههههههههههههههههههههههههه ـ


«ღ©¨طبعا هو ما سكت..نزل من السيارة وراح وراهم «ღ©¨

راعي السيارة: هلا والله..هلا بالشيوخ..
جوري: بسم الله ..منو هاي الي يتكلم
«ღ©¨التفتت جوري ..ولقت راعي السيارة وراها.............وصدت عنه بسرعه.. «ღ©¨
جوري: بنات بسرعه بسرعه بنروح الشاليه..انا مالي خلق مشاكل..

«ღ©¨بعد صلاة المغرب..في سيلين ..الجميع صلوا صلاة المغرب..وطلعوا مرة ثانيه خارج الشاليه..وقعدوا على الكراسي مع ام حمد..وفجأة دشوا عليهم اطفال من الشاليه الي جنبهم«ღ©¨
ام حمد:يحليلهم ..اشعندهم يايين
فجر:الله وناسه..ابي العب وياهم
«ღ©¨ وقــربوا الاطفال منهم وتكلمت وحدة منهم اسمها نور«ღ©¨
نور:السلام عليكم
ام حمد:فديتها والله مؤدبه..وعليكم السلام
نور:عادي نقعد وياكم
ام حمد:أيه عادي ..حبيبتي قعدوا معانا
«ღ©¨وراحت نور شاليهم. «ღ©¨
ريم:ــهههــ وين راحت
ام حمد: اشدراني
«ღ©¨ودشوا عليهم..حريم من الشاليه الي جنبهم..(اهل نور) «ღ©¨
«ღ©¨دشوا عليهم 3نسوان كبار..وبنتين..تقريبا في عمر البنات..ابطال قصتنا«ღ©¨

........: السلام عليكم
الجميع:وعليكم السلام
ام حمد: تفضلوا..تفضلوا ..اقعدوا..بنات روحوا جيبوا كراسي زيادة من الشاليه
«ღ©¨ودشوا البنات الشاليه..علشان يجيبون لهم كراسي«ღ©¨
ام حمد:حي الله من يانا
.....: الله يحييج ويبجيج..اشحالج ختيه
ام حمد:يسرج الحال..اشحالكم انتوا
......: بخير دامج بخير..
ام حمد:منو الغاليه..ما عرفتج والله
.....: انا ام هزاع..وهاي حرمة ولديه هزاع (حصه) وهاي ختيه نورة..والبنات اليازيه..والعنود
ام حمد: والنعم ..والسبعة انعام
ام هزاع:الله ينعم بحالج غناتي
«ღ©¨وطلعوا البنات من الشاليه..وقعدوا«ღ©¨
ام حمد:وانا ام حمد..وهاي بنتي جوري والي جنبها بنات عمها الريم وامل ومها..وهاي بنتي فجر..
ام هزاع:هيه ما شاء الله عليهن..الله يخليهن لكم
ام حمد:امين..ام هزاع انتوا من قطر؟
ام هزاع:لا والله نحن مب من قطر..نحن من الامارات بس ريلي وولدي عندهم اشغال والسنه اليايه بنرد الامارات..
ام حمد:وانتوا من كم سنه في قطر؟
ام هزاع:والله من 4 سنين
ام حمد: ما شاء الله..وما عندكم اهل في قطر؟
ام هزاع:هيه عندنا ..بنت عمتيه متزوجه قطري
ام حمد:ماشاء الله..وانتي يا حصة اشحالج؟
حصة:الحمد الله يسرج الحال غناتي..
ام حمد:جوري يمه ..اخذي البنات اليازيه والعنود وروحوا تمشوا..
جوري:يلا بنات قوموا..يلا اليازيه والعنود حياااكم
«ღ©¨وراحوا البنات كلهم يتمشون«ღ©¨
جوري:هلا والله باليازيه والعنود
اليازيه:هلابج
ريم:اليازيه كم عمرج؟
اليازيه:عمري 19
امل:يعني كبري صح..انا بعد 19
العنود:وانتوا بعد كم اعماركن؟
جوري:انا 18
مها:انا عمري 17
ريم:انا عمري 18
العنود:وانا عمري 17
اليازيه:الاعمار كلها ياربي
جوري:ربي يخليج
امل:زين اليازيه انتوا وين ساكنين في الدوحه
اليازيه:عندنا فله
جوري:ماشاء الله
اليازيه:زين شو رايكم نسير شاليهنا
ريم:لالا يمكن اهلكم اهناك
اليازيه:عنود..اخواني هناك؟
العنود:لالا مب هناك..ساروا صوب العراقيب
اليازيه:عيل بنات يلا نسير شاليهنا
«ღ©¨ورحوا البنات..شاليه بو هزاع«ღ©¨
اليازيه:تعالوا شو بلاكم خايفات شو باكلكم انا ـــههههــ
جوري:لالا شدعوه ـــــههههههـــ بس مستحيات شوي
العنود:يزوي وين عقيتي الريموت نبا نشوف التلفزيون
اليازيه:وانا شو دراني..شوفي اخوج وين عقه
العنود:خلاص..لقيته
جوري:عنود..حطي نجوم
العنود:انزين
امل:الله اغنية ارجووك اشكثر احبها هلاغنيه
اليازيه:هيه والله حتى انا احبها

₪××₪ ارجوك يكفي غياب ورد لي حالا₪××₪
₪××₪تعبان ومحتاجلك متى تردلي₪××₪
₪××₪لا تقول ما ادري..ولا يمكن ولا لاكن₪××₪
₪××₪الحين ترجع لي يعني الحين ترجع لي₪××₪

اليازيه:السموووحه يا بنات نسيت افاولكن..شو تبون عصير
جوري:كل شي منج حلو
اليازيه:تسلمين حياتي
امل:اليازيه..لو سمحتي ابي اروح الحمام
اليازيه:شو بعد تشاوريني ..خذي راحتج البيت بيتج..قصدي الشاليه شاليهج ــهههههـ
امل:ـــههههــ تسلمين حياتي
«ღ©¨ وراحت امل الحمام..والبنات ما يدرون ان اخوهم عبدالله موجود في الشاليه«ღ©¨

عبدالله كان توه يالس من النوم: اوووه شو السالفه ..الشاليه هدوء..الظاهر محد في الشاليه

«ღ©¨ بدل عبدالله ثيابه..وراح صوب الحمام ..وفي هاللحظه طلعت امل من الحمام..واول ما شافت عبدالله..تخرعت وردت مرة ثانيه دشت الحمام من الخرعه«ღ©¨
عبدالله:منوووه هاي البنت ومن وين يايه..بس والله انها غاويه..اااه يا قلبي
)˚ஐ˚◦ღعبدالله): عمرة 23 سنه طويل،حنطاوي،ملامحه حلووه،شعرة طويل ، يدرس في جامعة شمال الاطلنطي في قطر..وهو بيتخرج..بعد كم اسبوع ˚ஐ˚◦

«ღ©¨ امل كانت في الحمام ..وما عرفت شتسوي..فتحت الباب ..وراحت عند البنات وهي تركض«ღ©¨

عبدالله:ـــهههههههـ شو بلاها تركض جي شو باكلها انا ..بس منو هاي وكيف تدش الشاليه؟؟

«ღ©¨ وعند البنات«ღ©¨
اليازيه: بسم الله شو بلاج امل شو بلاج تراكضين ـــههههــ
امل:انتي ليش ما قلتي لي انه اخوج اهنيه

يتبعــــــــــــ,,,,,,,,,,,,

[روح الوله]

العنود:ــهههــ ياربي انا كيف نسيت ما خبرتكن
امل:غربل الله ببليسج يا عنود..يا فضيحتي الحين
البنات ضحكوا على امل لانها كانت تضحك وهي تتكلم:ــههههههـ

«ღ©¨ودش عليهم عبدالله..وما انتبه حق البنات اللي قاعدين«ღ©¨

عبدالله:يزووووووي يالخبله..انتي يالسه اهنيه والناس يدشون ويطلعون مالت عليج
اليازيه:عبدالله أي ناس هاي بنت جيرانا الي عدالنا في الشاليه..وبعدين عيب عندنا ضيوف نحنا
نزل عبدالله راسه وطلع:السموحه منكن ما انتبهت
اليازيه:ـهههههـ اووونه
عبدالله:يزوي يزوي..تعالي اباج شويه

«ღ©¨وراحت اليازيه عند عبدالله«ღ©¨
عبدالله: يزووي..منو هالبنت الي
اليازيه:الي طلعت من الحمام
عبدالله:هيه
اليازيه:ليش؟
عبدالله:بتخبريني ولا اسير ارمسها انا؟
اليازيه: لالا اتفضل سير..
عبدالله: تتمصخرين عليه
اليازيه:ــهههـ لالا خلاص بخبرك..هاي اسمها امل
عبدالله يقول في باله:وبعد غاااويه واسمها امل..فديتج انا يا امل والله دشيتي قلبي
اليازيه:اييييييييييه عبوووود وين سرت
عبدالله :لالا ماشي انتي ما يخصج سيري لربيعاتج
اليازيه:ــهههـ اوكي اوكي..والي ماخذ عقلك يتهنا به
عبدالله بصوت خفيف:تهنا به وخلص
اليازيه:شووو ما سمعت شو قلت عبدالله
عبدالله:سيري قلت لج
اليازيه:ـهههــ زين لا تعصب
«ღ©¨دق عبدالله حق ابوه لانهم كانوا في الطعوس وهو يبي يروح لهم وما عنده سيارة«ღ©¨
عبدالله:مرحباا الغالي اشحالك ابويه؟
بو هزاع:هلا ابويه عبدالله يسرك الحال
عبدالله:ربي يسلمك..ابويه ابا اسير صوبكم عند العراقيب وما شي سيارة
بوهزاع:والله لو مخليك اتيي بسيارتك احسن ..الحين وين انييك
عبدالله:ابويه طالبنك..تعال والله ملان
بوهزاع:زين باييك الحينه
عبدالله :يطولي عمرك يالغالي..انا اترياك..فداعة الله
بوهزاع:فداعة الله
«ღ©¨وصكر بو هزاع التلفون«ღ©¨
بوهزاع:هزاع ابويه..انا بسير اييب اخوك عبدالله
هزاع:لاياابويه انا بسير اييبه انته ايلس ارتاح
بوهزاع:انا بسير ابا ابدل ملابسي بعد
هزاع:خلاص الي تباه ..بعد نحن ما نروم نرد لك طلب
بوهزاع:يالله..فوداعة الله تحمل على عمرك
هزاع:لاتوصي حريص ابويه..فوداعة الله الغالي

«ღ©¨وركب هزاع البانشي وراح فوق الطعوس«ღ©¨


بوحمد:شباب..شباب..شوفوا ذاك الريال انقلب من فوق البانشي انا بروح له
«ღ©¨وراح بوحمد حق الريال..والشباب كلهم وراة«ღ©¨
بوحمد:يا ولدي عسى ما صار لك شي
هزاع يرد عليه بتعب:لا يا طويل العمر بس احس بتعب
فيصل:اخوي حط يدك على كتفي بنزلك تحت
هزاع:والله ما ارووم اتحرك
بوحمد:ياشباب شلوا الريال وجيبوه تحت بسرعه
مشاري:انشاء الله
«ღ©¨ونزل بوحمد..بالبانشي مالت هزاع تحت ..والشباب شلوا هزاع وودوه تحت«ღ©¨
بوحمد:ياولدي شخبارك الحين
هزاع:الحينه احس اني بخير الحمد لله
فارس:ما عرفتنا بنفسك الشيخ
هزاع:وياك هزاع خليفة الكعبي
بوحمد:والنعم يا ولدي
هزاع:الله ينعم بحالك
بوحمد:فارس روح السيارة وييب حق هزاع ماي
فارس:انشاء الله
«ღ©¨وفي هالوقت وصلوا بو هزاع وعبدالله«ღ©¨
هزاع:ابوية وصل..انا بسير ازقرهم وبايي
بوحمد:لالاياهزاع انته ايلس ارتاح..فيصل روح وناد ابو هزاع يالله
فيصل:انشاء الله..
«ღ©¨وراح فيصل عند بو هزاع واخوه عبدالله وقال لهم عن السالفة كلها ويابهم عند بو حمد والشباب«ღ©¨
بو هزاع:السلام عليكم والرحمة
«ღ©¨وفز بو حمد من مكانه وسلم على بو هزاع وعبدالله وسلموا عليهم الشباب«ღ©¨
بوحمد:حي الله من يانا اتفضلواتفضلوحياكم الله
بو هزاع الله يحيك ويبجيك الغالي..مشكور وما قصرت والله
بوحمد:افااا عليك يا بو هزاع ..هزاع حسبة ولدي والناس لبعضها
بوهزاع:كثر الله من امثالك الغالي
بوحمد:لهجتك يا بو هزاع مب غريبة علي..انت اماراتي
بوهزاع:هيه ..انا اماراتي
بوحمد:والنعم والسبعة انعام
بوهزاع:الله ينعم بحالك
بوحمد:اكيد جايين ..زيارة صح الناس اجازة الحين
بوهزاع:لايابوحمد..انا عندي شركة في قطر ..وعندي مشاريع وانا من 4 اسنين في قطر
بوحمد:ماشاءالله عليك..وانته علطول بتم في قطر
بوهزاع:لاهاي اخر سنه لي ..هالسنة بخلص المشاريع وبرد الامارات
بوحمد:والشركة منو بيمسكها يا بو هزاع
بو هزاع:والله بيمسكها شريكي..وانا فتحت شركة في دبي وبسير اديرها
بوحمد:ربي يوفجك يا بو هزاع..والله عيالك ما شاء الله عليهم ريايل الله يخليهم لك
بوهزاع:امين..هذا ولدي هزاع الكبير..وهذا عبدالله وعندي بعد بنتين
عبدالله:اشحالكم يا شباب؟
الشباب:يسرك الحال
عبدالله:دووم مهب يوم
فارس:وياك الغالي
عبدالله:اقول شباب قوموا نركب في الدراجات تراني مالعبت..توني نشيت من الرقاد
هزاع:عاااد انته دووم نايم ما توعى..
الشباب:ـهههههههههـ
عبدالله:اسكت يا ريال طلعت فضايحناـههههـ
الجميع:ــههههههـ
عبدالله:قوموا بلاكم يالسين
الشباب:يلا
«ღ©¨وراحوا الشباب ويا عبدالله ..وكل واحد منهم يتحدى الثاني بحركات الدراجات«ღ©¨
بوحمد:شوفهم يا بو هزاع..والله احنا الي اكبر منهم ما نعرف
بوهزاع:خلاص نحن كبرنا..الحينه هالحركات لهم
هزاع:لاوالله ياابويه..بعدك شباب
بوحمد:عاد تصدق يا بوهزاع انا من شفتك حسبتك اخو هزاع ـهههههـ
بوهزاع:شووه اشوفك تتمصخر عليه ـــهههههههههـ
الجميع:ـهههههههههـ
«ღ©¨ووصل..غلام ..وياه عشى من البيتزا..وكان فارس طالب وايد اكل.. «ღ©¨
بوحمد:يا غلام جيب الاكل اهنيه
غلام:جين جين بابا
بوحمد:يابوهزاع انتوا اليوم عشاكم عندنا
بوهزاع:تسلم وما قصرت
بو حمد ينادي الشباب:يا شباب تعالوا تعالوا تعشوا
الشباب:انشاء الله
«ღ©¨وبعد العشاء«ღ©¨
بو هزاع:كثر الله خيرك يا بوحمد
بوحمد:واجب يا طويل العمر واجب
بوهزاع:زين عيل عطني رقم تلفونك يا بو حمد..لوما عليك امر
بوحمد:اتفضل *******
بوهزاع:يالله عيل انا اترخص الحين الساعه 11 بنسير الشاليه
بوحمد:ايييه والله وحنا بعد بنروح
«ღ©¨وركبوا الجميع سيايرهم وراحوا..منتجع سيلين«ღ©¨
«ღ©¨وفي الطريق..في سيارة بو حمد«ღ©¨
فارس:يبه ما شاء الله عليهم..هالناس طيبين وايد
فيصل:ايه والله عمي ..ولدهم عبدالله والله كني اعرفه من زمان
بوحمد:والله حتى بو هزاع..ارتحت له من اول ما شفته
«ღ©¨في سيارة بو هزاع«ღ©¨
هزاع:والله يا ابويه لولا هالريال الطيب جان انا تكسرت
بوهزاع:ماقصر..بوحمد..ريال طيب وما عليه كلام
عبدالله:يابويه هالشباب دشوا قلبي..ماشاء الله عليهم..تصدق من اول مارمستهم وانا مرتاح لهم..
هزاع:الطيبين للطيبين..وانا اخوك
عبدالله:تسلم تسلم بو زايد
هزاع:وينه زايد بعده ما يا ..اتريا شهرين بس
عبدالله:ونحن نتريا..يالله عاد متى بصير عم

«ღ©¨ووصلوا منتجع سيلين..وابو حمد وصل الشباب شاليهم..وراح صوب الشاليه ماله..وشاف بو هزاع ينزل هو وعياله من السيارة ..في الشاليه الي جنبهم«ღ©¨
بوحمد:بو هزاع..بو هزاع
بوهزاع:هلا بوحمد..انته في الشاليه الي عدالنا
بوحمد:اييه..سبحان الله شفت الصدف شتسوي
بو هزاع:زين الغالي..نشوفك على خير فداعة الله
بوحمد:فحفظ الرحمن الشيخ

«ღ©¨ ودشوا شاليهاتهم «ღ©¨

«ღ©¨في شاليه بو هزاع..الساعه الأن 1 ليلا«ღ©¨
«ღ©¨العنود ونورة..واليازية..رقدوا..من التعب لانهم واعيين الساعه 6 الصبح..عبدالله راح غرفته ....وحصة وهزاع..راحوا يرقدون..وكانوا في الصالة بو هزاع وام هزاع..وطبعا نور وراشد..(اخوانهم الصغار)كانوا راقدين من الساعه 10«ღ©¨
ام هزاعقالت حق بو هزاع عن جيرانهم الي عدالهم وكيف تعرفوا عليهم)
وبو هزاعقال حق ام هزاع عن بوحمد وكيف تعرف عليه) وكان مستانس واايد منه
«ღ©¨وراحوا يرقدون..وطبعا الوحيد الي كان واعي هو عبدالله«ღ©¨
«ღ©¨وفي غرفة عبدالله..كان عبدالله يفكر في امل الي شافها وخذت قلبه«ღ©¨
عبدالله:معقولة انا الحين احبها؟؟وشو بعد حب من اول نظرة..وتجمعني الصدفه باهلها واتعرف عليهم..يا سبحاان الله انا الي ما كنت افكر في شي اسمه حب اتيي وحدة وتخطف قلبي بالسرعة هاذي..وفي يوم واحد..اااه فديتج يا امل..بس ان شاء الله تحسين فيني..
«ღ©¨واخذ عبدالله ورقة وقلم..وقعد يكتب شعر«ღ©¨

ღهلا باللي سبى قلبي واخذني حسنه بقوّه سَلَبْ روحي واخذ صبري وأنفاسي من يْديّهღ
ღأحسّ انّه لعب بالقلب لعبة شاطر وْمَوّه يبعثرني.. ويجمعني رجا واحلام ورديّهღ
ღإذا نوّر ظلام الليل عرفت ان الفجر ضوّه تبسّمْ من جبينه مبسم الصبح وضحك ضيّهღ
ღواذا سلهم برمشه طرت من جَوّي إلى جوّه ورحّب به خفوقي غصب عنّي قال يا حَيّهღ
ღأثاريني بحسنه طحت وانا اظن الهوى توّه فكيف ان الهوى توّه وانا غرقان في طيّه ღ
ღتعلّقته وصار اليوم نوّ القلب من نوّه مع انّي قبل هذا اليوم كانت نيّتي نيّه ღ
ღقبل يطري الحسن حسنه لفظ قبل اسمه سْموّه تسامت به سنا الحسن وسرت له سحب وسميه.. ღ
ღتقول ارفق بمن حَبّك وعقب اللي تبي سَوّه ترى ميْتك إذا شافك ترد الروح به حَيّهღ
ღحبيبي خاطري عن ما بدا له عبّر وْنوّه ومن شرواك يفطن وانت شمس الخاطر وْفَيّهღ
ღإذا كان الحيا يمنعك.. ما تمنعك لِمْروّه واذا خايف من الحِسّاد قِلْ لي.. طاحت الحِيّهღ

«ღ©¨في شالية بوحمد..الكل راقد الا البنات..قاعدين ما رقدوا..الساعه الان 1 والنصف ليلا«ღ©¨

جوري:املوووووووه..املووه..سرحااانه..
امل:هاااه لالا
جوري:لالا..علي انا هالكلام
امل وهي تبتسم:سلامتج ما فيني شي
ريم:اقول قوموا نطلع نقعد على الكراسي
البنات:يلا
«ღ©¨ومرت صوبهم سيارة كروزر فيها اربع شباب..وواحد منهم كان طالع من فتحة السيارة الي فوق..وكانوا قاعدين يترقصون..ويطالعون البنات .. وحاطين اغنية يازعلان.. «ღ©¨

₪××₪الله الله يازعلان₪××₪
₪××₪خف علينا شوبه₪××₪
₪××₪حتى انا منك زعلان₪××₪
₪××₪بس انا اسأل شويه₪××₪
₪××₪انته ساكن في عيني₪××₪
₪××₪وانته بهجة سنيني₪××₪
₪××₪شلي بينك وبيني₪××₪
₪××₪خلني افهم شويه₪××₪
₪××₪روق وارحم بحالي₪××₪
₪××₪دمعي غزر وسالي₪××₪
₪××₪الجفا منك طالي₪××₪
₪××₪وانا شلي بيديه₪××₪
₪××₪الله الله يا زعلان₪××₪
₪××₪خف علينا شويه₪××₪
₪××₪حتى انا منك زعلان ..بس انا اسأل شويه₪××₪
«ღ©¨البنات كانوا لابسين بنطلونات وتيشرتات..ولابسين شيلهم«ღ©¨

يتبعــــــــــــــــــ.,,,,,,,,,,,,,,,

[روح الوله]

...........: فديت الي لابس الوردي فديته احلاهم..
جوري:هالحيوان يقصدني..صج ما يستحي على ويهه
ريم:قوموا بسرعه ليردون مرة ثانيه
امل:تدرون..هاي الحين بيروح لين اخر شاليه وبيرد مرة ثانيه وبتشوفون
مها:زين قوموا نروح داخل..الصراحه انا ميته خوف
امل:عااد انتي يالخوافه ..تخافين من ظلج ــهههــ
البنات:ـههههههــ
امل:قوموا زين ..خلي نروح داخل..الحين لو ينزلون لنا ما حد درى عنا
جوري:قوموا زين
البنات:يلا
«ღ©¨وراحوا البنات..داخل الشاليه..وبيكملون سهرتهم«ღ©¨
امل:مهووي..
مها:هاااااه..اشفيج اتصارخين
امل:ـههههههـ لا بس اجرب صوتي
امل:بنات تبون..عصير ..شوكليت..تبون أي شي
جوري:انا ابي عصير منجا..وتوكس
مها:انا ابي بيبسي..ووو..بس
الريم:انا اقول الي يطلع منج حلو
امل: يعني ما اجيب لج شي ـههههـ
الريم:ـهههـ لالا جيبيلي
«ღ©¨راحت..امل المطبخ ..وكانت الدريشة..مالت المطبخ ..مفتوحه..راحت امل بتصكرها..وشافت عبدالله يتمشى برا«ღ©¨
امل:هذا..عبدالله ولد بو هزاع..الله يهداه حد يتمشى الساعه2 بالليل..بس شكله يفكر في شي..اوووه اشفيني انا افكر فيه..صج ما عندي سالفة..
«ღ©¨جوري كانت ورا امل وتضحك بصوت خفيف«ღ©¨
جوري:هاااااه صدتج..صدتج..وانا اقول مساعه شتفكرين فيه..ـههههـ
امل:بسم الله انتي متى جيتي..اهنيه..وبعدين شفكر فيه يعني
جوري:لالا سلامة (قلبج) ..حطي عليها قوسين
امل:زين انجبي احسن لج
جوري:لالا ..لا تعصبين..خلاص بانجب ــهههــ
امل:ــهههههههـ
جوري:زين يلا بسرعة خلينا نودي العصير والشوكليت
امل:يلا خلاص انتي شلي الشوكليت وانا بشل العصير
جوري:اوكي
«ღ©¨وراحوا الصالة«ღ©¨
ريم: ساعتين لين تجون افففف
امل:زين اكلي وانتي ساكتة ..احمدي ربج اني تعنيت وراحت اجيب لج شي تاكلينه
مها:طالع هاذي..من بعد المطبخ كلها خطوتين
جوري:زين ممكن تكرمونا بسكوتكم وتخلونا نطالع التلفزيون
امل:انزين ..حبايبي ..قوموا نصلي ركعتين ..على الاقل قيام ليل..ترى ما باقي شي على الاذان
البنات:يلا
«ღ©¨وراحوا البنات..يصلون وبعدها صلوا صلاة الفجر وناموا الا جوري وامل..صلوا وردوا الصالة«ღ©¨
امل:شوفي بعد شوي بتشرق الشمس..فخاطري اشوفها..امشي نطلع..
جوري:يلا واحنا ..وش ورانا..
«ღ©¨وكان عبدالله يتمشى برا على البحر..لانه ما ياه ارقاد«ღ©¨
امل:الله ..الجو روعه الصراحه
جوري:أي والله..جوو روعه
«ღ©¨امل قعدت تغني«ღ©¨

₪××₪ شكلك تبي تبدى معاي الخيانه₪××₪
₪××₪ لاياحبيبي هونك شوي هونك ₪××₪
₪××₪ انا اللي بنهي الحين قصة هوانا ₪××₪
₪××₪ وانا اللي ببدى بالخيانه واخونك ₪××₪

«ღ©¨وسمع صوتها ..عبدالله لانه كان وراهم يتمشى..والتفت عليها..وطبعاً امل يوم شافته اسكتت مرة وحدة..وهي مستحيه«ღ©¨

جوري:ـههههههههههـ ..
امل: سكتي انتي فضحتينا..سكتي خلاص
جوري:سبحان الله..شفتي الصدفه..ـههههـ

«ღ©¨وشدت امل جوري من يدها..وودتها الشاليه..وعبدالله كان يضحك على موقفها «ღ©¨

عبدالله:ـههههـ ياربي فديت هالحس..سبحان الله للمرة الثانيه الاقيها جدامي وبموقف ثاني..ويضحك..يااارب كثر الصدف..

«ღ©¨راح عبدالله الشاليه..علشان ينام .. وهو مستانس لان شوفة امل تسوى الدنيا ومافيها«ღ©¨

«ღ©¨كانت عنود راقدة في الصالة..ونشت..وكانت كشتها لا تطاق.. «ღ©¨

عبدالله:بسم الله ..اسف الشيخه..الظاهر انا مغلط في العنوان
العنود:تعاااااااال زين تعاااااااال شو بلاك..تتمصخر عليه من الصبح
عبدالله:هيه باتمصخر عليج..شفتي شكلج..الحمد لله انه الانجليز اخترعوا استشوارـههههههـ
العنود:خلااااص ..انا زعلت بخبر ماماتي عليك
عبدالله:وزعل ابويه عليه..بعدين يعني امايه شو بتقولي..ـــــــهههههـ
العنود:وانته..شو ميلسنك لحد الحينه ما خليت مكان ما سرت له..
عبدالله:وانتي شو ميلسنج من الصبح..لعنبوه حد يقعد الساعه 5 ..شو عيوز
العنود:شوووه يالسه على قلبك انه
عبدالله:يلا سيري سويلي اكل والا اقولج بسير ارقد .. وانتي لا تسيرين مكان والا اقول سيري رقدي
العنود:شوو توني نشيت وين ارجع ارقد
عبدالله:خلاص برايج بس لاتسيرين مكان
العنود:اوكي

«ღ©¨في شاليه الشباب مشاري وفارس راقدين وفيصل توه طالع من الحمام .. راقدين في الصاله فوق بعض والشاليه مقلب .. «ღ©¨

فيصل ( وهو يطالعهم ):افففف الحين شيقعدهم .. فارس .. مشاري ..

«ღ©¨محد رد عليه «ღ©¨

فيصل:افففف خل اصلي وبعدين بشوفهم

«ღ©¨الساعه 7 ونص في شاليه البنات ... البنات راقدين وام حمد وبوحمد وفجر قاعدين يتريقون ... «ღ©¨

بوحمد:ام حمد عطيني الجبن
ام حمد:اتفضل .. فجر يمه قعدي مكانج واكلي ولاتوصخين
فجر:ان شاء الله

«ღ©¨ والا ريم ومها داخلين الصاله عليهم «ღ©¨

ريم + مها:السلام عليكم
الكل:عليكم السلام
ام حمد:هلا بناتي تعالوا قعدوا تريقوا معانا
بوحمد:اقول ريم ماقعدوا جوري وامل؟
ريم:لاوالله امس مادري متى راقدين بس تأخروو

«ღ©¨في شاليه بوهزاع .. العنود واليازيه وابوهزاع وام هزاع وهزاع قاعدين والباقي راقدين «ღ©¨

بوهزاع:هزاع اخوك للحين مانش ؟
هزاع:لاوالله ابويه مادري منى راقد البارحه
ام هزاع:اكيد سهران
العنود:امايه انا نشيت الساعه 5 هو كان توه داخل الشاليه وسار يرقد
هزاع:بووه لاتتريونه يقعد

«ღ©¨والا داخل عليهم عبدالله «ღ©¨
عبدالله:صباح الخير
الكل:صباح النور
العنود:شو مقعدنك من الحينه نايم الساعه 5
عبدالله:ماياني رقاااد سهران
هزاع:عبدالله دق على مشاري وشوفه نش والا للحينه
عبدالله:شو تبا منه
هزاع:نبا نطلع العراقيب

«ღ©¨اتصل على مشاري وفي شاليه الشباب فارس ومشاري راقدين وفيصل يشوف التلفزيون والا جوال مشاري يرن .. قعد مشاري على رنه التلفون«ღ©¨

مشاري:الو
عبدالله:هلا الغالي نشيت والا بعدك؟
مشاري:هلااا عبدالله لا والله رااقد قعدت على رنة الجوال
عبدالله:يلا نشووا خل نسير العراقيب
مشاري:هاا اوكي ان شاء الله نص ساعه ساعه بالكثير احنا عندكم
عبدالله:نترياك

«ღ©¨سكر من عنده وشاف فارس راقد .. يقعده فاارس مايرد يحركه مايرد عليه ما يتكلم «ღ©¨

فيصل:اشفيه مايرد
مشاري(بخوف):مادري مايرد فصوول

«ღ©¨المهم تموا يقعدوونه يحركوونه ماافي مايقعــد .. ولا يتكلم «ღ©¨

«ღ©¨ هذا الجزء الاول من القصه وانتظروا الجزء الثاني على شان انعرف اشبيصير في فارس وليش مايرد .. عبدالله وامل اشبيصير عليهم كل شي بنعرفه في الجزء الثاني «ღ©¨