دمعة الريم
06-08-2006, 09:52
http://www.mowjeldoha.com/mix-pic/borders/www.mowjeldoha.com-borders-54.gif
.::|| السلام عليكم ورحمة الله وبركاته ||::.
اشحالكم عساكم بخير...ان شاءالله تكونون باحسن صحه يارب..
انا عضوه يديده هني ومؤلفه يديده حبيت انضم معاكم...هاي القصه انا مألفتنها باللغه الاماراتيه ^^
اتمنى تقرونها وتردون علي بارائكم وانتقاداتكم..واتمنى تنال اعجابكم..بخليكم مع القصه :028886:
7
7
7
7
شــخــصــيــات الــقــصــه
بيت (ناصر)
البنات::
حصه:20 سنه
ندى:18 سنه
ميره:16 سنه
شهد: 15 سنه
الاولاد::
سيف: 22 سنه
فهد: 21 سنه
بيت (حمد)
البنات::
نورة: 20 سنه
ريم: 18 سنه
شوق: 16 سنه
ساره: 15 سنه
الاولاد::
سلطان: 22 سنه
أحمد: 21 سنه
بيت (غانم)
عبدالله: 24 سنه
ذياب:21سنه
+++++++++++++++++
<|| طبعي كذا ما حب أنا الف وادور .. الله خلقني واضحة في حياتي..أهوى الصراحه وأكره الكذب والزور .. وحبي لغيري مثل حبي لذاتي ||>
بداية القصه
part 1
بسم الله
7
7
7
مابقى على الامتحانات الا اسبوعين .. البنات كل وحدة فغرفتها
((فغرفة ميرة وحصه))
حصه قاعده عالنت تسمع اغاني وكتبها مفروشات عالارض ولا هامنها شي مطنشه
أما الثانيه يالسه ترمس في الموبايل مع بنت عمها شوق<<امحق دراسه
ميرة: ههههههه صدق انه مستكم خبله...
شوق: اقولج تبانا الحبيبه ندرس حصتين ورا بعض..البنات ماسولها سالفه وظهرن من الصف..هاي المس خبله خبله..مابقن الا خمس بنات دحيحات.تمت تدرسهن تصدقين..قالت اللي يبا يدرس حياه الله واللي مايبا الباب سبيل..وطبعا نحن ماصدقنا وطلعنا خخخخ
ميرة: ويييه يحيكم والله..نحن ابلاتنا كلهن يزيغن..تشوفين الدخان يطلع من خشمهن من عصبيتهن...
شوق: تعالي شعبتنا بتستانسين والله...
ميرة: ليتني اقدر..بس هاي المديره الشريه ماطيع..شو أسوي..اقطع عمري..
شوق: ماعليج انا باجر برمسها وبتشوفين<<<خبره في اسلوب الاقناع...
ميره: فديتج والله خاطري ايي وياج..تصدقين ماعندي ربيعات في الصف ..كلهن ربيعاتي فشعبتج >_<
شوق: انزين ولا يهمج..برايج الحين عيل..بخليج..اسمع صوت اخوي من هني محتشر...
ميرة: اوووه اخوج ها مزعج مايخلينا نكمل اتفاقاتنا...
شوق: الحين بيقولي روحي سويلي نسكافيه..نسكف الله حلجه..
ميرة: هههههههه سلميلي عليه..
شوق: عزاته حد والله عشان اسلم عليه..انزين يللا مع السلامه...
ميرة:مع السلامه...
((في بيت حمد))
أحمد يالس في الصاله اللي فوق يلعب سوني ومحتشر ينادي ويزاعق..
احمد: شوووووقاااااااانه ويعلج بريل قولي امين...
شوق: امين (وترفع ايدها ) الله يسمع منك ويفكني من هالمدرسه..
أحمد: خيسي مكانج ماشي عرس الا لما تخلصين..ابا عصير سندويج نسكافيه أي شي يوعان..
شوق: وانت ماتشوف حد غيري تتأمر عليه..ريمووه وسارونه ونوروه خواتك اذا انا مب غلطانه..والله
أحمد: مايعيبني شي الا من ايد حبيبتي شوقانه فديتها اللي ماشي مثلها في الدنيا..
شوق: يااي مدحوني<<ونزلت تحت صوب المطبخ..
أحمد: الحمدلله والشكر..صدق انه هالبنيه مقصه خخخخخ بس احسن عن خواتي اللي لسانها الوحدة50 كيلو تقولون بالعه راديو..حشى مب خوات...
شوق وهي نازلة يت تبا تبطل الباب وشافت سيارة غريبه داشه البيت ..تغرشبت وتمت واقفه تطالع منو ها؟؟..حشرنا برناته..
وقفت السيارة "........" ونزل منها واحد كاشخ ولابس نظارات شمسيه..
شوق مبهته وفاجه حلجها"..منو ها؟..ياربه ياي يخطبني..:<<طع وين التفكير+_+
ذياب: السلام عليج...(فصخ النظارة وعرفته)
شوق: وعليكم السلام والرحمه..ذياب؟؟
ذياب: منو تشوفين يعني..سيري نادي اخوج حمود خلصيني يلا<<<ذياب من النوع اللي مايداني شي اسمه بنات
شوق: .........<_< <<<زاغت من رمسته..تكره حد يرمسها بهالاسلوب وتمت تتحرطم "يمه منه ..بسم الله ..زين ماكلني بقشوري..لا اشحالج لا اول لا تالي..شو هالانسان المعقد"
وصلت فوق..
شوق: اييييه روح طالع هالمعقد اللي تحت مادري شو تحبون فيه..
أحمد مستغرب: منو ها؟؟
شوق: ذياب ولد خالي بعد منو غيره؟؟
(احمد ماقدر اييود عمره ونقع مالضحك لانه يدري بحركات ذياب ويا البنات)
شوق: احينه احر ماعندي ابرد ماعندك..ممكن اعرف ياآخ ليش تضحك علي...
أحمد: هههههههه ماشي ماشي بس لاتزعلين منه هو جيه طبعه..يعني مسويه روحج ماتعرفينه كلش..ليش معصبه؟؟
شوق: بس مادانيه اكرهه كره العمى..
أحمد: بل هههههههه انزين روحي سوي اثنين نسكافيه حقنا..بس بسرعه..
شوق: انزييين <<<على نياتها حليلها
( في الصاله تحت )
أحمد: هلااااااااا وأنا اقول البيت فجأه نور...
ذياب: هلا فيك..البيت منو بهله طويل العمر...
أحمد: حيالله هل لندن..متى رديت بالسلامه ...( ذياب كان رايح يدرس في لندن وهاي السنه الثانيه له )
ذياب: والله من يومين بس..ولكن برد بعد اسبوع ان شاء الله..بس ياي جي خطافي عشان اسلم عليكم ..تولهت عالبلاد واايد...
أحمد: ونحن اكثر..ياخي شلني وياك نجرب جو لندن..طفرت من هني ..محد كثرك يسليني الا فهود فديته ههههههه معذبنه ..كله اطفربه مالاقي حد جدامي غيره ههههههه
ذياب: يلا ضبطولنا رحله حق الشباب نتيمع كلنا في البر..ماتتصور كيف متوله عالدراجات والقعده فليل ودقة العود...
أحمد: افا عليك..ماعندي مانع اكيد..باجر شو رايك؟؟
ذياب: انت خبر الربع وبنشوف على حسب ترتيباتهم...
أحمد: اوكي صار..
دشت شوق وهي شاله العصير..
أحمد: وين النسكافيه؟؟
شوق: ماشي خلص..أكيد بيخلص دامك تدربعه اربع وعشرين ساعه ...
ذياب ماقدر يمسك عمره وضحك<<اول مرة يعبر بنيه خخخخخ
أحمد: ليش تضحك يالهرم!
ذياب: هههههههه بعدك على هالنسكافيه؟؟..ياخي ماتبت..طاع اسنانك غاديه صفرا من هالنسكافيه مالك...
أحمد يسوي جيييز: اسناني بيضاء اللوني..كاللؤلؤ تلمع فالعيني...قول تغار من اسناني قول عادي لاتستحي..
ذياب: ماالت عليك وعلى اسنانك تقول قواطي بيبسي...
شوق: ههههههههههههههه
أحمد: وانتي ليش تضحكين يالسباله..ويا هالملابس تقول ملابس خدامه..
ذياب: ههههههههههههه
شوق بدت تتنرفز كله ولاحد يطنز على برستيجها.. -_-
شوق: محد سبال غيرك..احسن اروح قبل ماتطلع زيراني عليك <<حشى ينيه..
ذياب: والله..يكون احسن بعد
شوق طالعته بنص عين وطلعت عنهم..
ذياب: شورايك نروح نيلس ويالربع ؟؟
أحمد: اوكيك ^^"
(( في بيت ناصر ))
حصه خلصت من الكمبيوتر وطلعت من غرفتها طبعا خلت اليدران يدرسون بدالها ^^"...ظهرت وشافت شهد وندى يسولفن ويهذربن ويطالعن برنامج على التلفزيون مال " نجوم الخليج"...
حصه: شو هالشيف اللي تطالعوهن؟؟..(محد طبعا دزلها فيس.. يت وتفيزرت حذالهن)
شهد: اششششششش خلاص خلاص لاحد يرمس الكيبالي بيغني...
ندى: واااايه يعلني ماخلا من صوته ياربي...
(حصه تطالعهن وفراسها علامة تعجب كبيرة)
حصه: الحين انتي من صدقج ميته فها؟؟صدق ماعندج سالفه..خل ابويه يسمع هالرمسه..والله لاييب اخرتج..
شهد زاغت.. تعرف انه اختها فتانه عودة: لالالالالا دخيل والديج مافيني عليه...
حصه: عيل خلوني اطالع برنامجي المفضل وانتن كل وحدة تتجبل صوب غرفتها وتفتح كتابها احسلها..يلا بسرعه...
ندى: مالت..قولي من البدايه انج تبين تتابعين برنامجج المفضل على قوولتج..لاتقعدين تتفلسفين علينا..
حصه: عيب لاتردين على اختج العوده بهالاسلوب -_- ...لاييج كف على ويهج ماتبين غيره..
ندى: يالله بتذلنا الحين..الا اكبر عني بسنه..يعني جنه كبرج هاهاها
حصه: هاهاها ضحكتيني فديتج..اكبر عنج بيوم افهم منج بسنه يانظر عيني..اوكيه
ندى: اوووهوووو خلاص عاد..شو هالحياه..كلها مذله فمذله..انا بنزل تحت اشم هوى ابرك من اليلسه مع نااس هب من مستواي..
حصه: عشتوواا..هب من مستواج ها؟..ماتبيني الشيخه ايلسج على كرسي فوق كوشه واتم اهوي عليج؟؟
ندى: لا شكرا مب محتايه اجابل هالاشكال..بيلس في الطبيعه الخلابه احسلي..
حصه فرت عليها علبة الكلينكس وكانت بتقوملها بس ندى ضربت ويل وشردت<<خبايل
حصه: وانتي شو ميلسنج هني يلا انزربي فغرفتج...
شهد: صبري والله الحين بتخلص الاغنيه بس دقيقه..
حصه: اخر اغنيه هاي وبس...
شهد: +_+"..مايسوا علينا..
طلع سيف فهالوقت يشوف خواته...
سيف: السلام عليكم...شو تسوون؟؟
حصه وشهد: وعليكم السلام..ماشي نطالع تلفزيون..
سيف: وين عيل ندوي وميروه..
حصه: قصدك البرنسيه ندى..نزلت تحت تشم هوى الاخت..اما ميروه فغرفتها تدرس..
سيف: وانتي ليش ماتدرسين؟؟
حصه: انا ماعندي شي خلصت البروجكتات مالي..
سيف: وشهدوون؟؟متى تبدا امتحاناتج؟؟
شهد: بعد اسبوع..عندنا اجازة الحين..
سيف: انزين شدي حيلج واذا يبتي نسبه فوق الثمانين بوديج دبي انتي وحصوه واللي بييب نسبه بعد..
حصه وشهد صرخن: احلف..يااااااااي بنرووح دبي..
سيف يطالعهن من طرف عينه: ماشاءالله شو هالثقه الزايده..
شهد: لااااااتوصي عالنسبه..دام الروحه فيها دبي وطلعه نتمشى ..بييبلك حتى 100%
سيف: خيبه..عنبو مب شايفات خير انتن شو..اللي يسمع يقول موول مايظهرن..
حصه: ياحبيبي دبي غييير واسواقها غييير ..وبعدين نحن ملينا من بوظبي..كل مرة نفس الاماكن نسير..حفظنا المحلات والشوارع والبيوت..
سيف: انزين انزين اوكي..بروح اجوف ميروه شو تسوي..
"فغرفة ميرة"
ميره يالسه تدرس وتحل مسائل الرياضيات..
سيف: بسم الله الرحمن الرحيم..هاي اختيه ولا انا غلطان!
ميره: شوو شفت ينيه؟؟..تراني مب ناقصتنك انت الثاني..
سيف: طع هاي..بدال ماتقولين وين انت تولهت عليك..مالت عليج..
ميره: والله الظهر جايفتنك ليش اتوله عليك..
سيف اونه زعل ونزل راسه وتجبل صوب الباب: خلاص اسف..شكلي ازعجتج..
ميره: لالالالا كنت امزح يالدب<<كله ولاحد يتمسكن عندها..قلبها طيب وايد..
سيف: مرة ثانيه لاتمزحين مع اخوج العود جي -_-
ميره قامت وحبت راسه<<اونها مؤدبه: حقك علي..انا اسفه..
سيف: بدا الدلع..الا تعالي بسألج..انتي تحلين مسائل رياضيات ولا تخترعين الذرة
ميرة: شو اسوي..تباني يعني احل مساائل الرياضيات وانا متكشخه..جيه انا بصور شو؟؟
سيف: عاد مب تفلين كشتج جي..ولا شعشبونه خخخخ
ميره: عن الغلط عاد..الظاهر وايد عطيتك ويه ..
سيف: افااا..بلاج انتي اليوم مطنقره..محد يمزح وياج مول..
ميره: آآآآه..مليت من الدراسه..خاطري ايامي تكون اكثرها اجازة ههههه
سيف: بقولج شو اتفقنا انا وحصوه وشهووود..
ميره: شو فتحتو مؤتمر القمه فبيتنا وانا مادري..
سيف: هههههه لاا بس قلتلهن اللي بتييب نسبه فوق الثمانين بوديها دبي..
ميره نقزت من فوق الشبريه: هييييييياااااااااااا..بنروح دبي..
سيف يطالع فوق: الحمدلله والشكر..والله خواتي همج همج..مب شايفات خير..
ميره: هههههه هيه بس لاتقول عقب والله انا مشغول ولا مادري شو..
سيف: حتى لو كنت مشغول..بفضي عمري عشان خاطركن..انا من لي غيركن..
ميره: فدييت اخويه انا..الا بسالك شو نازل عليك انت..مب من عوايدك يعني ^^"
سيف: ايواااااا بدينا بنكران الجميل..يوم ابا اسويلكن شي زين مايعيبكن ويوم ماظهركن ولا اعبركن تحتشرن علي..طفرتوبي ..
ميره: لااا منو قالك مايعيبنا..بالعكس الا يعيبنا ونص..نحن من زمان نتريا هالطلعه..
سيف: عيل لمي ثمج ودرسي عدل..انا بنزل تحت..اوكي...
ميره: اوكيك ياكيك...لاااتوصي روح وبالك مرتاح..
.::|| السلام عليكم ورحمة الله وبركاته ||::.
اشحالكم عساكم بخير...ان شاءالله تكونون باحسن صحه يارب..
انا عضوه يديده هني ومؤلفه يديده حبيت انضم معاكم...هاي القصه انا مألفتنها باللغه الاماراتيه ^^
اتمنى تقرونها وتردون علي بارائكم وانتقاداتكم..واتمنى تنال اعجابكم..بخليكم مع القصه :028886:
7
7
7
7
شــخــصــيــات الــقــصــه
بيت (ناصر)
البنات::
حصه:20 سنه
ندى:18 سنه
ميره:16 سنه
شهد: 15 سنه
الاولاد::
سيف: 22 سنه
فهد: 21 سنه
بيت (حمد)
البنات::
نورة: 20 سنه
ريم: 18 سنه
شوق: 16 سنه
ساره: 15 سنه
الاولاد::
سلطان: 22 سنه
أحمد: 21 سنه
بيت (غانم)
عبدالله: 24 سنه
ذياب:21سنه
+++++++++++++++++
<|| طبعي كذا ما حب أنا الف وادور .. الله خلقني واضحة في حياتي..أهوى الصراحه وأكره الكذب والزور .. وحبي لغيري مثل حبي لذاتي ||>
بداية القصه
part 1
بسم الله
7
7
7
مابقى على الامتحانات الا اسبوعين .. البنات كل وحدة فغرفتها
((فغرفة ميرة وحصه))
حصه قاعده عالنت تسمع اغاني وكتبها مفروشات عالارض ولا هامنها شي مطنشه
أما الثانيه يالسه ترمس في الموبايل مع بنت عمها شوق<<امحق دراسه
ميرة: ههههههه صدق انه مستكم خبله...
شوق: اقولج تبانا الحبيبه ندرس حصتين ورا بعض..البنات ماسولها سالفه وظهرن من الصف..هاي المس خبله خبله..مابقن الا خمس بنات دحيحات.تمت تدرسهن تصدقين..قالت اللي يبا يدرس حياه الله واللي مايبا الباب سبيل..وطبعا نحن ماصدقنا وطلعنا خخخخ
ميرة: ويييه يحيكم والله..نحن ابلاتنا كلهن يزيغن..تشوفين الدخان يطلع من خشمهن من عصبيتهن...
شوق: تعالي شعبتنا بتستانسين والله...
ميرة: ليتني اقدر..بس هاي المديره الشريه ماطيع..شو أسوي..اقطع عمري..
شوق: ماعليج انا باجر برمسها وبتشوفين<<<خبره في اسلوب الاقناع...
ميره: فديتج والله خاطري ايي وياج..تصدقين ماعندي ربيعات في الصف ..كلهن ربيعاتي فشعبتج >_<
شوق: انزين ولا يهمج..برايج الحين عيل..بخليج..اسمع صوت اخوي من هني محتشر...
ميرة: اوووه اخوج ها مزعج مايخلينا نكمل اتفاقاتنا...
شوق: الحين بيقولي روحي سويلي نسكافيه..نسكف الله حلجه..
ميرة: هههههههه سلميلي عليه..
شوق: عزاته حد والله عشان اسلم عليه..انزين يللا مع السلامه...
ميرة:مع السلامه...
((في بيت حمد))
أحمد يالس في الصاله اللي فوق يلعب سوني ومحتشر ينادي ويزاعق..
احمد: شوووووقاااااااانه ويعلج بريل قولي امين...
شوق: امين (وترفع ايدها ) الله يسمع منك ويفكني من هالمدرسه..
أحمد: خيسي مكانج ماشي عرس الا لما تخلصين..ابا عصير سندويج نسكافيه أي شي يوعان..
شوق: وانت ماتشوف حد غيري تتأمر عليه..ريمووه وسارونه ونوروه خواتك اذا انا مب غلطانه..والله
أحمد: مايعيبني شي الا من ايد حبيبتي شوقانه فديتها اللي ماشي مثلها في الدنيا..
شوق: يااي مدحوني<<ونزلت تحت صوب المطبخ..
أحمد: الحمدلله والشكر..صدق انه هالبنيه مقصه خخخخخ بس احسن عن خواتي اللي لسانها الوحدة50 كيلو تقولون بالعه راديو..حشى مب خوات...
شوق وهي نازلة يت تبا تبطل الباب وشافت سيارة غريبه داشه البيت ..تغرشبت وتمت واقفه تطالع منو ها؟؟..حشرنا برناته..
وقفت السيارة "........" ونزل منها واحد كاشخ ولابس نظارات شمسيه..
شوق مبهته وفاجه حلجها"..منو ها؟..ياربه ياي يخطبني..:<<طع وين التفكير+_+
ذياب: السلام عليج...(فصخ النظارة وعرفته)
شوق: وعليكم السلام والرحمه..ذياب؟؟
ذياب: منو تشوفين يعني..سيري نادي اخوج حمود خلصيني يلا<<<ذياب من النوع اللي مايداني شي اسمه بنات
شوق: .........<_< <<<زاغت من رمسته..تكره حد يرمسها بهالاسلوب وتمت تتحرطم "يمه منه ..بسم الله ..زين ماكلني بقشوري..لا اشحالج لا اول لا تالي..شو هالانسان المعقد"
وصلت فوق..
شوق: اييييه روح طالع هالمعقد اللي تحت مادري شو تحبون فيه..
أحمد مستغرب: منو ها؟؟
شوق: ذياب ولد خالي بعد منو غيره؟؟
(احمد ماقدر اييود عمره ونقع مالضحك لانه يدري بحركات ذياب ويا البنات)
شوق: احينه احر ماعندي ابرد ماعندك..ممكن اعرف ياآخ ليش تضحك علي...
أحمد: هههههههه ماشي ماشي بس لاتزعلين منه هو جيه طبعه..يعني مسويه روحج ماتعرفينه كلش..ليش معصبه؟؟
شوق: بس مادانيه اكرهه كره العمى..
أحمد: بل هههههههه انزين روحي سوي اثنين نسكافيه حقنا..بس بسرعه..
شوق: انزييين <<<على نياتها حليلها
( في الصاله تحت )
أحمد: هلااااااااا وأنا اقول البيت فجأه نور...
ذياب: هلا فيك..البيت منو بهله طويل العمر...
أحمد: حيالله هل لندن..متى رديت بالسلامه ...( ذياب كان رايح يدرس في لندن وهاي السنه الثانيه له )
ذياب: والله من يومين بس..ولكن برد بعد اسبوع ان شاء الله..بس ياي جي خطافي عشان اسلم عليكم ..تولهت عالبلاد واايد...
أحمد: ونحن اكثر..ياخي شلني وياك نجرب جو لندن..طفرت من هني ..محد كثرك يسليني الا فهود فديته ههههههه معذبنه ..كله اطفربه مالاقي حد جدامي غيره ههههههه
ذياب: يلا ضبطولنا رحله حق الشباب نتيمع كلنا في البر..ماتتصور كيف متوله عالدراجات والقعده فليل ودقة العود...
أحمد: افا عليك..ماعندي مانع اكيد..باجر شو رايك؟؟
ذياب: انت خبر الربع وبنشوف على حسب ترتيباتهم...
أحمد: اوكي صار..
دشت شوق وهي شاله العصير..
أحمد: وين النسكافيه؟؟
شوق: ماشي خلص..أكيد بيخلص دامك تدربعه اربع وعشرين ساعه ...
ذياب ماقدر يمسك عمره وضحك<<اول مرة يعبر بنيه خخخخخ
أحمد: ليش تضحك يالهرم!
ذياب: هههههههه بعدك على هالنسكافيه؟؟..ياخي ماتبت..طاع اسنانك غاديه صفرا من هالنسكافيه مالك...
أحمد يسوي جيييز: اسناني بيضاء اللوني..كاللؤلؤ تلمع فالعيني...قول تغار من اسناني قول عادي لاتستحي..
ذياب: ماالت عليك وعلى اسنانك تقول قواطي بيبسي...
شوق: ههههههههههههههه
أحمد: وانتي ليش تضحكين يالسباله..ويا هالملابس تقول ملابس خدامه..
ذياب: ههههههههههههه
شوق بدت تتنرفز كله ولاحد يطنز على برستيجها.. -_-
شوق: محد سبال غيرك..احسن اروح قبل ماتطلع زيراني عليك <<حشى ينيه..
ذياب: والله..يكون احسن بعد
شوق طالعته بنص عين وطلعت عنهم..
ذياب: شورايك نروح نيلس ويالربع ؟؟
أحمد: اوكيك ^^"
(( في بيت ناصر ))
حصه خلصت من الكمبيوتر وطلعت من غرفتها طبعا خلت اليدران يدرسون بدالها ^^"...ظهرت وشافت شهد وندى يسولفن ويهذربن ويطالعن برنامج على التلفزيون مال " نجوم الخليج"...
حصه: شو هالشيف اللي تطالعوهن؟؟..(محد طبعا دزلها فيس.. يت وتفيزرت حذالهن)
شهد: اششششششش خلاص خلاص لاحد يرمس الكيبالي بيغني...
ندى: واااايه يعلني ماخلا من صوته ياربي...
(حصه تطالعهن وفراسها علامة تعجب كبيرة)
حصه: الحين انتي من صدقج ميته فها؟؟صدق ماعندج سالفه..خل ابويه يسمع هالرمسه..والله لاييب اخرتج..
شهد زاغت.. تعرف انه اختها فتانه عودة: لالالالالا دخيل والديج مافيني عليه...
حصه: عيل خلوني اطالع برنامجي المفضل وانتن كل وحدة تتجبل صوب غرفتها وتفتح كتابها احسلها..يلا بسرعه...
ندى: مالت..قولي من البدايه انج تبين تتابعين برنامجج المفضل على قوولتج..لاتقعدين تتفلسفين علينا..
حصه: عيب لاتردين على اختج العوده بهالاسلوب -_- ...لاييج كف على ويهج ماتبين غيره..
ندى: يالله بتذلنا الحين..الا اكبر عني بسنه..يعني جنه كبرج هاهاها
حصه: هاهاها ضحكتيني فديتج..اكبر عنج بيوم افهم منج بسنه يانظر عيني..اوكيه
ندى: اوووهوووو خلاص عاد..شو هالحياه..كلها مذله فمذله..انا بنزل تحت اشم هوى ابرك من اليلسه مع نااس هب من مستواي..
حصه: عشتوواا..هب من مستواج ها؟..ماتبيني الشيخه ايلسج على كرسي فوق كوشه واتم اهوي عليج؟؟
ندى: لا شكرا مب محتايه اجابل هالاشكال..بيلس في الطبيعه الخلابه احسلي..
حصه فرت عليها علبة الكلينكس وكانت بتقوملها بس ندى ضربت ويل وشردت<<خبايل
حصه: وانتي شو ميلسنج هني يلا انزربي فغرفتج...
شهد: صبري والله الحين بتخلص الاغنيه بس دقيقه..
حصه: اخر اغنيه هاي وبس...
شهد: +_+"..مايسوا علينا..
طلع سيف فهالوقت يشوف خواته...
سيف: السلام عليكم...شو تسوون؟؟
حصه وشهد: وعليكم السلام..ماشي نطالع تلفزيون..
سيف: وين عيل ندوي وميروه..
حصه: قصدك البرنسيه ندى..نزلت تحت تشم هوى الاخت..اما ميروه فغرفتها تدرس..
سيف: وانتي ليش ماتدرسين؟؟
حصه: انا ماعندي شي خلصت البروجكتات مالي..
سيف: وشهدوون؟؟متى تبدا امتحاناتج؟؟
شهد: بعد اسبوع..عندنا اجازة الحين..
سيف: انزين شدي حيلج واذا يبتي نسبه فوق الثمانين بوديج دبي انتي وحصوه واللي بييب نسبه بعد..
حصه وشهد صرخن: احلف..يااااااااي بنرووح دبي..
سيف يطالعهن من طرف عينه: ماشاءالله شو هالثقه الزايده..
شهد: لااااااتوصي عالنسبه..دام الروحه فيها دبي وطلعه نتمشى ..بييبلك حتى 100%
سيف: خيبه..عنبو مب شايفات خير انتن شو..اللي يسمع يقول موول مايظهرن..
حصه: ياحبيبي دبي غييير واسواقها غييير ..وبعدين نحن ملينا من بوظبي..كل مرة نفس الاماكن نسير..حفظنا المحلات والشوارع والبيوت..
سيف: انزين انزين اوكي..بروح اجوف ميروه شو تسوي..
"فغرفة ميرة"
ميره يالسه تدرس وتحل مسائل الرياضيات..
سيف: بسم الله الرحمن الرحيم..هاي اختيه ولا انا غلطان!
ميره: شوو شفت ينيه؟؟..تراني مب ناقصتنك انت الثاني..
سيف: طع هاي..بدال ماتقولين وين انت تولهت عليك..مالت عليج..
ميره: والله الظهر جايفتنك ليش اتوله عليك..
سيف اونه زعل ونزل راسه وتجبل صوب الباب: خلاص اسف..شكلي ازعجتج..
ميره: لالالالا كنت امزح يالدب<<كله ولاحد يتمسكن عندها..قلبها طيب وايد..
سيف: مرة ثانيه لاتمزحين مع اخوج العود جي -_-
ميره قامت وحبت راسه<<اونها مؤدبه: حقك علي..انا اسفه..
سيف: بدا الدلع..الا تعالي بسألج..انتي تحلين مسائل رياضيات ولا تخترعين الذرة
ميرة: شو اسوي..تباني يعني احل مساائل الرياضيات وانا متكشخه..جيه انا بصور شو؟؟
سيف: عاد مب تفلين كشتج جي..ولا شعشبونه خخخخ
ميره: عن الغلط عاد..الظاهر وايد عطيتك ويه ..
سيف: افااا..بلاج انتي اليوم مطنقره..محد يمزح وياج مول..
ميره: آآآآه..مليت من الدراسه..خاطري ايامي تكون اكثرها اجازة ههههه
سيف: بقولج شو اتفقنا انا وحصوه وشهووود..
ميره: شو فتحتو مؤتمر القمه فبيتنا وانا مادري..
سيف: هههههه لاا بس قلتلهن اللي بتييب نسبه فوق الثمانين بوديها دبي..
ميره نقزت من فوق الشبريه: هييييييياااااااااااا..بنروح دبي..
سيف يطالع فوق: الحمدلله والشكر..والله خواتي همج همج..مب شايفات خير..
ميره: هههههه هيه بس لاتقول عقب والله انا مشغول ولا مادري شو..
سيف: حتى لو كنت مشغول..بفضي عمري عشان خاطركن..انا من لي غيركن..
ميره: فدييت اخويه انا..الا بسالك شو نازل عليك انت..مب من عوايدك يعني ^^"
سيف: ايواااااا بدينا بنكران الجميل..يوم ابا اسويلكن شي زين مايعيبكن ويوم ماظهركن ولا اعبركن تحتشرن علي..طفرتوبي ..
ميره: لااا منو قالك مايعيبنا..بالعكس الا يعيبنا ونص..نحن من زمان نتريا هالطلعه..
سيف: عيل لمي ثمج ودرسي عدل..انا بنزل تحت..اوكي...
ميره: اوكيك ياكيك...لاااتوصي روح وبالك مرتاح..