عذاب روح

[روح الفراشة]

السلام عليكم ورحمة الله وبركاته
اعزائي الاعضاء احببت ان تشاركوني اول قصة اكتبها ، بعنوان عذاب روح
ولايسعني الا ان اتوجه بجزيل الشكر الى صديقتي واختي الغالية بسمة الم (مو مشاركة معانا في المنتدى) التي شجعتني على هذه الخطوة

نبدأ اولا بالشخصيات:
عائلة ابو بدر: ابو بدر رجل اعمال كبير وفيه بض القساوة حتى على عياله
ام بدر طيبة وحنونة وكل من يعرفها يحبها
عبير بنتهم الكبيرة عمرها 24 سنة اخر سنة لها بالجامعة متزوجة من عامر وعندها دانة سنة ونص
بدر عمره 22 سنة يدرس في لندن
ناصر عمره 20 سنة
جود عمرها 18 سنة وماتقدر تقعد دقيقة وحدة من دون صديقتها المقربة منال

عائلة ابو احمد : ابو احمد اخو ابو بدر بس الفرق بينهم ان ابو احمد قلبه طيب وابيض مثل الثلج وحنون
ام احمد متوفية صار لها 3 سنين
احمد عمره 20 سنة
منال 18 سنة صديقة جود المقربة

عائلة ابو عامر: ابو عامر اخو ابو بدر وله شركة خاصة فيه
ام عامر اخت ام بدر وتحمل مثل قلب ام بدر
عامر عمره 27 سنة يشتغل في شركة ابوه
حسين عمره 22 سنة يدرس مع بدر في لندن
وئام عمرها 18 سنة
محمد عمره 16 سنة

عائلة ابو فيصل: ابو فيصل الاخ الثالث لابو بدر
ام فيصل تكره الظلم وماتحب تسكت عن الحق
فيصل عمره 29 سنة متزوج من نهى وعنده سارة 3 سنين وعلي 5 سنين
مي عمرها 25 سنة مخطوبة لواحد كان زميلها في الجامعة
فهد عمره 24 سنة يدرس طب ومستبعد فكرة الزواج
روان 19 سنة

عائلة ابو طلال:ابو طلال اخر فرد في العائلة
ام طلال حنونة وطيبة
طلال عمره 21 يدرس هندسة كمبيوتر
والتوأم شيماء ونوف 20 سنة
عادل عمره 16 سنة ورغد 15 سنة

وراح تبين صفات الشخصيات مع احداث القصة

[روح الفراشة]

الجزء الاول (( الفصل الاول))ام بدر: جود يمة بسج رقاد
جود: يمة دقيقة وبقوم
ام بدر: جود يلا ورانا سفرة قومي اتأكدي من اغرضج
جود: ان شاء الله يمة
طلعت ام بدر من غرفة جود وراحت تقعد عيالها من الرقاد، قامت جود وراحت تتسبح وطلعت من الحمام (( يكرمكم الله)) وهي تنشف شعرها وكان موبايلهل يرن طنشته وراحت تتمشط بعد ماخلصت خذت موبايلها وشافت ان منال هي اللي كانت متصلة اتصلت لها وماكملت رنتين الا منال تتكلم
منال: ياللي ما تستحين توج قاعدة من الرقاد وانا والبنات صار لنا ساعة ننطرج
جود: هههههههههههههه حشا اكلتيني انتي لما اتصلتي كنت طالعة من الحمام وانشف شعري وتوني خلصت واتصلت لج
منال: انزين خلاص سامحتج يلا بسرعة تعالي
جود: ههههههههه اوكي البس وبجي لكم
سكرت جود عن منال وراحت تلبس عبايتها وشيلتها وطلعت رايحة بيت عمها ابو احمد <<<< كلهم جيران ، دخلت البيت وراحت المطبخ شافت عمها واحمد يتريقون سلمت على احمد وباسته على راسه وسلمت على احمد
احمد: هلا شلونج؟
جود: بخير انت شلونك؟
احمد: انا بعد بخير
جود: دوووووم، الا وين منال؟
احمد: منال في غرفتها مع البنات متخرعين كأنهم اول مرة يسافرون
جود: هههههههههه بس لايسمعونك واتصير الحرب العالمية الثالثة
احمد: انتي اللي لاتفتنين
جود: افا هذا رايك فيني افتن
احمد: حشا انا ماقلت جذي بس انتو يالبنات ماينعرف لكم
جود: اقول عن اذنكم مو مستعدة ادخل في حوار عقيم
احمد: هذا انتو يالبنت اذا مالقيتون جواب وهذا صعب يعني تتهربون
بو احمد: هههههههههه بسكم ياعيال روحي يا جود اذنج معاج
احمد: انقذج الوالد
جود وهي تمشي رايحة لمنال وهي اتكلم احمد أي والله عمي دوووم ايجي في الاوقات المناسبة
في غرفة منال كان الضحك واصل لبرع ، جود لما ركبت سمعت الضحك وقررت انها تسوي فيهم مقلب ابتعدت شوي عن الغرفة واتصلت في منال
جود وهي تسوي روحها تصيح: منال بقول لج شي خطير
منال: شفيج جود
جود: اسمعيني انتي بس
منال وهي خايفة شوي: اسمعج يلا اتكلمي
جود: مابنسافر معاكم
منال: بس توني ساكة من عندج وماقلتي لي
جود: حست انها راح تنكشف: لا وانا بجي لج قالوا لي
منال انصمت بقوة ولما شافو شكلها سألوها وقالت لهم وانصدموا هم الثانين تردد في بالهم انه عمهم قاسي بس مو لهذي الدرجة وجاءت اجوبة متفرقة من البنات: ليش ؟ وشنو صار؟ شنو اللي غير رايكم
جود وهي تفتح باب الغرفة: شفيكم حبايبي حبيت اسوي فيكم مقلب
البنات كانوا يطالعونها وهم مستغربين وهي تضحك على اشكالهم اما وئام خذت المخدة وفرتها عليها
جود وهي مستمرة في الضحك: هههههههه خلاص اتقبلوا المقلب ههههه بروح رياضية ههههههه
روان: بتشوفين ياجودووو ان مارديناه لج
جود: انزين خلاص تعيشون وتاكلون غيره
وقضوا البنات الوقت الباقي لهم في البلاد بضحك وناسة ، جاء وقت السفر والكل كان مجتمع عشان يستعدون للسفر الى استراليا<<<< اختيار البنات طبعا

[روح الفراشة]

(( الفصل الثاني ))
اعلن المطار ان لازم يسافرون الحين ، ركبوا العائلات الطائرة ، طبعا جود ومنال وئام الثلاثي المرح في كرسي ام بدر وابو بدر في كرسي وكانت معاهم عبير <<< داشة عرض والباقين قسموا روحهم على الكراسي
طارت الطائرة وكل قسم يتكلمون باحلى الاحاديث وبعد مامرت ساعة على الطيران الكل غفت عيونه ماعدا عيون ظلت تراقب شخص حيرها بتصرفاته ، كانت هذي العيون هي عيون جود وكانت تراقب ملامح ابةها والحزن ماخذ مأخذه من وجهها وتقول في نفسها مو معقولة هذي الملامح تخفي داخلها هذا القلب القاسي حتى على اقرب الناس له ، اما ابو بدر كان حاس بنته بس مغمض عيونه وهو يقول انتون ياعيالي بهذي النظرات تذبحوني ومافي ابو في الدنيا قاسي على عياله بس كان لازم ان اقسى عليكم وقلبي الومن هو اللي خلاه مثل الحجر وبين افكار جود وابوها قعدت وئام وطالعت جود لقت الدموع على خدها استغربت وسألتها: جود عمري شفيج؟
جود وبحكة تدل على انها تخرعت: مافيني شي ياوئام
وئام: عليٌ يا جود ، كلنا ملاحظين عليش بالرغم من ضحج ومزاحج معانا لكن عيونج ماتخبي ياجود الحزن اللي فيها
جود ودموعها تزيد: مادري شفيني ياوئام احس اني من انولدت وفتحت عيوني على هذي الدنيا بدت بذرة الحزن اللي انولدتمعاي تكبر كل ماكبرت ، ابو من جهه وبدر وعبير من جهة ثانية والانسان الوحيد اللي حبيته من جهة ثالثة
وئام: ليش، شمسوي لج؟
جود: وئام انتي الوحيدة اللي اقدر اخبرج بهذا الموضوع حتى منال اللي اقرب من روحي ماقدر اقول لها
وئام: ادري ياجود بس شفيج؟
جود: احس ان احنا بنفترق عن بعض بالرغم من اللي جمعنا وصرت من افكر فيه او في حياتنا احس بنغزة في قلبي وكأنها تقول لي لايا جود لاتفكرين بهذا الموضوع لان انتي اللي راح تتعذبين في النهاية
وئام: شيلي هالافكار السودة من عقلج لانها راح تأذيج
جود وهي تمسح دموعها : اوكي وئام خلنا نسكر على هذا الموضوع
وئام: اوكي
وقاموا يتكلمون باشياء ثانية ولما قربوا يوصلون قعدوا منال من الرقاد وتمت اتوسلف معاهم وهي ميتة قهر لانهم قعدوها
الساعة 10 بالليل وصلت الطائرة الى مطار استراليا نزلوا من الطائرة وراحوا للفندق المحدد اللي راح يقضون فيه اجازتهم وصاروا البنات جود ومنال ووئام وروان في غرفة ونوف وشيماء ورغد ومي في غرفة والشباب قسموا روحهم في غرفة والعجايز كل واحد في غرفة وفيصل وزوجته وعياله في غرفة وعامر وزوجته وبنته في غرفة
في غرفة عبير (( غرفة عامر ))
عبير: ماما شفيج؟ ليش كل هذا الصياح؟
وبنتها يعلا صياحهاوهي مو عارفة شلون تسكتها، وفي هذي اللحظة دخل عامر
عامر: سكتي بنتج فضحتينا
عبير: صار لي ساعة اسكتها وهي موطايعة
عامر وهو ياخذ دانة: امهات اخر زمن حتي عيالهم مايعرفون يسكتونهم
عبير: بنشوف اباء اخر زمن شراح يسون
عامر قام يلاعب بنته لين ماسكتت وتم يطالع عبير بطرف عينه وهو يقول لها: شفتين شلون يسكتون اليهال
عبير وهي واصله حدها من العصبية: انزين خلاص عرفنا وفهمنا
عامر وهو يضحك عليها: ياحلوج وانتين معصبة
وهني زادت عصبية عبير
وهذا حال عبير وعامر بالرغم من حبهم لبعض بس كل واحد مايبي يتنازل ويعترف للثاني بحبه<<<< زواجهم كان زواج تقليدي ولد العم اخذ بنت العم

وهني نخلص الجزء الاول1-شلون راح تكون السفرة؟
2- شنو تتوقعون اللي خلا ابو بدر قاسي؟
3- من اللي تحبه جود؟ وليش وئام هي الوحيدة اللي تعرف؟
4-شنو المشكلة بين جود واخوانها بدر وعبير؟
5-شلون بتكون حياة عبير وعامر؟وهل راح يعترفون لبعض؟تحياتووووو...

[بنت العز]

هلا حبيبتي نورتي المنتدى
ومشاء الله اسلوووووووووووك روعه
ننتظر البقيه حبيبتي
واسمحي لي ادرجها من ضمن الفهرس

[روح الفراشة]

هلا حبيبتي نورتي المنتدى
هلا بيج عمري
ومشاء الله اسلوووووووووووك روعه
شكرا على المدح
ننتظر البقيه حبيبتي
ان شاء الله مااطول
واسمحي لي ادرجها من ضمن الفهرس
مسموحة يالغلا

[بنت العز]

ياهلا الغاليه

مشكوره على ردك الرائع
وانتظر منك البقيه
لا تحرمينا من ابداعك

[روح الفراشة]

الجزء الثاني (الفصل الاول)
اول يوم لهم في استراليا ومن فرحة البنات انهم لاول مرة يسافرون مع بعض قعدوا قبل الساعة عشر، في غرفة جود (روان كانت في غرفة نوف وشيماء)
منال: عاد جود قولي شنو سبب خلافج مع اخوانج
وئام: أي جود خبرينا
جود: بليز خلوني على راحتي ماحب اذكر هذا الموضوع
منال: والحين هذا وانا رفيجتج الروح بالروح ماتقولين لي انتي عمرج ماخبيتي عني شي ليش هذا الموضوع بالذات؟
في هذي اللحظة تغيرت ملامح جود وئام نزلت راسها<<< اكيد عرفتون ليش
منال جود شفيج خذي تغيرتين
جود اتلعثمت وماعرفت شنو تقول لانها مو متعودة تجذب بس وئام انقذتها
وئام: الظاهر يامنال ان احنا ذكرناها بشي ماتبي تقوله، احنا اسفين جود
جود: لاعادي، تدرون بقول لكم السالفة يمكن ارتاحوتقولين لي من الغلطان
منال و وئام:يالله جود نسمعج
رجعت جود بذاكرتها الى ليلة ماتنساها طول عمرها وبدت تقول شنو اللي صار :في ليلة كنت طالعة من غرفتي بنزل اشرب ماي بس وانا نازلة مريت على غرفة عبير وسمعتها تتكلم بالتيلفون وكنت بنزل بس انصدمت لما عرفت ان اللي تكلمه عبير صبي بقيت مدة وانا واقفة مكان من الصدمة ولما انتبهت لنفسي وقلت اللي اسويه خطأ عيب اني اجسس على اختي وكنت برجع غرفتي لان نفسي انسدت عن شرب الماي لفيت لقيت بدر واقف وراي خفت وماقدرت اشرح له موقفي وكان قريب مني وايد وقلت انه اكيد سمع عبير قالي بصوت يدل على العصبية :امشي وراي
جود: والله ماكان قصدي اني اتسمع بس عبير تكلم واحد وانا انصدمت فعشان جذي بقيت
بدر: امشي وراي من غير نقاش
وطق بدر غرفة عبير ولما فتحت عبير الباب دخل بدر اما انا مادخلت
قالي بدر : دخلي الغرفة، دخلت وقعدت يم عبير ومقابل لنا بدر
عبير: شصاير بدر
بدر: الانسة جود كانت تتسمع لج وانتي تتكلمين بالتيلفون
ماحسيت الا وعبير تصفعني صفعة ماانساها طول عمري انا من صدمتي ماحسيت على خدي أي الم الالم كان بقلبي وهذا الالم دفعني الى ان اقول كلام ماتوقعت اني بقوله لااختي، قلت لها: انتي اكثر وحدة تعرفين اني مااسوي هذي الحركات بس لما سمعتج تكلمين واحد انصدمت وماقدرت اتحرك من مكاني ،وبعدين يااخ بدر بدل ماتحاسبني حاسبها هي
بدر بكل عصبية مسك يد جود:انتي غلطانة ويحق لنا نحاسبج
جود وهي ميتة من الالم: اذا انا غلطانة عيل عبير شنو، شنو تسمي لما وحدة تخون ثقة اهلها فيها؟ قول لي ياخوي
بدر:من قالج انها خانت ثقة اهلها فيها انا ادري انها تحب والحب مو عيب
جود: الظاهر ان الغربة مأثرة فيك، ادري ان الحب مو عيب بس اللي تسويه اختك عيب ، عمره الحب ماصار بالغلط واللي يبدي بالغلط مايدوم
جود طالعت منال وكان الموقف يتكرر جدامها: بدر بعصبية اكثر قطني على الارض ماقدرت اتحمل اكثر طلعت من غرفة عبير بسرعة ورحن غرفتي وقفلت الباب ونمت على سريري من غير مااشغل الليتات واتلحفت وكنت اصيح بصمت ،اولا صدمتي في اختي اللي كنت اعتبرها قدوتي وثانيا الصفعة اللي عطتني اياها عبير ثالثا اخوي وطريقة تفكيره الخطأ
جود:وهذا اللي خلى اخواني اللي هم عزوتي في الدنيا يعاملوني وكأني غريبة عنهم
وئام: هذا الكلام من متى؟
جود: صار من ثلاث سنين
منال:خلاص جود انسي وانا متأكدة انهم بيحسون وبيعرفون غلطهم
وئام:صح كلام منال ، انسي وقطي كل شي وراج
جود: اوكي
بخبركم بصفات عبير وبدر:
عبير اول ماشافات جود فرحت لان بيصير لها اخت بس مع مرور الزمن صارت تكرها او تعدي انها تكرها وقامت تغار منها لانها امهم كانت تدلعها <<<< اخر العنقود ويحق لها،وتحمل عكس صفات جود
بدر صفاته مثل صفات عبير بسبب قربه منها لما كان صغير وهي الوحيدة اللي تقدر تأثر عليه وعصبي بدرجة كبيرة ، بدر من لما كان صغير وهو يحب يسافر وايد عشان جذي نقدر نقول انه متأثر بالغرب

[روح الفراشة]

الفصل الثاني من الجزء الثاني
صار الوقت اللي لازم فيه ابطالنا يطلعون للتنزه وبما انه اول يوم لهم في استراليا(سيدني) فكانوا محتارين يروحون وين واوكلت هذه المهمة للبنات<<<< هم المخ-ططين للسفرة ولازم يتحملون كل شي ، قعدوا البنات في اجتماع مغلق وكل وحدة عطت اقتراح الى وين يروحون وكانت غالبية الاصوات انهم اولا يروحون حديقة وندرلاند وبعدها يروحون الى احدي المطاعم عشان يتعشون فيه، خبروا الاهل بقرارهم بس كانوا معترضين على الحديقة بس انتون تعرفون البنات وعنادهم ، اتفقوا على ان الساعة 4.00 بيطلعون وكانت الفرحة مو سايعتهم لانهم بيشوفون استراليا، وهم في غمرة اندماجهم وتخطيطاتهم للطلعة جاء ليهم ابو ابدر و ابو فيصل وقالوا لهم انهم بيأجلون هذي الطلعة لبكرة وطلبوا منهم انهم يلمون اغراضهم عشان بيتركون الفندق وبيقعدون في بيت يكفيهم كلهم رواحوا ينفذون اللي طلب منه وخيبة الامل باينة على وجهم
في غرفة ناصر كانوا السباب يلمون اغراضهم وهم يتحرطمون
ناصر: والله انهم فاضين مالقوا غير اليوم يقررون هذا القرار
محمد: ياناصر ياعزيزي اول مرة اتفق معاك في نقطة مهمة، لو اجلوا هذا القرار لبعد مانجي كان وايد احسن
ناصر: حمود اسمعني وانا اخوك كلمة (لو) ماتفيد اتركها ولا ترد تقولها
احمد: الحمد لله والشكر، احمدك واشكرك ياربي على نعمة العقل، نصور بدل لاتقول هذا الكلام لحمود قوله لنفسك يا فيلسوف زمانك
ناصر: ياصديقي الغالي انا عمري ماقلت كلمة (لو) صح اني اتحسف على الماضي بس لو مااقول وبعد.....
احمد وهو يقاطعه: واللي يسلم عمرك فكنا من حشرتك ولم اغراضك بهدوء
محمد: ويوووووووو فشلوه ويوووووووو
احمد وهو يتنهد: ياربي
ناصر ومحمد ظلوا يضحكون عليه وهو واصل حده
ماراح اقول لكم حالة البنات لانهم ببساطة يعتبرون اللي صار تحطيم الى احلامهم اللي بنوها لتحقيق اوقات ممتعة في استراليا
كملوا الشباب والصبايا لم اغراضهم وتجمعوا تحت عشان يتوجهون الى البيت اللي راح يضمهم كلهم تحت سقف واحد ركبوا السيارات وبعد نص ساعة وصلوا الى البيت ودخلوا داخل وهم فرحانين انهم بيقعدون فترة في هذا البيت، تقسيم الغرف صارت مثل الفندق بس البنات وئام ومنال وجود هذي المرة كانت معاهم رغد وروان راحت مع نوف وشيماء ومي ، ظلوا يرتبون اغراضهم ويعدلونها لماجاء وقت الصلاة كل واحد فيهم تمسح وصلى بعد الصلاة نزلوا تحت في الصالة يسولفون مع بعض العجايز في صالة والشباب في الصالة الثانية
احمد: ناصر سمعت نكتة الموسم
ناصر: لاوالله سمعنا يابو الشباب
احمد: يقول لك في شلة بنات مساكين كانوا مسافرين وكانوا يخططون وراسمين احلامهم والا ...
قاطعته وئام اللي كانت منقهرة وفرت عليه المخدة اللي على الكرسي<<<< تحب تفر المخاد على الاوادم
الكل تم يضحك على شكلها وهي منقهرة لانها تكون محمرة بشكل فضيييييييع
جود: وئامووو امس فارة المخدة علي واليوم على احمد شو هواية
وئام: أي دام هذي اشكالكم فهذي هي هوايتي، الا بقول لكم شباب شنو رايكم ان كل واحد يقول هوايته
منال: أي فكرة حلوة، انا هوايتي القعدة جدام هالكمبيوتر وكلم هذي وارد على هذي
وكل واحد قام يقول هوايته ناعدا جود اللي مانطقت بس كانت تسمعهم وهي مبتسمة
احمد: شنو جوجو ماهي هوايتك هيا اخبرينا
جود: ماهذا يابن عمي اتناديني جوجو
وئام: أي صج مافي الا جوجو اسمج مايتلاقى له اسم دلع
جود: وئام بليز سكتي يعني وئام اللي يتلاقى له اسم دلع
منال: امممممممممممم اذا جود جوجو اذا وئام واوا
الكل:هههههههههههههه
ناصر: بس حاسبي منول لاهيفا ترفع عليش قضية وتجرجرش في المحاكم
منال: وي ليش
ناصر: لان واوا اسم اغنيتها الجديدة
الكل:هههههههههههههه
منال: خلاص وئام خلنا على وئامووووو احسن من ادخل المحاكم
الكل:ههههههههههههه
عادل: شباب شريكم نلعب كورة<<<< صج فاضي تفكير شباب
طلال: ياسلام فكرة بس وين؟
عادل: في البيت حديقة شكبرها وتقول وين
طلال: انزين من وين الكورة
محمد: من وين ؟ اكيد من عندي دقايق وبجيبها
صعد محمد فوق وجاب الكورة ونزل ومن بعدها طلعوا الشباب عشان يلعبون كورة وهم يلعبون شافوا كم واحد يلعبون في الحديقة اللي جنبهم طلعوا الشباب وراحوا يلعبون معاهم
في البيت
روان: سؤال يطرح نفسه وين مي؟
جود: أي صج وينها ماشفناها
وئام: هههههههههههه وهذا سؤال اكيد تتكلم مع العاشق الولهان
مي وهي نازلة من السلم: كأني سمعت العاشق الولهان ، من هذا؟
منال: من يعني اكيد خطيبج
مي: الله كل هذا حسد
وئام: مالت عليج بالعشر حسد على شنو
مي شدراني فيكم
جود: ميوش، ليش ماقلتي له يجي معانا
مي: ومن قال لكم اني ماقلت له يجي قلت بس هو مارضى يقول مو متعود عليكم
روان: اكيد مابتعود علينا هذا خطيبج اذا شافني يستحي شلون مع العائلة الكريمة
وئام وهي تضحك بصوت عالي والكل مستغرب منها: ههههههههههههههههههه رواني حلفي انه يستحي منج هههههههه
روان: هههههههه والله مااجذب من يشوفني ينقلب وجهه احمر على برتقالي على اصفر
الكل ضحك ماعدا مي: هييييييييي مو كأنكم مصختوها
الكل: هي عاشواكل هذا حب وقاموا يصافرن، هني انقلب وجه مي احمر من الفشلة
وهم مستانسين دخلوا عليهم الشباب وهم حابسين الضحكة حباس وناصر حاطين على خشمه لصقة
جود وهي تركض لاخوها وحابسة الضحكة: شفيك ياخوي
ناصر: مافيني شي جرح بسيط
جود: أي من شنو
منال: ههههه قول نصور شفيه خشمك مكسور لاتستحي
الكل: ههههههههههه
ناصر: هىء هىء هىء تضحكون وياويوهكم ، بس ماعلي بخبركم الله يسلمكم وانا العب كورة مع الشباب .....

اوبس خلصنا الجزء الثاني
توقعاتكم:
1- شنو صار في ناصر؟
2- لشنو بتوصل المشكلة بين جود واخوانها؟ هل بتنحل؟
3- شنو بيصير في السفرة؟ هل راح تتأجل الطلعات مثل هذي الطلعة
4- شنو مصير جود وعذابها ؟

نلتقي في الجزء الثالث مع احداث اكثر نشويقا
تحياتووووووو

[بنت العز]

يعطيك العافيه حبيبتي
وراح ارجع اقرى الاجزاء
ما كملتها
بس حبيت ارد عليك
واشكرك يالغاليه على الاجزاء

لي عوده

[#%غيابك انا موقده%#]

مشكوره الروايه مرره روعه يعطيك العافيه>>>>>>>>>>>>>لا تطولين علينا

[zezo_asm]

يعطيك العافبه

[روح الفراشة]

بنت العز

الله يعافيج يالغلا

وان شاء الله يعجبك الجزء

[روح الفراشة]

Noha

العفوووو عزيزتي

وهذا من ذوقج

وان شاء الله ماطول

[روح الفراشة]

zezo_asm

الله يعافيك

[روح الفراشة]

الجزء الثالث(الجزء الاول)

ناصر: هىء هىء هىء تضحكون علي وياويهوكم بس ماعلي بخبركم ، الله يسلمكم وانا العب كورة مع الشباب نطيت(قفزت) عشان اضرب الكورة براسي مسوي عمري رونالدو الا ويجي واحد وينط في نفس اللحظة والغبي بدال لايضرب الكورة ضرب خشمي براسه لكن عليه راس ولا كرة حديد ، كسر خشمي اللي مايستحي<<<السالفة صارت مع خالي وهو يلعب كورة
الكل ضحك على ناصر وعلى طريقته وهو يقول اللي صار
ناصر: الشره مو عليكم الشره علي اني قاعد واقول لكم شنو صار
جود وهي تضحك على خفيف: نصور لاتضحك بس تخيلنا الموقف و.....
منال وهي تقاطعها: ههههههههه تخيلنا تصادم بالخشوم هههههه انا سمعت تصادم بالروؤس بس تصادم بالخشوم اول مرة اسمعها ههههههههه
ناصر: أي ضحكوا شوراكم مو انتوا اللي تأذيتوا
عبير: ماقلت لي ياخوي مارحت المستشفى
ناصر: امبلا رحت
عبير: شنو قالوا لك
ناصر: ولا شي جرح بسيط ويومين وبيروح وحطوا لي هذي اللصقة
وئام: يعني مايحتاج عملية تجميلية
ناصر: ههههههههههاي سخيفة
وئام: انا سخيفة
ناصر: اسم الله عليج انتي سخيفة انتي السخافة بكبرها
وئام: ماعلي هذا كلام تقوله لي يا ولد عمي
جود: خلاص وئاموووو
وئام: خلاص هالمرة بعديها
كملوا الشباب سهرتهم وهم مستانسين حدهم وعلى الساعة 2.30 كل واحد راح غرفته عشان ينام..... ناموا كلهم وهم يحلمون شنو بيسون بكرة في الطلعة... الساعة عشر الصبح الكل قعد من النوم ماعدا منال اللي نومها ثقيل<<<< مثلي لو يصير زلزال ماقعد
جود: منولة يلا عاد قومي
منال: اوكي دقايق وبقوم
وئام: منالوووو يلا عاد ماصار كل هذا نوم
منال: اوهو انا خبري ان الطلعة العصر ليش تقعدوني من الحين
جود: عشان تتريقين
منال: مابي
في هاللحظة طلعت وئام من الغرفة لانها فقدت الامل ان منال بتقد من النوم
جود: منولة يالله
منال: جود الله يخليش خليني انام شوي
جود: اوكي خلاص على راحتج
طلعت جود من الغرفة ونزلت تحت عشان تتريق معاهم وتاركة منال تغرق في احلامها الوردية
على مائدة الطعام:
ابو احمد: يبة جود وين منال؟
جود: ياعمي ماتدري بنتك مو راضية تقوم
بو احمد: ههههههههه أي هذي البنت موتها الموت
وهم يتريقون كانوا عافسين المكان ماعدا جود وناصر اللي متعودين في الوجبات محد يتكلم <<<< مثل حالتنا.... وهم على هذي الحالة بو بدر ماقدر يتحمل الازعاج اكثر<<< الرجال متعود على الهدوء
ابو بدر بعصبية: بسكم عاد تركوا الواحد يتهنى في اكله
الكل سكت من كبيرهم الى صغيرهم لانهم يعرفون ابو بدر اذا عصب يمكن يسوي أي شي وكملوا الريوق وكل واحد فيهم بالع لسانه، بعد ماكمل ابو بدر الريوق قام من على طاولة الطعام رايح غرفته ولحقته ام بدر وماصارت دقيقة من غاب فيها ابو بدر والا الكل تكلم وعبر عن اللي في خاطره
في غرفة ابو بدر
ام بدر: مايصير ياابو بدر العيال جاين يستانسون وانت ......
قاطعها ابو بدر: بس انتين تدرين اني ماحب الفوضى وخاصة على الوجبات
ام بدر: ادري يا ابو بدر بس كلمتك على عيالك بس، اما عيال اخوانك مايصير تصارخ عليهم
ابو بدر : بس خلاص اكلتي جبدي، اسكتي
ام بدر ، ان شاء الله
طلعت ام بدر من الغرفة تاركة ابو بدر يسبح في احزانه اللي ماتنتهي
بعد فترة نزلت منال وهي مادة البوز شبرين لان ابوها راح وقعدها، راحت عشان تتريق بس ماشافت شي على الطاولة
منال: يبة وين الريوق
ابو احمد: محد قال لج تأخري في النوم، روحي جهزي ريوقش بنفسج
طلعت لها منال اللي تبيه وهي تتحرطم، بعد ماخلصت قعدت معاهم تسولف وتضحك، لما جاء وقت الصلاة راحوا يصلون وعلى الساعى 2.00 تغذوا بصمت وهدوء <<< خايفين من ابو بدر.... بعد ماتغذوا راحوا يجهزون روحهم عشان يطلعون، وجاءت الساعة المنتظرة عشان يطلعون فيها 4.00

[روح الفراشة]

( الفصل الثاني)
الكل مستانس والارض مو شايلته من الفرحة <<< صدق احمد يوم قال انهم متخرعين .... طلعوا في السيارات متجهين الى حديقة وندرلاند، وصلوا الحديقة والكل استانس لا نها كانت فعلا حلوة وطبعا وئام ماتترك تعليقاتها المثيرة
وئام: ياااااااااااي والله انها روعة
ناصر وهو يقلد عليها ياااي ولا نانسي عجرم، فشلتينا كأنج اول مرة تشوفين حديقة
وئام: جب الحين انا فشلتكم ولا انت
ناصر: وانا ليش افشلكم
دخلت رغد عرض: هههههههه شوف خشمك بعدين تكلم
ناصر وهو مفتشل: رغد ماسمعتين باللي يقول (من عاب استعاب)
رغد: نصور لاتقول خشمي بيصير مثلك
ناصر: واخس منه
رغد بهبالة: ياقردي، بالعكس نصر خشمك سلالة سيف شحلوة، وانتين وئاموووو ارزني فشلتينا
الكل ضحك على رغد
وئام: انزين مابتدخلون
الكل: يلا
دخلوا داخل الحديقة يستمتعون بوقتهم، وبعد ماقضوا وقت حلو في الحديقة طلعوا منها متجهين الى احد المطاعم عشان يتعشون فيها ، كانوا حاجزين لهم طاولة ولما دخلوا دلهم النادل الى الطاولة قعدوا عليها والبسمة ماتفرق وجههم وطلبوا لهم عشى وقعدوا يسولفون.
جود: وناسة صراحة الحديقة حلوة
منال: أي صج استانسنا، كانت روعة
وئام:هههههههههه
منال شفيج، ضحك من دون سبب من .....
وئام: ولا شي، بس اذكرت جود لما كانت بطيح هههههه كان شكلها نكتة
منال: ههههههه والله كان نقوف عجيب، بس مالحقت اصورها
جود وهي مفتشلة لان الكل يضحك عليها: سبلان، اصلا التنورة كانت طويلة عشان جذي بغيت اطيح
منال: امممممممم، التنورة كانت طويلة ولا احد شاغل بالج
جود: احد مثل منو
وئام: هههههه خلاص المهم انها ماطاحت وفشلتنا
نوف بغرور: اهي بس جود اللي فشلتنا، ماشاء الله انتوا ماقصرتوا كأنكم يهال
وئام ترد عليها بنفس الغرور: وانتي ليش غيرانة، لان احنا استانسنا
نوف: غيرانة منكم على شنو، اغار على الهبل؟
وئام: هاهاها انتن تتمنين تصيرين مثلنا
شيماء: خلاص نوف سكتي
نوف: اني بسكت لاني ماحب اتكلم مع ناس اقل من مستواي
وهني منال ردت: اكيد مو مستواج لان مستوانا عالي ومابتوصلين له
طلال: خلاص نوف عيب عليكم انتون بنات عم وهذا الكلام ماتقولون لبعض
الكل سكت وبقوا يسولفون لما وصل الكل تعشوا وهم ساكتين الخوف من ابوبدر مسيطر عليهم بعد ماكملوا رجعوا البيت وهم فرحانين من الخاطر
نبذة عن صفات التوأم شيماء ونوف هالثنتين يتشابهون بس في الشكل اما في التصرفات يختلفون، شيماء طيبة وتحب الناس واجتماعية وحساسة ماتحب تزعل احد منها او تجرح احد.... اما نوف مغرورة بدرجة كبيرة حتى على اخنها ومثل ماتقل ماتحب تتكلم مع ناس اقل من مستواها الاجتماعي والمادي وماتنزل دمعتها الا نادرا وما تعتذر الى احد حتى لو كانت هي الغلطانة واللي يغلط عليها بكلمة تخليه يلعن الساعة اللي نولد فيها>>>> عزيزة نفس البنت

وهني نخلص الجزء الثالث بفرحة ابطالنا واستغراقهم في احلامهم عن استراليا
توقعاتكم:
شلون بتكون السفرة مع مزاج ابو بدر العصبي؟
شلون بتكون علاقة نوف مع اهلها اللي يتميزون بالطيبة؟
الثلاثي المرح(جود ومنال ووئام) شلون بنكون علاقتهم مع بعض في الايام الجاية؟

وان شاء الله يعجبكم

[#%غيابك انا موقده%#]

مشكوره حبيبتي الجزء مررررره حلو ,,,,,,,,,,,, ننتظرك

[ad494nan]

مشكور على الروايه الجميله

[روح الفراشة]

Noha
مشكورة ع الرد والتواصل
يعطيج العافية

[روح الفراشة]

ad494nan
شكرا ع الرد
من ذوقك

[بنت العز]

بليز ياقلبي كمليها
والله تجمست معها
لا تطولين
ومشكوره على الجزء الرائع