في دهاليز الخبث والانحراف دايم يشطح في مخي المعفن الزباله لعدة اسئله تخليني اعبي سطل كامل من هذاك اللي وشسسسسمه وله طعم خاص ويذهب العقل ويطيره ويخليه عباس بن فرناس من هول ماتعيشه نفسي وهواها الخبيثه في هالدنيا
وبما ان اللي اشعر به وانا محشش وما عندي إختبارات مب مثل اللي يشعر به اي آنسان امريكي او حتى طلياني او حتى فرنسي ان بغينا الشطح يعني
فَ عشان كذا اي شي فيه سفور افهى فيه وافتح فمي كني مشفوح اول مره يشم ريحة اكل لاول مره في حياته رغم الاكتفاء الذاتي اللي ماتمل منه نفسي الامارةُ بالسوء والعياذ بالله واللي تخليني اشطح وأحب التغيير واهجول بين عدة اماكن في هالحياه ....
يعني على اساس اتماشى مع الشعب ونسوي لأن الشعب هالأيام شعب يريد مقدمات وكذا
ترا اعرفكم من هالمقدمه أخذتوا عني فكرتن سيئه ومخلصه ومنتهية الصلاحيه تراني داري عنكم والله تعلموني فيكم لانكم سلاتيح مشاغبين حتى ابليس الملعون متبري منكم ومن افعالكم المخيسه وافكاركم ...
هذا واحد اعرفه لابغا يحشش جاني على باله بيعقل مير ليته يعقل الا يزيد تحشيش ليه لان اللي بيعقله اخس منه في مجال هالتحشيش وتصديره واستيراده
عشان كذا منعاً للمفاسد اول قبل كل شي لازم قراءة المعوذات وانتم داخلين فيذا خبركم الشعب لامن بغى يحشش قلط على اقرب محل مدسوس جنب الشارع اللي هناك واشترى كمية جراكل غير مصرحه وتمنعها وزارة الصحه ووزارة الشؤون الداخليه وكل وزارات الدوله
ششسسسسمه مانبي ندخل في علم السياسه لانها تودي لطرق مظلمه فَ خلونا بالنور احسن ..
ايه يقولكم هذا وشششسسسمه ان التحشيش مرتبط ارتباط كلي بالفهاوه والدليل ..
( قبل اسبوع رحت المطبخ اشرب كاسة لبن وادخل واولع الضو واخذ الكاسه وانظفها وافتح الثلاجه واقفلها وارجع اطفي الضو وارجع لغرفتي واشرب وامزمز الكاسه اتذوق هالطعم المليح والا اكتشف ان الكاسه فاضيه لا عبيتها لا لبن ولا يحزنون ) < نموذج من التحشيش والفهاوه خخ
( قبل يومين خويي في البلاك جته روابط عباره عن بيكات صور ورمزيات تختص بالرومانسيه وكيذا عاد مافتحها بس جته من هنا راح ارسلها للسته كلها اقارب اصحاب بنات عيال قصر عزابيه مراهقين توهم بالغين خخخ بالاخير طلع مرسل شي ماله سنع ) < نموذج ثاني من الفهاوه المستفحله ياكافي خخخ
انا هنا لا آلوم نفسي ولا ألوم احد لانني في حقيقة واقعي هذا انا نفر من الاصل محشش مجنون مخبول لو يجيبون لي طارق الحبيب يحللني يطلع الشيب براسه ويعتزل هنا مابرر القوه والاستفحال في كمية فهاوتي لدرجة انني افتح فمي مضيع طريقي اللي مدري وينه بووه لكن اللي اعرفه ان مخي فاصل سلكه والسبب ....
خبركم جو المحيط اللي تعيشه الحالات المحششه اللي زيي هي السبب الرئيسي لهذي الفهاوه نت + قنوات + مجلات + استراحات + هقرطات بلاك بيري + مصايب اي فون
< يعلمكم انه عنده اي فون وبلاك > بطران على الفاضي
ششسسسمه المهم نرجع لسالفتنا تبون الحرام وعندكم نفس تهوى عمل الشيطان تابعو هالامور وتحششون بِاذن الله تعالى لدرجة ان ابليس يتبرى ويرفع راية الاستسلام
مثلا استراحات العيال اللي ابسط شي > يقول افتحو عيونكم يابنات خخخ
الرجال اللي عمره40 ومجرب الحياه وكذا يجلس معه ولد عمره 25 وهاتك يالعلم الطيب
وبعدين يجي اللي عمره 25 يعلم اللي اصغر منه دون قصد ويروح اللي اصغر منه ياعنني استحي لكن مابه حيا ويفتح لكم هالقنوات ويتابع وان بغا التكنولوجيا فتح النت
ششسسسمه وهكذا ومنها يطلع المخ منحرف هذي طريقه سهله ترا وماهيب صعبتن بالحيل بس وش السواة
فَ حسبي الله على برجس كانه جرني معاه للحرام خخخخ
هذي احدى الطرق فيه طرق غوايه كثير لكن هذي الاقرب والاكثر استعمالا حتى قامت الدعايات والاعلانات يعلنها علني دون حياء يذكر ياهما لالي
شششسسسمه تبي يا فتى التحشيش والصياعه اقترب فقط من برجس
وششسسسسسسمه تبين يافتاة التحشيش تجربه ششسسسمه اقتربي من ام مطلق
هنا تكثر علوم الفهاوه والتحشيش حتى بغمز من دون لمز وبتاشيره مع ابتسامه خبيثه لكن لها طعمها ولذتها المستديره
كل ماجيت بتكلم عن هالشعب انسى واتكلم عن نفسي الحين خلونا فيكم يالشعب
وانسو سالفة برجس وام مطلق اللي ماوراها غير الفساد ياويلي
الحين ليه كل الشعب كذا مفهي !؟
صراحتن هذا سؤال يسدح نفسه
انا نفسي ماعرفت الجواب لاني من هالشعب
اذا شاف هالشعب قطو مع قطوه فهى .. اذا شاف كلب مع كلبه فهى .. اذا لبس شراب برجل ونسى رجل فهى .. اذا نزل من الدرج ورفع عينه فجاه فوق فهى .. اذا نزل من سيارته وشاف شي قدامه فهى .. اذا كان على الاكل وهو ياكل بعد فهى .. واذا جاته حكه من مكان حساس بعد فهى
طب ليه ليه يعني فهموني وش هالفهاوه هل هو من اللي نشربه !؟
أم السبب في المدارس اللي كنا ندرس فيها ؟!
أم وأم وأم
كثير امور تخلي من هالشعب يفهى ويسمونه الجيران ( شعب متخلف ) مع العلم انو شعبنا مب كذا بس لاننا شعب فلاوي نحب نبسط انفسنا كثير ونناقز كثير ونتمدرح كثير ونتزحلق بالحدايق كثير واكثر وننام كثير وناكل كثير ونضحك كثير ونتكلم كثير وكل شي كثير بِ كثير
نظرات الشعوب عنا ترا مختلفه تراهم يحسبوننا ناس ديمقراطيين مادرو عن فلتنا و فهاوتنا
يعني من نظره شخصيه لو يعيشون معنا بس اسبوع عندهم خيارين لاثالث لهما هع هع
الاول بيحبون مجتمعنا المفهي الخبل
أو بيحتقرونا بيستمرون على مقولتهم عالم متخلف
ليه الشعب مفهي 
رد: ليه الشعب مفهي 
العرض العادي
